Fruits & Vegetables
မလေးရှားထိပ်တန်းဒူရင်းမျိုးကွဲ ဗီယက်နမ်တွင် ဈေးမရ
မလေးရှားထိပ်တန်းဒူရင်းမျိုးကွဲ ဗီယက်နမ်တွင် ဈေးမရ
TO GET INSTANT UPDATE
https://t.me/Guid4U
JOIN THE CHANNEL
မူစံကင်း Musang King ဒူရင်းမျိုးကွဲ မူရင်းမူလမှာ မလေးရှား ဖြစ်သည်။ ကမ္ဘာ့အကောင်းဆုံးဟု ကျော်ကြားသည်။
ဗီယက်နမ်တွင် စိုက်ပျိုးသော မလေးရှားဒူရင်းသီး Musang King များ ဈေးကောင်းမရ ဈေးကျနေသည်။ တစ်ကီလိုဂရမ် ဒေါင် ၈ သောင်း($3.25) အထိ စံချိန်သစ်တင် ဈေးကျသည်။
ဈေးမရသည့် အဓိကအကြောင်းရင်းမှာ အရည်အသွေး နိမ့်ကျနေခြင်း ဖြစ်သည်။
ဗီယက်နမ်တောင်ပိုင်း Tien Giang ပြည်နယ်တွင် ခြံသမား Ha သည် မကြာသေးမီက မူစံကင်း Musang King ဒူရင်းပင် အပင် ၂၀၀ ခုတ်လှဲပစ်ခဲ့သည်။ အခြားအပင် အစားထိုး စိုက်ပျိုးမည် ဖြစ်သည်။
မူစံကင်းကို ၆ နှစ်တိုင်တိုင် စိုက်ပျိုးခဲ့ရာ စုစုပေါင်း ဒေါင် ၆ ဘီလီယံ ($244,600) ဆုံးရှုံးခဲ့သည်။
“အခုရာသီမှာ တစ်ကီလိုဂရမ် ဒေါင် ၈၀,၀၀၀ နဲ့ ရောင်းရတယ်။တခြားမျိုးကွဲတွေထက် ဈေးနည်းတယ်” ဟု ၎င်းက ပြောသည်။
Dak Lak ပြည်နယ် အလယ်ပိုင်းကုန်းမြင့်ဒေသမှ တောင်သူတစ်ဦးဖြစ်သူ Mai က ယခင်နှစ်များက မူစံကင်းဒူးရင်းကို ကုန်သည်များက တစ်ကီလိုလျှင် ဒေါင် ၇ သိန်း ဖြင့် အပြိုင်ဝယ်ယူခဲ့ကြသော်လည်း ယခုနှစ်တွင် အနည်းငယ်သာ ဝယ်ယူခဲ့ကြောင်း ပြောကြားသည်။
မူစံကင်း ဒူရင်းသီးသည် ထိုင်းမှ မွံသောင် ဒူရင်းသီးနှင့် ယှဉ်လိုက်ပါက တဝက်သာ ရှိသည်။ မူစံကင်းက အရွယ်ငယ်သည်။ Mai က မူစံကင်းဒူရင်းကို ယခုနှစ်မှာ ရောင်းချသည့်အခါ ဈေးမရချေ။ မွံသောင်ဒူရင်းသီးထက် ဈေးနည်းနေပြီး တစ်ကီလိုဂရမ် ဒေါင် ၁ သိန်းသာ ရသည်။
ဗီယက်နမ်မှာ စိုက်ပျိုးထုတ်လုပ်သည့် မူစံကင်း ဒူရင်းသီးများသည် မလေးရှားထက် အရည်အသွေး နိမ့်ကျသည်။ အရသာမှာ ချိုအီလွန်းနေသဖြင့် လူကြိုက်နည်းသည်။
သို့ဖြစ်ရာ ထိုင်းမွံသောင် ဒူရင်းသီး၊ ဗီယက်နမ် Ri 6 ဒူရင်းသီးများကို လူပိုကြိုက်ကြသည်။
Source vnexpress
To Get Instant Update
https://t.me/Guid4U
JOIN THE CHANNEL