Food & Livestock
မျိုးစေ့ချကိရိယာဖြင့် နွေစပါး စိုက်ပျိုး
ပဲခူးတိုင်းဒေသကြီး ညောင်လေးပင်မြို့နယ်တွင် နွေစပါးကို စတင်စိုက်ပျိုးလျက်ရှိရာ ဇန်နဝါရီ ၁၁ ရက် နံနက်ပိုင်းက စမ်းချောင်းကျေးရွာ ဦးစိန်လွင် လယ်ကွင်း၌
မြို့နယ်စိုက်ပျိုးရေးဦးစီးဌာနမှ မျိုးစေ့ချကိရိယာဖြင့် စိုက်ပျိုး ပေးခဲ့ကြောင်း သိရသည်။
နွေးစပါးကို မျိုးစေ့ချကိရိယာဖြင့် စိုက်ပျိုးရာတွင် စိုက်ပျိုးရေးဦးစီးဌာန မြို့နယ်ဦးစီးမှူး ဦးစိုးနိုင်၊ နယ်မြေတာဝန်ခံ၊ စိုက်ပျိုးရေးဆိုင်ရာလူထုအခြေပြုလေ့လာမှုစခန်းတာဝန်ခံနှင့် ကွင်းဝန်ထမ်းများက မျိုးစေ့ချကိရိယာဖြင့် ရက်၉၀စပါးမျိုးအား ဦးစိန်လွင်၏ လယ် ငါးဧကပေါ်တွင် စိုက်ပျိုးပေးခဲ့ကြသည်။
ညောင်လေးပင်မြို့နယ်တွင် နွေစပါးကို ၂၉၀၃ ဧက စိုက်ပျိုးရန်လျာထားပြီး ယနေ့အထိ ဧက ၃၀၀ ကျော်အား စိုက်ပျိုးပြီးဖြစ်ကာ ပျိုးသက်နုကောက်ကွက်ကျဲ(SRI)၊ ဘောင်ပျိုး၊ ကောက်စိုက်စက် နှင့် မျိုးစေ့ချကိရိယာ စိုက်နည်းစနစ်များဖြင့် ဆောင်ရွက်ပေးလျက်ရှိကြောင်း သိရသည်။
MDN