Food & Livestock

မြန်မာနိုင်ငံ ဆန်စပါးအသင်းချုပ်က ဦးဆောင်၍ စပါးခွံမှ လျှပ်စစ်ထုတ်သည့် ပြန်လည်ပြည့်ဖြိုးမြဲ လျှပ်စစ်စွမ်းအင်ထုတ် စက်ရုံနှင့် ဖွဲနုမှ ဆီကြမ်းထုတ်လုပ်ရေး စက်ရုံ၊ ဖွဲနုဆီ သန့်စင်စက်ရုံများကို အကောင်အထည်ဖော် ဆောင်ရွက်သွားမည် ဖြစ်ကြောင်း သိရသည်။ 

တနင်္သာရီတိုင်းဒေသကြီးအတွင်း၌ လွန်ခဲ့သည့် နှစ် (၃၀) ကျော်ခန့်မှ ဆီအုန်းစိုက်ပျိုးမှု စတင်ခဲ့ပြီး ယခုအခါ ဆီအုန်းကုမ္ပဏီပေါင်း (၃၉) ခုဖြင့် ဆီအုန်းစိုက်ဧကပေါင်း (၃၉၅,၇၂၁) ဧက စိုက်ပျိုးထားကြောင်း တနင်္သာရီတိုင်းဒေသကြီး စိုက်ပျိုးရေးဦးစီးဌာနမှ သိရသည်။

ဆီအုန်း စိုက်ပျိုး အောင်မြင်နိုင်သည့် ရေ၊ မြေ စသည့် ရာသီဥတု အခြေအနေများကြောင့် တနင်္သာရီတိုင်းဒေသကြီးအတွင်းတွင် ပြည်တွင်းသာမက ပြည်ပကုမ္ပဏီများကပါ ဆီအုန်းစိုက်ပျိုးမှုအတွက် လာရောက် ရင်းနှီးမြှုပ်နှံ လုပ်ကိုင်ကြခြင်း ဖြစ်သည်။

“ ၂၀၂၃- ၂၀၂၄ ခုနှစ် ဧပြီလမှ သြဂုတ်လအထိ ကောက်ယူထားတဲ့ စာရင်းများအရဆိုရင် တနင်္သာရီတိုင်းဒေသကြီး အတွင်းမှာရှိတဲ့ ထားဝယ်ခရိုင်၊ မြိတ်ခရိုင်၊ ဘုတ်ပြင်းခရိုင်နှင့် ကော့သောင်းခရိုင် စတဲ့ ခရိုင် (၄) ခုမှာ ဆီအုန်းစိုက်ဧကပေါင်း (၃၉၅,၇၂၁) ဧက ရှိပါတယ်။ ဆီသီးခိုင် ခူးနိုင်တဲ့ဧက (၁၈၃,၃၂၁) ဧကရှိတယ်။ တစ်ဧကအထွက်နှုန်းကတော့ (၂.၇၄) တန် ထွက်ရှိပါတယ်။ စုစုပေါင်း ဆီသီးခိုင် ထွက်ရှိမှုကတော့ (၅၀၂,၈၂၅) တန် ထွက်ရှိပါတယ်။ ” ဟု တနင်္သာရီတိုင်း စိုက်ပျိုးရေးဦးစီးဌာနမှ တာဝန်ရှိသူ တစ်ဦးက ပြောကြားသည်။

တနင်္သာရီတိုင်းဒေသကြီးအတွင်း၌ ဆီအုန်းစိုက်ပျိုးသည့် ကုမ္ပဏီပေါင်း (၃၉) ခုနှင့် ပုဂ္ဂလိကခြံရှင် (၄၀) နီးပါးခန့် ရှိပြီး ထွက်ရှိလာသည့် ဆီသီးခိုင်အများစုကို ဘုတ်ပြင်းခရိုင်နှင့် ကော့သောင်းခရိုင်အတွင်းရှိ ဆီကြမ်းစက်များသို့ သွားရောက် ရောင်းချရသဖြင့် အလေအလွင့်များနှင့် ကုန်ကျမှုစရိတ်စက များပြားကြောင်းနှင့် ယခုလက်ရှိတွင် ဆီသီးခိုင်စျေးနှုန်းမှာ တစ်တန်လျှင် ငွေကျပ် (၃၃၀,၀၀၀) ခန့် ပေါက်စျေးရှိကြောင်း သိရသည်။

Ad > Myat Mi Ba

“ ကျွန်တော်တို့ခြံက ထွက်ရှိတဲ့ ဆီသီးခိုင်တွေကို တောင်ဒဂုံစက်ရုံမှာ သွားရောက် ရောင်းချနေရတယ်။ ဆီအုန်းစိုက်ပျိုးမှုက ယခုလက်ရှိမှာ တွက်ခြေကိုက်ပေမယ့် ထွက်ရှိလာတဲ့ ဆီသီးခိုင်တွေ သွားရောက် ရောင်းချရတာ ဝေးတော့ စရိတ်တွေကုန်ကျမှုနဲ့ အလေအလွင့်တွေ ရှိပါတယ်။ 

မြိတ်ခရိုင်အတွင်းမှာသာ ဆီကြမ်းနဲ့ ဆီချောစက်ရုံတွေသာ ရှိမယ်ဆိုရင်တော့ ကျွန်တော်တို့ ခြံရှင်တွေအတွက် ပိုပြီး အဆင်ပြေလာနိုင်သလို စိုက်ပျိုးသူတွေအနေနဲ့ ဆီသီးခိုင် အထွက်ကောင်းဖို့ ကြိုးစား ဆောင်ရွက်လာမယ်။ အလေအလွင့်မရှိ စက်ရုံများကို အချိန်တိုအတွင်း ပို့ဆောင်နိုင်ရင် စရိတ်စက သက်သာလာပြီး ဝင်ငွေများလည်း တိုးပွားလာနိုင်ပါတယ်။ ” ဟု မြိတ်မြို့နယ်အတွင်း ဆီအုန်းစိုက်ပျိုးလုပ်ကိုင်နေသူ တစ်ဦးက ပြောကြားသည်။

ဒေသခံတောင်သူများနှင့် ကုမ္ပဏီများမှ ဆီအုန်းစိုက်ပျိုးရေးလုပ်ငန်းကို ထိထိရောက်ရောက် စိုက်ပျိုး လုပ်ကိုင်ပါက ဆီအုန်း စတင်စိုက်ပျိုးသည့် အချိန်မှ (၅) နှစ်ခန့် ကြာလာသည့်အခါတွင် စီးပွားဖြစ် ဆွတ်ခူးနိုင်မည် ဖြစ်သည်။ 

နောက်ထပ် (၃) နှစ်လောက် ကာလအကြာတွင် အရင်းကြေကာလတစ်ခုကို ရောက်ရှိလာသည့်အပြင် နောက်ထပ် နှစ်ပေါင်း (၂၀) ကျော် ကြာသည့်အထိ ဆီသီးခိုင်များ ထုတ်လုပ်နိုင်မည် ဖြစ်၍ ဝင်ငွေများလည်း ပိုမိုရရှိသွားမည့် စိုက်ပျိုးရေးလုပ်ငန်းတစ်ခု ဖြစ်ကြောင်း သိရသည်။

တနင်္သာရီတိုင်းဒေသကြီးအတွင်းတွင် ဆီကြမ်းစက်ရုံများ တည်ရှိမှုမှာ ထားဝယ်ခရိုင်တွင် (၁) ခု၊ မြိတ်ခရိုင်တွင် (၁) ခု၊ ဘုတ်ပြင်းခရိုင်တွင် (၂) ခုနှင့် ကော့သောင်းခရိုင်တွင် (၂) ခု စုစုပေါင်း ဆီကြမ်းစက်ရုံ (၆) ခု ရှိကြောင်း စိုက်ပျိုးရေးဦးစီးဌာနမှ သိရသည်။

မြန်မာ့နိုင်ငံတွင် ဆီအုန်းစိုက်ပျိုး အောင်မြင် ဖြစ်ထွန်းမှုတွင် တနင်္သာရီတိုင်းဒေသကြီး တစ်ခုတည်းသာ ရှိသောကြောင့် မြိတ်ခရိုင်၌ ဆီကြမ်းစက်ရုံနှင့် ဆီချောစက်ရုံ၊ ကော့သောင်းခရိုင်၌ ဆီချောစက်ရုံများ ဖြစ်ပေါ်လာရန် ကုမ္ပဏီများနှင့် ဒေသခံ ဆီအုန်းစိုက်ပျိုးသူ ခြံရှင်များက မျှော်လင့်နေကြကြောင်း သိရသည်။

စားသုံးဆီများ ဝယ်ယူရာတွင် အမြင့်ဈေးဖြင့် ရောင်းချနေပါက စားသုံးသူရေးရာ ဦးစီးဌာနသို့ တိုင်ကြားနိုင်ကြောင်း စီးပွားရေးနှင့် ကူးသန်းရောင်းဝယ်ရေး ဝန်ကြီးဌာနမှ ယမန်နေ့ ဩဂုတ်လ (၃၀) ရက်နေ့က ထုတ်ပြန် ကြေညာခဲ့သည်။

လက်လီဈေးကွက်အတွင်း စားသုံးဆီများ ဝယ်ယူရာတွင် ယခင်ဈေးနှုန်းအတိုင်း အမြင့်ဈေးဖြင့် ဆက်လက် ရောင်းချနေပါက ဝယ်ယူစားသုံးခြင်း မပြုရန်နှင့် စားသုံးသူရေးရာ ဦးစီးဌာနသို့ တိုင်ကြားနိုင်ကြောင်း အဆိုပါဌာနမှ အသိပေး ထုတ်ပြန်ထားခြင်း ဖြစ်သည်။

အဆိုပါ စားသုံးဆီကို ဈေးမြင့် ရောင်းချနေခြင်း ရှိပါက စားသုံးသူရေးရာ ဦးစီးဌာန၏ 

• Call Center ၁၅၃၅ 
• စားသုံးသူရေးရာဦးစီးဌာန Facebook Page နှင့် 
• တိုင်းဒေသကြီး/ပြည်နယ် ဦးစီးမှူးရုံးများ၏ Facebook Page များသို့ ဆက်သွယ် တိုင်ကြားနိုင်ကြောင်း အသိပေးထားသည်။

Advertisement

Click Here > Myan Express Logistics

စားသုံးသူရေးရာ ဦးစီးဌာနအနေဖြင့် ပြည်ပမှ တင်သွင်း ဖြန့်ဖြူး ရောင်းချနေသည့် စားအုန်းဆီ လက်လီဈေးနှုန်းများ ကြီးမြင့်နေမှုအပေါ် ဖြစ်သင့် ဖြစ်ထိုက်သည့် ဈေးနှုန်းဖြင့် ရောင်းချပေးနိုင်ရေးအတွက် ဆီကုန်သည်များနှင့် ဆီလုပ်ငန်းရှင်များအသင်း၊ ဆီတင်သွင်းသည့် ကုမ္ပဏီများနှင့် ညှိနှိုင်း၍ သက်သာသော ဈေးနှုန်းများဖြင့် ပို့ဆောင် ဖြန့်ဖြူးပေးနိုင်ရေးအတွက် စီမံ ဆောင်ရွက်ပေးလျက် ရှိကြောင်း သိရသည်။

ပြည်တွင်းဈေးကွက်အတွင်း ဈေးနှုန်းမြှင့်တင် ရောင်းချခြင်း၊ ဈေးကစားရန် ရည်ရွယ်ချက်ဖြင့် သိုလှောင်ခြင်းနှင့် မသမာသည့် လုပ်ဆောင်မှုများ ပြုလုပ်ပါက အရေးကြီးကုန်စည်နှင့် ဝန်ဆောင်မှု ဥပဒေအရ အရေးယူ ဆောင်ရွက်သွားမည် ဖြစ်ကြောင်း  ဝန်ကြီးဌာနမှ ထုတ်ပြန် ကြေညာထားသည်။

မလေးရှားနိုင်ငံ၏ စားအုန်းဆီ လိုအပ်ချက်သည် ပြီးခဲ့သည့် ၂၀၂၂ ခုနှစ်တွင် တန်ချိန် (၁၉.၀၁) သန်း ရှိခဲ့ပြီး ယခုနှစ်တွင် တန်ချိန် (၁၉.၈၅) သန်းအထိ မြင့်တက်လာပြီး တခြားနိုင်ငံများသို့ စားအုန်းဆီ တင်ပို့မှုသည်လည်း (၁၅.၇၃) သန်းမှ (၁၆.၄၄) သန်းအထိ တိုးလာမည်ဟု ခန့်မှန်းထားကြောင်း သိရသည်။ 

ကျန်ရှိသည့် ဝယ်လိုအားသည် ပြည်တွင်းမှ ဖြစ်ပြီး တန်ချိန် (၂.၉၈) သန်းနှင့် ဇီဝဒီဇယ်ထုတ်လုပ်မှု ၄၄၀,၀၀၀ တန်တို့မှ လာမည်ဟု ခန့်မှန်းထားကြောင်း အိန္ဒိယ ဟင်းသီးဟင်းရွက်ဆီ ထုတ်လုပ်သူများ အသင်းဥက္ကဋ္ဌ Sudhakar Desai က ပြောသည်။

အဓိကအားဖြင့် အင်ဒိုနီးရှားနိုင်ငံ၏ ပို့ကုန်ကန့်သတ်ချက်များကြောင့် စားအုန်းဆီ ၀ယ်လိုအား အပြောင်းအလဲသည် အိန္ဒိယအား မလေးရှားနိုင်ငံမှ စားအုန်းဆီ ဝယ်လိုအားကို ပိုမို မြင့်တက်လာစေခဲ့ပြီး သိုလှောင်ထားသည့် လက်ကျန်များ ကုန်သွားသည်အထိ ရောင်းချနိုင်ခဲ့ခြင်း ဖြစ်သည်။

မလေးရှားနိုင်ငံ၏ ၂၀၂၃ ခုနှစ်ကုန်ထိ စားအုန်းဆီ သိုလှောင်မှုမှာ တန်ချိန် (၄.၃၃) သန်း ရှိမည်ဖြစ်ပြီး ယခင်နှစ်က တန်ချိန် (၄.၂၂) သန်းထက် ပိုများကာ ထုတ်လုပ်မှုသည်လည်း ယခုနှစ်တွင် တန်ချိန် (၁၈.၉၅) သန်းနှင့် (၂.၆) ရာခိုင်နှုန်းအထိ ပိုမို ကြီးထွားလာရန် မျှော်လင့်ထားသည်။

သို့ရာတွင် ‘‘ဒါက ကြီးကြီးမားမား တိုးတက်မှုတော့ မဟုတ်ပါဘူး။ မလေးရှားအတွက် စားအုန်းဆီ ထုတ်လုပ်မှုက နှေးကွေးနေသေးတယ်’’ ဟု Sudhakar Desai က UOB Kay Hian ၏ စားအုန်းဆီ Webinar တွင် ယမန်နေ့က ပြောကြားခဲ့သည်။

Advertisement

Click Here > DM Trading

အိမ်နီးချင်းနိုင်ငံဖြစ်သည့် အင်ဒိုနီးရှားသည် ကမ္ဘာပေါ်တွင် အကြီးဆုံး စားအုန်းဆီ ထုတ်လုပ်သည့် နိုင်ငံဖြစ်ပြီး ၎င်းနောက်တွင် မလေးရှားနိုင်ငံနှင့် ထိုင်းနိုင်ငံတို့က လိုက်ပါနေသည်။ စားအုန်းဆီသည် တစ်ကမ္ဘာလုံးတွင် အစားများဆုံး ဆီဖြစ်ပြီး ယခုနောက်ပိုင်းတွင် ဟင်းသီးဟင်းရွက်ဆီများကိုလည်း ကျယ်ကျယ်ပြန့်ပြန့် စားသုံးလာကြသည်။

မလေးရှား-အင်ဒိုနီးရှား ပေါင်းစပ် ထုတ်လုပ်မှုသည် ၂၀၂၃ ခုနှစ်တွင် တန်ချိန် (၆၈.၇၂) သန်း ရောက်ရှိရန် မျှော်မှန်းထားပြီး တင်ပို့မှုမှာ တန်ချိန် (၄၄.၆၃) သန်း ရှိမည် ဖြစ်ကာ အင်ဒိုနီးရှားသည် စားအုန်းဆီတန်ချိန် (၅၇.၀၉) သန်းကို စုစုပေါင်း ထုတ်လုပ်မှု ကိန်းဂဏန်းများအရ ထောက်ပံ့ပေးမည် ဖြစ်သည်။

စားအုန်းဆီ ဒုတိယအများဆုံး စားသုံးသည့် အိန္ဒိယနိုင်ငံသည် ၂၀၂၂ ခုနှစ်နှင့် ၂၀၂၃ ခုနှစ်တွင် ဟင်းရွက်ဆီ တန်ချိန် (၁၄.၃၇) သန်း အပါအဝင် စားအုန်းဆီတန်ချိန် (၉.၃) သန်း၊ ပဲပုပ်ဆီတန်ချိန် (၃.၀၁) သန်းနှင့် နေကြာဆီ တန်ချိန် (၂.၁) သန်း တင်သွင်းရန် မျှော်မှန်းထားကြောင်း သိရသည်။

'' အခြားနိုင်ငံတွေလိုပဲ အိန္ဒိယဟာ စျေးနှုန်းတွေ ဆက်တိုက် ကျဆင်းနေတုန်းမှာ လက်ကျန်စားအုန်းဆီတွေ ရယူထားဖို့ လိုပါတယ်။ စားအုန်းဆီဈေးဟာ ၂၀၂၂ ခုနှစ်၊ ဧပြီလမှာ အထွတ်အထိပ် ရောက်ရှိခဲ့ပြီး လက်ရှိ တစ်တန် ရင်းဂစ် (၄,၂၀၀) ကျော်အထိ ကျဆင်းသွားခဲ့တယ်လို့ Sudhakar Desai က ဆိုသည်။ 

၎င်းက “ ကျွန်တော့်အတွက်ကတော့ ဟင်းသီးဟင်းရွက်ဆီ ဝယ်လိုအားက ပြန်တက်လာပုံပါပဲ ” ဟု ဆက်ပြောပြီး ပဲပုပ်ဆီဈေး (၃၇) ရာခိုင်နှုန်း၊ နေကြာဆီဈေး (၄၃) ရာခိုင်နှုန်းထိ ကျဆင်းခဲ့ကြောင်း ၎င်း၏ ပြောကြားချက်အရ သိရသည်။

တစ်ကမ္ဘာလုံး အတိုင်းအတာအရ စားအုန်း ဆီထုတ်လုပ်မှုသည် ၂၀၂၂ ခုနှစ်နှင့် ယခု ၂၀၂၃ ခုနှစ်တွင် (၇၉.၂၂) သန်းအထိ ရှိလာနိုင်ပြီး ၂၀၂၁-၂၀၂၂ ခုနှစ် အစောပိုင်းထက် (၁၀) ရာခိုင်နှုန်း မြင့်တက်လာဖွယ် ရှိသည်။ တစ်ဖက်တွင်မူ ကမ္ဘာလုံးဆိုင်ရာ ပဲပုပ်ဝယ်လိုအားသည် တန်ချိန် (၆၀.၁၉) သန်း၊ ရာခိုင်နှုန်းအားဖြင့် (၀.၃) ရာခိုင်နှုန်းသို့ ကျဆင်းလျက် ရှိသည်။

Su Mon Oo

Ref : The Star

Onlineမှ ဆီလုပ်ငန်းများကို ၄၅ကြိမ်မြောက်လိုင်စင်ထောက်ခံချက်ထုတ်ပေးပြီးစာရင်း

Onlineမှ ဆီလုပ်ငန်းများကို ၄၃ကြိမ်မြောက်လိုင်စင်ထောက်ခံချက်ထုတ်ပေးပြီးစာရင်း

Onlineမှ ဆီလုပ်ငန်းများကို ၄၂ကြိမ်မြောက်လိုင်စင်ထောက်ခံချက်ထုတ်ပေးပြီးစာရင်း

Onlineမှ ဆီလုပ်ငန်းများကို ၄၁ကြိမ်မြောက်လိုင်စင်ထောက်ခံချက်ထုတ်ပေးပြီးစာရင်း

Onlineမှ ဆီလုပ်ငန်းများကို ၄၀ကြိမ်မြောက်လိုင်စင်ထောက်ခံချက်ထုတ်ပေးပြီးစာရင်း

Onlineမှ ဆီလုပ်ငန်းများကို ၃၉ကြိမ်မြောက်လိုင်စင်ထောက်ခံချက်ထုတ်ပေးပြီးစာရင်း