Food & Livestock

တစ တစနဲ့ အပြိုင်အဆိုင် အရင်က ပိုမိုအလှမ်းဝေးတဲ့ နိုင်ငံခြားတိုင်း ပြည်များကို တင်ပို့ရောင်းချဖို့ ဈေးကွက်များကိုလဲ လေ့လာနေပြီ။ အမေရိကန် နည်းပညာကို လေ့လာနေကြပါပြီ။

ကိုယ်တိုင်လုပ်ဖူးတဲ့ FDA, Third Party Audit အစရှိတဲ့ စစ်ဆေးမှုများထဲမှ အချို့ကို ပြောချင်ပါတယ်။ အမှန်တော့ အမေရိကန် နည်းပညာဆိုတာ မြန်မာ နိုင်ငံက လူတိုင်းလုပ်ရင်ရပါတယ်။ လိုက်နာ အကောင်အထည်ဖော်ဖို့ အလွန် ခက်ခဲတဲ့ အလုပ်တွေတော့ မဟုတ်ပါဘူး။
အမေရိကန်နိုင်ငံမှာ စားသောက်ကုန်လုပ်ငန်းများနဲ့ ပါတ်သက်ပြီး အပိုင်းကဏ္ဍ များ ခွဲထားပါတယ်။ ကုန်ထုတ်လုပ်ရေးအပိုင်းမှာ FDAနဲ့ သက်ဆိုင်ပါတယ်။
အမေရိကန် FDA နဲ့ ပါတ်သက်ပြီး စားသောက်ကုန် ထုတ်လုပ်တော့မယ်ဆိုရင် အများကြီး ကြိုတင်ပြင်ဆင်ထားဖို့ လိုအပ်ပါတယ်။ အဆောက်အဦး ခင်းအကျင်း အပြင်အဆင်ကအစ အသေးစိတ် ဆောက်လုပ်ထားရပါတယ်။
ကိုယ်ထုတ်လုပ်မဲ့ ပစ္စည်းတခုချင်းစီရဲ့
(၁) ပါဝင်တဲ့ ပစ္စည်းတခုချင်းစီရဲ့ အသေးစိတ်
(၂) ပြုလုပ်ပုံ အသေးစိတ် အဆင့်ဆင့်
(၃) ကုန်ထုတ်လုပ်ငန်းတွင် ပါဝင်ပါတ်သက်သူများရဲ့ တာဝန်ခွဲဝေ တာဝန်ယူမှု တခုစီ အသေးစိတ်
(၄) တာဝန်ယူ လုပ်ငန်းလုပ်ကိုင်သူများကို လေ့ကျင့်သင်တန်း ပေးထားမှုအသေး စိတ်
(၅) သိုလှောင်မှု ဖြန့်ဖြူးမှု အသေးစိတ် အဆင့်ဆင့်
(၆) သိုလှောင်မှု ကဏ္ဍအသီးသီးတွင် တခုချင်းစီ အသုံးပြုသော စက်ကရိယာ ပစ္စည်းများကို စစ်ဆေးမှုအသေးစိတ်
နံပါတ် ၆မှာက စက်ကရိယာပစ္စည်းများဆိုတာ အများကြီးကျယ်ပြန့်ပါတယ်။ အအေးခန်း၊ အခဲခန်း၊ အခြောက်သိုလှောင်ခန်း၊ စတိုခန်း၊ ဓါတုပစ္စည်းခန်းများ တခုချင်းစီ ပါဝင် ပါတယ်။
ဥပမာ အအေးခန်းဆိုရင် ပုံမှန်အပူချိန် ၃၈ဒီဂရီဖာရင်ဟိုက် ရှိရမယ်ဆိုရင် ၂၄ နာရီမပြတ် ဘယ်လိုစစ်ဆေးလဲ
(က) စစ်ဆေးတဲ့ ကရိယာရဲ့ မှန်ကန်တိကျမှု
(ခ) အအေးခန်းထဲက အပူချိန်တိုင်း ကရိယာရဲ့ မှန်ကန်တိကျမှု
(ဂ) စစ်ဆေးတဲ့သူရဲ့ တိတိ ကျကျ အသေးစိတ် နားလည်မှု
(ဃ) ချို့ယွင်းချက်တခုချင်း အသေးစိတ်ကို ဖြေရှင်းချက်
(င) နည်းလုပ်ငန်းစဉ်တခုချင်းကို သက်ဆိုင်ရာ ကျွမ်းကျင်ပညာရှင်က ကြပ်မတ် နေမှု အသေးစိတ်စသည်ဖြင့် အားလုံးကို မှတ်တမ်းများ အသေးစိတ်ထားရှိရမှာ ဖြစ်ပါတယ်။
(၁) ကလဲ ချဲ့လိုက်ရင် အများကြီးကျယ်ပြန့်လာပါလိမ့်မယ်။ ဘယ်ကဝယ်လဲ အာမခံ စာရွက်အသေးစိတ် ပါဝင်ပစ္စည်းများတခုစီရဲ့ ဇစ်မြှစ်ကို တိတတ ကျကျ စာရင်း လုပ်ရမှဦးပါ။ နောက်ကိုယ်ဝယ်လိုက်တဲ့ လုပ်ငန်းရဲ့ အာမခံမှုက လဲအလွန်အရေး ပါပါတယ်။
(၂) ကို ချဲ့လိုက်မယ်ဆိုရင်လဲ အများကြီးကျယ်ပြန်ပါတယ်။ ချဲ့လိုက်တဲ့ လုပ်ငန်း ခွဲ တခုချင်းစီရဲ့ အသေးစိတ်ကိုလဲ ထပ်ချဲ့ရမှာပါ။ အသေးပြန်စိတ်ရမှာမို့ ကျယ်
ပြန့်ပါတယ်။ ဥပမာ FDA က လာစစ်ပြီဆိုပါစို့။ သူက အိုင်တမ်ကုန်ချောတခုကို ကောက်လိုက်တယ်ထားပါတော့။
ကိုယ့်လုပ်ငန်းက စူရှီလုပ်ငန်းဖြစ်လို့ FDA စစ်ဆေးရေး အရာရှိက အိုင်တမ် ၅၀ လောက်ထဲက ကိုယ်ကြိုက်တဲ့ အိုင်တမ်တခုကို ကောက်ပါလို့ပြောပါတယ်။
ကိုယ်က တူနာအစပ်လိပ်ကို ကောက်လိုက်တယ်ထားပါတော့။ သူက လွန်ခဲ့တဲ့ ၈ လ ၉ လ လောက်က တပါတ်စာတူနာ အစပ်လိပ်လုပ်တဲ့ စာရင်းကို တောင်း ပါတယ်။
ဥပမာ သူလာစစ်တာ နိုဝင်ဘာလဆိုရင် သူကဖေဖေါ်ဝါရီလ ၁ ရက် က နေ ၁၀ ရက်အထိ တူနာအစပ်လုပ်တဲ့ စာရင်းတောင်းပါတယ်။ နောက် (၁) အဲဒီ လုပ်တဲ့ တူနာကိုဝယ်တဲ့ စာရင်း အတိအကျ ၊ (၂) အဲဒီ တူနာအစပ်ကို ပို့တဲ့နေရာ အတိ အကျ စာရင်း ၊ (၃) အဲဒီ တူနာအစပ်လိပ်ကို လုပ်တဲ့သူ အတိအကျ အသေးစိတ် ၊
(၄) အဲဒီ တူနာအစပ်ကို လုပ်တဲ့ နည်းစနစ် အသေးစိတ်အတိအကျ အဲမှာလေ့ ကျင့်မှု အသေးစိတ်ပါ ပါတယ်။
(၅)အဲဒီတူနာ အစပ်ကို သိုလှောင်တဲ့နေရာ အသေးစိတ်အတိအကျ
(၆) အဲဒီ တူနာအစပ် သိုလှောင်တဲ့ အအေးခန်းကို ၂၄နာရီ မှတ်သားမှု အသေး စိတ် အတိအကျ
(၇) အဲဒီတူနာအစပ်မှာ ပါဝင်တဲ့ ပစ္စည်းတခုချင်းစီကို ဝယ်တဲ့ စာရင်း အတိ အကျ (ဝယ်တဲ့ ပစ္စည်းတခုချင်း အသေးစိတ်က အများကြီးကျယ်ပြန့်ပါတယ်)
(၈) အဲဒီ တူနာအစပ်ကို ပို့ဆောင်တဲ့ စနစ်နဲ့ ယာဉ်ကို စစ်ဆေးတဲ့ အသေးစိတ် အတိအကျစသဖြင့် အသေးစိတ် အတိအကျ စစ်ဆေးပါတယ်။
အဲလို စစ်ဆေးနေတာမှာ တခုချင်း အသေးစိတ်တာဖြစ်တဲ့အတွက် တမနက် လုံးကုန်သွားတတ်ပါတယ်။ မနက် ၈နာရီ ရောက်လာတယ်ဆိုရင် နေ့လည် ၁၂ နာရီခွဲလောက်ထိ ရောက်သွားပြီး နေလည်စာ စားချိန် တနာရီ နားပါတယ်။ မနက်က မေးထားတဲ့အထဲက လိုအပ်တာတွေ အသေးစိတ် စုဆောင်းဖို့ အချိန် ရ တဲ့ သဘောပါ။ နောက် နေ့လည်စာ စားပြီးတာနဲ့ ညနေ ၅ နာရီအထိ ထပ်စစ် ဆေးလေ့ရှိပါတယ်။ များသောအားဖြင့် ရေထွက်ပစ္စည်း ပင်လယ်စာလုပ်ငန်းများကို ၃ရက် အနဲ ဆုံး စစ်ဆေး တတ်ပါတယ်။

Thi Han Tun (USA)