Food & Health

အမေရိကန်တွင် ကလေးအဟာရ baby formula ပြတ်လပ်နေသဖြင့် သမ္မတဂျိုးဘိုင်ဒင်က ပါဝင်ကိုင်တွယ်ပေးခဲ့ရာ ကာကွယ်ရေးထုတ်ကုန်အက်ဥပဒေအရ Operation Fly Formula မစ်ရှင် ဆောင်ရွက်မည် ဖြစ်ကြောင်း ၂၀၂၂ မေလ ၁၈ ရက်မှာ ထုတ်ပြန်ကြေညာပါတယ်။

ဘေဘီဖော်မြူလာ ထုတ်လုပ်တဲ့ လုပ်ငန်း Abbott ရဲ့ စီအီးအို Robert Ford က ဝါရှင်တန်ပို့စ် သတင်းမီဒီယာမှာ ပစ္စည်းပြတ်လပ်မှုအတွက် တောင်းပန်စာ ဖော်ပြပါတယ်။

စစချင်းမှာ ပစ္စည်းပေးသွင်းကွင်းဆက် ပိတ်ဆို့မှုများကြောင့် ဈေးကွက်ထဲ ဘေဘီဖော်မြူလာ အဝင်လျော့ကျနေခဲ့ပါတယ်။

ထုတ်လုပ်မှုအပိုင်းမှာလည်း ကိုဗစ်ကပ်ရောဂါကြောင့် လုပ်သား မလုံလောက်တဲ့ အခက်အခဲ ရှိနေခဲ့ပါတယ်။ 

အခြေအနေ ပိုဆိုးသွားစေတာက ၂၀၂၂ ဖေဖော်ဝါရီလမှာ မွေးကင်းစဘကလေးငယ်နှစ်ဦး ဘေဘီဖော်မြူလာ သောက်သုံးရာမှ မမာမကျန်း ဖြစ်ပြီး သေဆုံးသွားပါတယ်။ 

Abbott က မိမိဆန္ဒအလျောက် အရေးယူ ဆောင်ရွက်ချက်အဖြစ် ဘေဘီဖော်မြူလာကို ဈေးကွက်ထဲမှ ပြန်သိမ်းလိုက်ပါတယ်။ မီချီဂန်ရှိ ဘေဘီဖော်မြူလာ ထုတ်လုပ်တဲ့ စက်ရုံကိုလည်း ပိတ်ထားလိုက်ပါတယ်။ 

ဘေဘီဖော်မြူလာ ပစ္စည်းပြတ်တဲ့ ပြဿနာ ကြီးထွားသွားပြီး သမ္မတကို ပြစ်တင်ဝေဖန်ကြပြီး ပါဝင်ဆောင်ရွက်ပေးဖို့ တောင်းဆိုကြပါတယ်။ 

Abbott က အိုင်ယာလန်နိုင်ငံရှိ စက်ရုံမှ ထုတ်လုပ်တဲ့ ဘေဘီဖော်မြုလာများကို လေကြောင်းဖြင့် တင်သွင်းပြီး အမေရိကန်ပြည်တွင်းဈေးကွက် လိုအပ်ချက်ကို ဖြည့်တင်းလျက်ရှိပေမဲ့ အလျဉ်မမီတဲ့အတွက် သမ္မတဂျိုးဘိုင်ဒင်က Operation Fly Formula မစ်ရှင်ဖြင့် ပါဝင်ကူညီပါတယ်။

မီချီဂန်ရှိ Abbott ရဲ့ စက်ရုံ ထုတ်လုပ်မှု ပြန်လည်စတင်ဖို့ US Food and Drug Administration (FDA) က သဘောတူ ခွင့်ပြုပေးထားပြီ ဖြစ်ပါတယ်။ 

သမ္မတ ဂျိုးဘိုင်ဒင်က လူမှုကွန်ရက် ပလက်ဖောင်း Twitter ပေါ်မှ အိမ်ဖြူတော် အကောင့်မှတစ်ဆင့်  Nestle brand ဘေဘီဖော်မြူလာ ပထမအသုတ် လေကြောင်းဖြင့် ဆိုက်ရောက်ပါကြောင်း အသိပေးပါတယ်။ 

More infant formula is on the way.

The first pallets from @POTUS’ Operation Fly Formula are being loaded onto a military plane in Germany right now.

The first plane lands in the U.S. tomorrow morning, with more coming soon. pic.twitter.com/MBbnlFTo9h

— The White House (@WhiteHouse) May 21, 2022