Myanmar
စပါးဝယ်ယူရေး လုပ်ငန်းညှိနှိုင်းအစည်းအဝေး ကျင်းပ
ယခုနှစ်မိုးရာသီတွင် စိုက်ပျိုးထုတ်လုပ်ခဲ့သည့် စပါးများအား သမဝါယမအသင်းများက ဝယ်ယူနိုင်ရေး ညှိနှိုင်းအစည်းအဝေးကို
အောက်တိုဘာလ ၂၀ရက်နေ့ မွန်းလွဲပိုင်းက စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန၊ သမဝါယမဦးစီးဌာန ညွှန်ကြားရေးမှူးချုပ်ရုံး ညှိနှိုင်းအစည်းအဝေးခန်းမတွင် ကျင်းပခဲ့ပါသည်။
အစည်းအဝေးတွင် ညွှန်ကြားရေးမှူးချုပ် ဦးအောင်သူရနှင့် တာဝန်ရှိသူများ၊ ဗဟိုသမဝါယမ အသင်းဉက္ကဋ္ဌနှင့် တာဝန်ရှိသူများ၊ တိုင်းဒေသကြီး/ပြည်နယ် သမဝါယမဦးစီးမှူးများနှင့် သမဝါယမ အသင်းစုချုပ်ဥက္ကဋ္ဌများမှ Virtual Meeting စနစ်ဖြင့် ချိတ်ဆက်တွေ့ဆုံ၍ အပြန်အလှန်ဆွေးနွေးခဲ့ကြသည်။
စပါးဝယ်ယူရေးလုပ်ငန်းများကို ပဲခူးတိုင်းဒေသကြီး၊ ဧရာဝတီတိုင်းဒေသကြီး၊ စစ်ကိုင်းတိုင်းဒေသကြီး၊ မန္တလေးတိုင်းဒေသကြီး၊ ရန်ကုန်တိုင်းဒေသကြီး၊ မကွေးတိုင်းဒေသကြီး၊ ရှမ်းပြည်နယ်နှင့် နေပြည်တော်ကောင်စီနယ်မြေတို့ရှိ သမဝါယမအသင်းများမှ စုစုပေါင်းစပါးတင်း (၅)သိန်းခန့်အား တောင်သူလယ်သမား အခွင့်အရေး ကာကွယ်ရေးနှင့် အကျိုးစီးပွားမြှင့်တင်ရေး ဦးဆောင်အဖွဲ့၏ အခြေခံ ရည်ညွှန်းစံသတ်မှတ်ချက်များနှင့်အညီ အောက်တိုဘာလကုန်တွင် စတင်၍ ဝယ်ယူနိုင်ရေး ဆောင်ရွက်သွားမှာ ဖြစ်သည်ဟု သမဝါယမဦးစီးဌာနမှ သိရသည်။
By Myanmar Food Guide
