Chinese

ပြည်ပနိုင်ငံများမှ နွားနို့ ထုတ်လုပ်သူများ၏ ရောင်းချရမှုမှာ တရုတ်နိုင်ငံ၌ ကျဆင်းခဲ့ပြီး ၂၀၂၀ ပြည့်နှစ်၊ ဇန်နဝါရီလမှ ဩဂုတ်လအတွင်း တရုတ်နိုင်ငံ၌နိုင်ငံခြား ကုန်အမှတ်တံဆိပ်နွားနို့များ ရောင်းချမှုလျော့ကျလျှက်ရှိသည်။

အွန်လိုင်းမှ ရောင်းချမှုရှယ်ယာများမှာ ၂၀၁၆ ခုနှစ်တွင် (၅၂) ရာခိုင်နှုန်းနှင့် ၂၀၁၉ ခုနှစ်တွင် (၃၅) ရာခိုင်နှုန်း ကျဆင်းခဲ့ပြီး COVID-19 ကာလအတွင်း တရုတ်နိုင်ငံတွင် နွားနို့သောက်သုံးမှု မြင့်တက်ခဲ့သော်လည်း နိုင်ငံခြား ကုန်အမှတ်တံဆိပ်နွားနို့များ ရောင်းချမှုလျော့ကျလျှက်ရှိသည်။ ဩစတြေးလျနိုင်ငံမှ နွားနို့များ တင်သွင်းမှာ ၂၀၂၀ ပြည့်နှစ်၊ ဇူလိုင်လ အတွင်း (၂၀) ရာခိုင်နှုန်း လျော့ကျခဲ့ပြီး ဩစတြေးလျ နိုင်ငံမှအမဲသားနှင့် ဝိုင်များတင်သွင်းလာသည့် သင်္ဘောအား စစ်ဆေးမှုများပြုလုပ်ရန် တရုတ်နိုင်ငံ ဆိပ်ကမ်းတွင် စောင့်ဆိုင်းထားခိုင်းမှုများရှိခဲ့သည်။

တရုတ်ကုမ္ပဏီဖြစ်သည့် Mengniu Dairy အား ဩစတြေးလျနိုင်ငံ အစိုးရမှ နို့ထွက်ပစ္စည်းကုန်အမှတ်တံဆိပ် တစ်ချို့ဝယ်ယူမှုအား တားဆီး ပိတ်ပင်ခဲ့ခြင်းကြောင့် နှစ်နိုင်ငံဆက်ဆံရေးအဆင်မပြေမှုဖြစ်ကာ နွားနို့၊ ဝိုင်နှင့် အမဲသား အစရှိသည့် အစားအစာကဏ္ဍရောင်းချမှုအပေါ် ထိခိုက်လျှက်ရှိနေသည်။ ၂၀၁၈ ခုနှစ်အတွင်း တရုတ်နိုင်ငံ၏ နွားနို့တင်သွင်းမှုမှာ (၁၅) ရာခိုင်နှုန်း၊ တန်ဖိုးအားဖြင့် အမေရိကန်ဒေါ်လာ (၁၀.၆၅) ဘီလီယံ မြင့်တက်ခဲ့ပြီး၊ နို့မှုန့်တင်သွင်းမှု (၇၀) ရာခိုင်နှုန်းရှိခဲ့သည်။

ကမ္ဘာ့ကပ်ရောဂါ COVID-19 ကာလအတွင်း ပြည်သူများကျန်းမာကြံ့ခိုင်စေရန် အသိပညာပေးပြောကြားမှုများ အရတရုတ်နိုင်ငံ၌ နွားနို့သောက်သုံးမှုနှုန်း မြင့်တက်ခဲ့ပြီး တရုတ်နိုင်ငံမှ စားသုံးသူများသည် COVID-19 ကူးစက်မှုထိန်းချုပ်နေစဉ်ကာလအတွင်း အစားအစာများကို နေအိမ်တွင် ကိုယ်တိုင်ပြုလုပ်နိုင်ရန် ကြိုးစားလာခြင်း၊ တရုတ်နိုင်ငံမှထုတ်လုပ်သည့်နွားနို့များတွင် မယ်လမင်းပါဝင်မှုကြောင့် ဒေသခံထုတ်လုပ်မှု လုပ်ငန်းများအပေါ် ယုံကြည်မှုလျော့နည်းလာပြီး နိုင်ငံခြားကုန်အမှတ်တံဆိပ် နွားနို့များတင်သွင်းရောင်းချမှုမှာ ကာလကြာရှည်အဆင် ပြေနေခဲ့ပြီး ဈေးဝယ်ရန်အတွက် ဟောင်ကောင်ဒေသသို့ အဓိကဦးစားပေး ခရီးထွက်ရန် ၎င်းတို့အား တွန်းအားပေးသကဲ့သို့ဖြစ်စေခဲ့သည်။

သို့သော် နိုင်ငံခြားကုန်အမှတ်တံဆိပ် နို့ထွက်ပစ္စည်းများ၏ ထုပ်ပိုးမှုပုံစံမှာ အခြေခံ လိုအပ်ချက်များဖြစ်သည့် သေးငယ်ပြီးအလွယ်တကူသယ်ယူနိုင်သည့် အနေအထားတွင်မရှိသော ကြောင့် အကျိုးအမြတ်ရရှိနိုင်မှုမှာ နည်းပါးလာသည်။ ၂၀၂၂ ခုနှစ်တွင် ကမ္ဘာ့အကြီးဆုံး နို့ထွက် ကုန်ပစ္စည်းများ ဈေးကွက်ဖြစ်လာရန် မျှော်မှန်းထားသည့် တရုတ်နိုင်ငံ၌ စားသောက်ကုန်များရောင်းချရမှုများ ပိုမိုခိုင်မာလာအောင် ဆောင်ရွက်ရာတွင် နိုင်ငံရေး တင်းမာမှုများ အရှိန်မြင့်တက်လာမှုကြောင့် နို့ထွက်ကုန်ပစ္စည်းများအတွက် နိုင်ငံခြားသားထုတ်လုပ်သူများအနေဖြင့် ကုန်ကျစရိတ်များ ပိုမိုကုန်ကျ လာမှာဖြစ်သည်။

နယူးဇီလန်နိုင်ငံအနေဖြင့် ၎င်း၏အဓိက ကုန်သွယ်ဖက်နိုင်ငံဖြင့် ကောင်းမွန်သည့်ဆက်ဆံရေးအခြေအနေများ ထိန်းသိမ်း ထားနိုင်ရန်အလားအလာရှိသည်လို့  ၂၀၂၀ ပြည့်နှစ်၊ စက်တင်ဘာလ ၂၁ ရက်နေ့ထုတ် South China Morning Post သတင်းစာ၌ Pearl Liu က “Foreign Milk Sales Fall As Ties Turn Sour” ခေါင်းစဉ်ဖြင့် ရေးသားဖော်ပြခဲ့သည်။

By Myanmar Food Guide

myantrade.gov