ဗီယက်နမ်သို့ သကြားတန်ချိန် ခြောက်သောင်းကျော်တင်ပို့မည်

ထိုင်းနှင့် ဗီယက်နမ် ပို့ကုန်ဆန်ဈေးနှုန်း မြှင့်တင်ရေး ဆွေးနွေးမည်

အိန္ဒိယမှာ မိုးနည်း စပါးအထွက်နည်းဖွယ် ရှိသဖြင့် အာရှဝယ်လက်များ အိန္ဒိယဆန် ကြိုတင်ဝယ်ယူမှု

ဂျာမနီ၊ ပိုလန်နှင့် မော်လ်တာ အီးယူသုံးနိုင်ငံတို့က ဗီယက်နမ်မှ တင်သွင်းသော ခေါက်ဆွဲခြောက်များတွင် ကင်ဆာဖြစ်စေသောဓာတ် ethylene oxide EO ပါဝင်မှု မြင့်မားနေသဖြင့် သတိပေးချက် ထုတ်ပြန်ထားသည်။ အီးယူ အစားအသောက် ဘေးကင်းရေး စည်းမျဉ်းများအရ ခွင့်ပြုသည့် ရေချိန်ထက် ကင်ဆာဖြစ်စေနိုင်သော ethylene oxide EO ပါဝင်မှု ကျော်လွန်နေသည်ဟု ဆိုသည်။

ဂျာမနီနိုင်ငံမှ ဗီယက်နမ်နိုင်ငံသို့ ပေးပို့သည့် အသိပေးအကြောင်းကြားစာတွင် ဗီယက်နမ်နိုင်ငံ တောင်ပိုင်းရှိ Binh Duong ပြည်နယ်၊ Thuan An City မှ Asia Food Joint Stock Company အသင့်ပြုတ်စား ခေါက်ဆွဲခြောက်ထုပ်များဖြစ်သော ကြက်သားအရသာ အသင့်စားခေါက်ဆွဲနှင့် ဟင်းခတ်အမွှေးအကြိုင် အသင့်စားခေါက်ဆွဲများတွင် ethylene oxide EO ပါဝင်နှုန်းသည် ဥရောပသမဂ္ဂ အီးယူ၏ ခွင့်ပြုထားသော ကန့်သတ်ချက်များထက် ကျော်လွန်၍ ပါဝင်နေကြောင်း ဖော်ပြထားသည်။

ဟိုချီမင်းမြို့ တန်ဖူခရိုင်မှ Việt Nam Food Industry Joint Stock Company (Vifon) ကြက်သားအရသာ အသင့်စားခေါက်ဆွဲများတွင် အလားတူ ဖြစ်ရပ် တွေ့ရှိကြောင်း ပိုလန်နိုင်ငံက အသိပေးအကြောင်းကြားသည်။ ဗီယက်နမ်မှ တင်ပို့ထားသော ခေါက်ဆွဲခြောက်ထုပ်များကို ဗီယက်နမ်သို့ ပြန်လည်ပေးပို့ကြောင်းလည်း အကြောင်းကြားစာတွင် ဖော်ပြထားသည်။

Nguyễn Gia ၏ ခေါက်ဆွဲ ထုတ်ကုန်များသည် တရားမဝင် မျိုးဗီဇပြုပြင်ထားသော ဆန်များမှ ပြုလုပ်ထားကြောင်း မောလ်တာမှ သတိပေးခဲ့သည်။ ထုတ်ကုန်များကို ဈေးကွက်ထဲမှ ပြန်ရုပ်သိမ်းထားကြောင်း ပြောကြားသည်။

ယမန်နှစ်တွင် ဗီယက်နမ် ခေါက်ဆွဲခြောက်နှင့် ကြာဇံခြောက် အထုပ် အများအပြားတို့တွင် EO ပါဝင်မှုညများပြားကြောင်း တွေ့ရှိပြီးနောက် အီးယူဈေးကွက်တွင် ပြန်လည်သိမ်းဆည်းခဲ့သည်။

ကမ္ဘောဒီးယားအာဏာပိုင်များသည် ဗီယက်နမ် အသင့်စားခေါက်ဆွဲများကို ဓာတ်ခွဲစစ်ဆေးကြည့်မည်ဖြစ်ပြီး တားမြစ်ထားသော Ethylene Oxide (EO) ပါ၀င်မှု များပြားသော ဗီယက်နမ် အသင့်စားခေါက်ဆွဲများ တင်သွင်းမှုကို တားဆီးမည်ဖြစ်ကြောင်း ထုတ်ပြန်ကြေညာထားသည်။

#MyanmarFoodIndustryGuide
Source: vietnamnet.vn

ဗီယက်နမ်က ပြည်တွင်းသကြားလုပ်ငန်းကဏ္ဍကို အကာအကွယ်ပေးဖို့  နောက်ထပ်ငါးနိုင်ငံမှ သကြားထွက်ကုန်များအပေါ် အခွန် စည်းကြပ်မှာ ဖြစ်ပါတယ်။