Food & Health

ကြက်အသည်းက သင့်ကျန်းမာရေးအတွက် သင့်တော်မှုရှိမရှိ ဘယ်လိုဆုံးဖြတ်ပါသလဲ။ မကြာသေးမီက ကြက်ကိုယ်တွင်းအင်္ဂါတွေက အာဟာရပြည့်ဝကြောင်းသက်သေပြခဲ့ပြီး အများအားဖြင့် စျေးသိပ်မကြီးကြပါဘူး။ ကြက်သားအသည်းများက လူကြိုက်များတဲ့ ကြက်ရင်သားထက် အာဟာရ ပိုပေးပါတယ်။

လွန်ခဲ့သောဆယ်စုနှစ်များအတွင်း ကြက်အသည်းက ကိုလက်စထရော ပါဝင်မှုများပြားတာကြောင့် နှလုံးကျန်းမာရေးအတွက် မကောင်းသောစိုးရိမ်မှုများ ရှိခဲ့ပါတယ်။ သို့သော် လေ့လာမှုများအရ ချက်ပြုတ်ရာမှ အဆီနှင့် မူလအဆီဓာတ်ပေါင်းစပ်ခြင်းက ခန္ဓာကိုယ်အတွင်းရှိကိုလက်စထရော ပမာဏကို များပြားလာစေပြီး အစားအစာတွေမှာ ကိုလက်စထရော ပမာဏများပြားလာခြင်းတို့ကြောင့် ဖြစ်တယ်လို့ ရှင်းပြခဲ့ပါတယ်။

ကြက်အသည်းနှင့်ပတ်သက်တဲ့ အခြားကြီးကြီးမားမား စိုးရိမ်ပူပန်မှုကတော့ campylobacter လို့ခေါ်တဲ့ ဘက်တီးရီးယားပိုးမွှားတွေက ကျွန်ုပ်တို့ရဲ့ ခန္ဓာကိုယ်စနစ်ထဲသို့ အသားများမှတစ်ဆင့် ဝင်ရောက်ရှိပါက ၎င်းပိုးက ရောဂါကူးစက်မှုကိုဖြစ်စေနိုင်တာပဲ ဖြစ်ပါတယ်။

ကြက်အသည်းတွေက အနီရောင်အသားမဟုတ်ပါဘူး။ သူတို့က ကြက်ကလာတဲ့ ကိုယ်တွင်းအင်္ဂါအသားတွေဖြစ်ပြီး အသည်းမှာ များသောအားဖြင့် ဖောလိတ်၊ သံဓာတ်နှင့် ခန္ဓာကိုယ်ကို ကျန်းမာစေတဲ့ ဇီဝဗေဒ အာဟာရဓာတ်များစွာ ပါဝင်ပါတယ်။

ဖောလိတ်က ကလေးမွေးဖွားခြင်းဆိုင်ရာ ပြဿနာတွေကို ထိန်းသိမ်းပေးပြီး ကိုယ်၀န်ဆောင်အမျိုးသမီးတွေ စားသုံးပါက ကလေးရဲ့မွေးရာပါချို့ယွင်းမှု အန္တရာယ်များမှကာကွယ်နိုင်ပါတယ်။ ဒါ့အပြင် ဦးနှောက်ကျန်းမာရေးအတွက် ကောင်းမွန်တဲ့ အာဟာရဖြစ်သော ကိုလင်လည်းပါ ၀င်ပါတယ်။ ကြက်အသည်းတွေက အံ့သြဖွယ်ကောင်းတဲ့ ပရိုတင်းဓာတ်ရင်းမြစ်တစ်ခုဖြစ်ပြီး ၎င်းက ကြွက်သားများနှင့်အရိုးများကို ကျန်းမာစေပြီး ကျွန်ုပ်တို့ရဲ့ အနာများကိုလည်း ကုသတဲ့နေရာမှာ ကူညီပေးပါတယ်။

ကြက်ပေါင်းရည်တွေမှာ ပရိုတိန်းထုတ်လုပ်ရန် လိုအပ်သော အမိုင်နိုအက်ဆစ်များပါ၀င်ပြီး အသားတွေမှာ ပါဝင်မှုနည်းပါးတဲ့ ဗီတာမင်စီကြွယ်ကြွယ်ဝဝ ပါဝင်ပါတယ်။ ၎င်းကို ဗီတာမင်အေနှင့်ပေါင်းစပ်လိုက်တဲ့အခါ ကျွန်ုပ်တို့ရဲ့ မျက်စိကျန်းမာရေးကို အလွန်အထောက်အကူပြုပါတယ်။

သံဓာတ်ပါ၀င်မှုက ခန္ဓာကိုယ်အတွက် စွမ်းအင်နှင့် B12 ကဲ့သို့သော ဗီတာမင်များဖြင့် ဖြည့်တင်းပေးပြီး သွေးအားနည်းရောဂါခံစားနေရသူတွေအတွက် ကြက်အသည်းကို အကောင်းဆုံးရွေးချယ်သင့်ပါတယ်။ ကြက်အသည်းက ကယ်လိုရီ ပါဝင်မှုနည်းပါးပြီး ၅၆-၆၀ ဂရမ်ကြက်အသည်းတွေက အဆီ ၄ ဂရမ်ထောက်ပံ့ပေးနိုင်ပြီး ပြည့်စွက် အဆီ ၂ ဂရမ်၊ ၃၁၆ မီလီဂရမ် ကိုလက်စထရောနှင့် ၉၄ ကယ်လိုရီတို့ပါ၀ င်ပါတယ်။

ကိုယ်ဝန်ဆောင်အမျိုးသမီးတွေက ကြက်အသည်းကို အလွန်အကျွံစားခြင်းမှ ရှောင်ကြဉ်သင့်ပါတယ်။ ဘာကြောင့်လဲဆိုတော့ ဗီတာမင်အေ အလွန်အကျွံဖြစ်ခြင်းက ကလေးကိုအန္တရာယ်ဖြစ်စေနိုင်လို့ ဖြစ်ပါတယ်။

ကြက်အသည်းကို မစားမီသတိရသင့်တဲ့ နောက်ထပ်အရေးကြီးအချက်တစ်ခုက ၎င်းအသည်းမှာ အဆီဓာတ်များပါဝင်နေတာကြောင့်ဖြစ်ပါတယ်။ ထို့ကြောင့် ကြက်အသည်းကို ထောပတ် သို့မဟုတ် တခြားအဆီအမျိုးအစားများဖြင့် ကြော်ခြင်းက အကောင်းဆုံးနည်းလမ်းမဟုတ်ပါဘူး။

မချက်ပြုတ်မီ ကြက်အသည်းမှ တစ်ရှူးများ သို့မဟုတ် အဆီများကိုသင် ဖယ်ရှားပေးဖို့ လိုအပ်ပါတယ်။ ၎င်းအရာတွေက သင်စားသော အဆီပမာဏကိုတိုးစေနိုင်ပါတယ်။ ကြက်အသည်းတွေကို အသေအချာဆေးကြောပြီး အန္တရာယ်ဖြစ်စေနိုင်သောဘက်တီးရီးယားများသေသည်အထိ သေချာချက်ပြုတ်ပေးပါ။ ကြက်အသည်းကို အသင့်အတင့်စားဖို့ လိုအပ်တာကြောင့် တစ်ပတ်ကို ၈၅ ဂရမ်ထက်ပိုမစားမိဖို့ ကြိုးစားသင့်ပါတယ်။

Source:TimesOfIndia