Fruits & Vegetables
ရေနံချောင်းမြို့နယ် ဆောင်းသီးနှံဧက ၅၀၀ စိုက်ပျိုးမည်
မကွေးတိုင်းဒေသကြီး၊ မကွေးခရိုင်၊ ရေနံချောင်းမြို့နယ်၌ ၂၀၂၁ ခုနှစ် ဆောင်းသီးနှံအဖြစ်
နှမ်းနှင့် ပန်းနှမ်း များအား လျာထားစိုက်ပျိုးလျက်ရှိကြောင်း သိရသည်။
ယခုနှစ်ဆောင်းသီးနှံကို နှမ်းနက်၊ စမုန်နက်၊ နှမ်းဖြူ၊ နှမ်းနီ၊ ပန်းနှမ်းများအား ကိုင်းသီးနှံအဖြစ် စိုက်နေကြပြီ ဖြစ်ရာ ဒေသခံများထွန်ယက်ခြင်း၊ ပေါင်းသင်ခြင်းအပါအဝင် လုပ်ကိုင်နေကြရာ ဝင်ငွေရရှိနေကြသည်။ "အလုပ်သမားကတော့ အမြဲလိုအပ်တယ်။ ပဲစိုက်၊ နှမ်းစိုက်၊ ကြက်သွန်စိုက်၊ ပန်းစိုက်တဲ့အတွက် အလုပ်သမား ငှားရတယ်။
အလုပ်အကိုင်အနည်းငယ်လှိုင်တယ်"ဟု ဖောင်းကတောကျေးရွာသစ်နေ ဦးထွန်းအေးက ပြောသည်။ ၂၀၂၀ ပြည့်နှစ်၊ ဆောင်းသီးနှံအဖြစ် နှမ်းဧက ၅၁၁၊ ပန်းနှမ်းဧက ၂၀ စုစုပေါင်းဧက ၅၀၀ ကျော်အား လျာထားစိုက်ပျိုးမည်ဖြစ်ကြောင်း မြို့နယ်စိုက်ပျိုးရေးဦးစီးဌာန လျာထားစာရင်းအရ သိရသည်။