×

Warning

JUser: :_load: Unable to load user with ID: 540


အမေရိကန်တွင် မြန်မာအစားအစာများ နေရာရလာခြင်းနှင့် Burma Superstarဆိုင်တည်ထောင်သူရဲ့ အားထုတ်မှု

အမေရိကန်တွင် မြန်မာအစားအစာများ နေရာရလာခြင်းနှင့် Burma Superstarဆိုင်တည်ထောင်သူရဲ့ အားထုတ်မှု Sanfrancisco Chronicle

အမေရိကန်ရဲ့ ဆန်ဖန်စစ်စ္စကိုမှ ဘားမားစူပါစတားဆိုတဲ့ စားသောက်ဆိုင်မှာ ဆီရွှဲရွှဲနှင့် အစပ်အဟပ်တည့်တည့် အစားအစာများကို ရောင်းချပေးနေပြီး ထိုဆိုင်မှ လက်ဖက်သုပ်ကို စားပြီဆို အချို ၊ အငံ ၊ အချဉ် ၊ အစပ် စတဲ့အရသာတွေဟာ သင့်စိတ်ကြိုက် ခံတွင်းတွေ့စေနိုင်မှာ ဖြစ်ပါတယ်။

 

ထို့အပြင် သံပုရာသီ ၊ သံပုရိုသီးစိမ်းတို့ကို မီးဖုတ်ထားတဲ့ နှမ်းလေးနဲ့ လက်ဖက်ဖြင့် စားသောက်ကြသလို ခရမ်းချဉ်သီးမှည့် ၊ ငရုတ်ပုတောင့်၊ ကြက်သွန် စတာတို့ကို လက်ဖက်နဲ့ ငါးငံပြာရည်လေးနဲ့ တွဲဖက်စားသောက်လို့ကတော့ အရသာက ရှယ်မှရှယ်ပဲလို့ သိရပါတယ်။

 

116789679_308963123688106_120451402566501106_n.png

 

လက်ဖက်ကို နည်းမျိုးစုံနဲ့ ခပ်စိမ်းပြပြ ပုံစံနဲ့ နည်းမျိုးစုံစားသောက်လို့ရပေမယ့် ဒီဆိုင်လေးမှာတော့ အနောက်နိုင်ငံသားများ အကြိုက်တွေ့အောင် ဆိုင်ရှင် မြန်မာ အမျိုးသား Desmond Tan မှ ရောင်းချ နေတာဖြစ်ပါတယ်။ ထိုဆိုင်ရှင်ရဲ့ ဈေးရောင်းနှစ်က နှစ် ၂၀ ကျော် ကြာပြီ သိရပါတယ်။

 

Burma Superstarဆိုင်ရဲ့ Clement လမ်း မှာ လူတွေက ဆိုင်ပြင်မှာတောင် မတ်တပ်ရပ်စောင့်နေကြရပါတယ်။ ဘာလို့လဲဆိုတော့ ထိုဆိုင်က လက်ဖက်သုပ်ကို ဟင်းခွက်အကောင်းစားတစ်ခွက် အဖြစ်နဲ့ လူတွေကစောင့်မျှော်ကြလို့ပဲ ဖြစ်ပါတယ်။

အခုဆိုရင် အဲ့လိုတွေ အောင်မြင်ခဲ့လို့ ဆိုင်ရှင် Dasmond Tanကတော့ ခုနှစ်ဆိုင်မြှောက် မြန်မာ အစားအစာ စားသောက်ဆိုင် ( Burma Bites )ကို အမေရိကန်မှာ စတင်ဖွင့်လှစ်တော့မယ်လို့ သိရပါတယ်။

 

အခုအချိန် အမေရိကန်မှာ ဆိုရင်လဲ Burma Superstar ကို အစားအသောက်အကြောင်းရေးတဲ့ မီဒီယာတွေက မသိတဲ့ သူမရှိသလောက်ပါပဲ။ ၂၀၁၆ တုန်းက ဆိုရင် တိုက်ခိုက်မှု့ တွေ ရှိလာတာနဲ့ ပတ်သက်ပြီး မကောင်းတဲ့ ရေးသားချက်တွေ ရှိလာပါသေးတယ်။ ၂၀၀၀ ခုနှစ်လောက်ကတည်းက ကဖေးဆိုင်လေးတွေ ဖွင့်လှစ်ခဲ့တဲ့ Tan အနေနဲ့ ဒါက မပြောပလောက်တဲ့ ပြဿနာတွေပါ။

 

သူ့အနေနဲ့ ပြောကြားချက်ကတော့ '' ကျွန်တော် က မီဒီယာတွေနဲ့ စကားအများကြီးပြောဆိုရတာကို မကြိုက်ဘူး။ ဘာလို့ဆို Oaklandဆိုင် က နို့လက်ဖက်ရည်တစ်ခွက်နဲ့ ပတ်သတ်ပြီးတော့ မကောင်းသတင်းရေးခံရလို့ ပါ။ အဲ့ဒီ စာရေးသူတွေ က ကျွန်တော့် ကို ဘယ်လိုတိုက်ခိုက်ရမယ်ဆိုတာကို အစောထဲက အကြံရှိနေပါလိမ့်မယ်။ သို့ပေမယ့် ကျွန်တော့်ဆိုင် Burma SuperStar က အမြဲတမ်း Super Star အဖြစ်ရှိနေအုံးမှာပဲ" လို့ပြောကြားခဲ့ပါတယ်။

 

ဆိုင်ပိုင်ရှင် Tan ကတော့ ယနေ့ခေတ် စားသောက်ဆိုင်ဈေးကွက်ကို ကိုင်လှုပ်နိုင်သူတစ်ဦးဖြစ်ပြီး အခြား စားတော်ကဲတွေဆို ဆိုရှယ်မီဒီယာမှာ ပုံတွေ တင်ပြီး သူတို့နာမည်ရအောင်ကြိုးစားပေမည့် သူကတော့ ဂျာနယ်လစ်တွေနဲ့တောင်စကားသိပ်ပြောတာမတွေ့ရပါဘူး။

 

Tan ဟာ နက်မှောင်တဲ့ ဆံပင်တွေရှိပြီး၊ စူးစူး စမ်းစမ်း မျက်ဝန်းတွေရှိကာ၊ ထသွားထလာပုံ သာမန် အဝတ်အစားဝတ်ဆင်ပြီး လူအများနဲ့ လိုက်ရော ညီထွေနေထိုင်မှု့ တအားကောင်းပါတယ်။ သူနဲ့ သင်စကားလက်ဆုံကြပြီဆိုပါစို့ သူ့ဆိုင်မှာဆိုရင် သင့်ကို တစ်ခုခု မှာကျွေးလိမ့်မယ် သို့ပေမယ့် သင့်အစားအစာတွေအေးတဲ့ အထိ သူနဲ့ သင် စကားလက်စုံကျနေမိမှာပါ။

 

Tan ဟာ သူ့အသက် ၁၁ နှစ်ထဲက ဆန်ဖန်စစ်စ္စကို ကို ရန်ကုန်ကနေ မိသားစုနဲ့ အတူ ပြောင်းရွေ့နေထိုင်ခဲ့တာဖြစ်ပြီး မြန်မာ လူမျိုးဖြစ်ပါတယ်။ ၁၉၇၀ လောက်ထဲက နိုင်ငံရေးခိုလှုံမှု နဲ့ အမေရိကန် ကို ရောက်ရှိခဲ့တာဖြစ်ပြီး သူရဲ့ ငယ်ဘဝကတော့ တော်တော်လေး ကို ရုန်းကန်ခဲ့ရပါတယ်။

 

အမေရိကန်မှာ စစရောက်ခြင်းက Tan တို့ အဝတ်အစား ဝတ်ပုံ တွေ၊ အင်္ဂလိပ်လိုသိပ်မပြော နိုင်ပုံ ၊ အစားအသောက်စားပုံတွေနဲ့ ပတ်သက်ပြီး အပြောခံအဆိုခံရတာတွေရှိပါတယ်။ မြန်မာပြည်ကလာတယ်ဆိုတာ ပြောရင် ဘယ်သူ့မှ မသိကြတဲ့အတွက် အာရှတိုက်ကနေ လာတယ်လို့ သာပြောလေ့ရှိတယ်လို့ သိရပါတယ်။

 

မြန်မာနိုင်ငံရဲ့ အိမ်နီးချင်း နိုင်ငံတွေဖြစ်တဲ့ ယိုးဒယား၊ တရုတ်၊ လာအို၊ ဘင်္ဂလားဒေ့ရှ်၊ အိန္ဒိယ စတဲ့နိုင်ငံတွေမှာလဲ ဟင်းချက်နည်းမျိုးစုံရှိပါတယ်။ Burma Superstar ဆိုင်အနေနဲ့ ကြက်သား၊ ပုဇွန် စတာတွေကို ဒံပေါက် အဖြစ် မြေအိုးနဲ့ ချက်ပြီး ဝက်သားကို မျစ်ချဉ်နဲ့ ဝက်အစပ်ချက်တာအတော်နာမည်ကြီးတယ်လို့ သိရပါတယ်။

 

Tan ရဲ့ Burma Bite ဆိုင်က အခြားဆိုင်တွေထက်ဈေးပေါမယ်လို့ သိရပြီး သူ့ရဲ့ အခြား Dining ဆိုင်များထက်ပါ ဈေးသက်သာအောင်ရောင်းချမယ်လို့လည်း သိရပါတယ်။ ဒါ့ကြောင့် မြန်မာ့ အစားအစာကို ကမ္ဘာအလယ်မှာ ချပြနိုင်တဲ့ Burma Superstar ဆိုင်ကြီးကို ဂုဏ်ပြုပြီး အသိအမှတ် ပြုကြရအောင်။

 

 

Source : Sanfrancisco Chronicle

 

Written by Freya Bo 

Read times Last modified on Thursday, 06 August 2020 17:25
Rate this item
(2 votes)