Myanmar

(၁) မြန်မာနိုင်ငံဆန်စပါးကုန်သည်များအသင်း၊ ဆန်စပါးကုန်စည်ဒိုင်များသည် ရန်ကုန်မြို့နှင့် နိုင်ငံအဝှမ်း စားသုံးသူပြည်သူများ၏ နေ့စဉ် စားသုံးနေသော စားနပ်ရိက္ခာဆန်များ ဖြန့်ဖြူးပေးရာ အဓိကကျသော နေရာများဖြစ်သည့်အပြင် စားနပ်ရိက္ခာအတွက် မရှိမဖြစ် လိုအပ်သော နေရာများ ဖြစ်ပါသည်။

(၂) မြန်မာနိုင်ငံဆန်စပါးကုန်သည်များအသင်း၊ ဆန်စပါးကုန်စည်ဒိုင်များကို နေ့စဉ် တနင်္ဂနွေနေ့ (၁)ရက်မှလွဲ၍ ဖွင့်လှစ် ရောင်းချပေးလျှက်ရှိရာ ၂၀၂၀ခုနှစ်၊ စက်တင်ဘာလ၊ (၂၀)ရက်နေ့တွင် ထုတ်ပြန်ထားသော ကျန်းမာရေးနှင့်အားကစားဝန်ကြီးဌာန၏ အမိန့်အမှတ်-(၁ဝ၇/၂၀၂၀)ဖြင့် ရန်ကုန်မြို့အတွင်း (Stay at Home) နေထိုင်ရန် ထုတ်ပြန်ချက်အရ မြန်မာနိုင်ငံဆန်စပါး ကုန်သည်များအသင်း၊ ဆန်စပါးကုန်စည်ဒိုင်(ဝါးတန်း)၊ လမ်းမတော်မြို့နယ်နှင့် ဆန်စပါးကုန်စည်ဒိုင် (ဘုရင့်နောင်)၊ မရမ်းကုန်းမြို့နယ်တို့ကို တစ်ပါတ်လျှင် (၃)ရက်၊ တနင်္လာ၊ ဗုဒ္ဓဟူး၊ သောကြာနေ့ များတွင် ဖွင့်လှစ် ရောင်းချရန်နှင့် ရောင်းချမည့်ချိန်ကို နံနက်(၆း၃၀)နာရီမှ(၁၀း၀၀)နာရီအတွင်းသာ အရောင်းအဝယ် ပြုလုပ်မည်ဖြစ်သဖြင့် အသင်းသူ/သားများနှင့် ဝယ်ယူသူအားလုံးတို့ကို အသိပေး ကြေငြာအပ်ပါသည်။ (ပြန်လည်ပြင်ဆင်ပါက ထပ်မံ ကြေငြာပေးမည်)

(၃) ဆန်စပါးကုန်စည်ဒိုင်များအတွင်း လာရောက်သူ အသင်းသူ/သားများ၊ ရောင်းသူ/ဝယ်သူ များအနေဖြင့် ဆန်စပါးကုန်စည်ဒိုင်များအတွင်းသို့ လာရောက်ကြရာတွင် ကျန်းမာရေးဝန်ကြီးဌာန၏ ထုတ်ပြန်ထားသော (COVID-19)ရောဂါ ကြိုတင်ကာကွယ်ရေး စည်းကမ်းများအတိုင်း လိုက်နာ ဆောင်ရွက်ကြရန်ဖြစ်ပါသည်။

မြန်မာနိုင်ငံဆန်စပါးကုန်သည်များအသင်း

By Wyk (Myanmar Food Guide)