Myanmar

ကျေးလက်ဒေသနေ တောင်သူလယ်သမားများအား သီးနှံအထွက်နှုန်းကောင်းမွန်သည့် မျိုးသန့်မျိုးပွား မျိုးအဆင့်ရရှိအောင် စစ်ကိုင်းတိုင်းဒေသကြီး ကန့်ဘလူမြို့နယ် မျိုးသန့်ခြံတွင် ဒေသရေမြေရာသီဥတုနှင့် ကိုက်ညီသော သီးနှံများရရှိရေးအတွက် စိုက်ပျိုးထားသော ဆောင်းသီးနှံစပ်မျိုးနေကြာများ အောင်မြင်ဖြစ်ထွန်းလျက်ရှိကြောင်း ကန့်ဘလူမျိုးသန့်ခြံမှ သိရသည်။

စစ်ကိုင်းတိုင်းဒေသကြီး၊ ကောလင်းခရိုင်၊ ဝန်းသိုမြို့နယ် စိန်လည်ကျေးရွာတွင် မြစိမ်းရောင် ကျေးရွာစီမံကိန်းချေးငွေဖြင့် တစ်ပိုင်တစ်နိုင် စိုက်ပျိုးရေးလုပ်ငန်းများကို အဓိကထား လုပ်ကိုင်ဆောင်ရွက်လျက်ရှိရာ ရာသီပေါ်သီးနှံ ပန်းမုံလာစိုက်ပျိုးတောင်သူများအနေဖြင့် အဆင်ပြေလျက်ရှိကြောင်း သိရသည်။

ချင်းပြည်နယ်၊ မတူပီမြို့နယ်ရှိ တောင်သူများသည် ယခင်က ရွှေ့ပြောင်းတောင်ယာများကို မိရိုးဖလာလုပ်ကိုင်ခဲ့ရာမှ ယခုအခါ ချင်းပြည်နယ်၏ အဓိကစီးပွားရေးလုပ်ငန်း တစ်ခုဖြစ်လာသော "ဝ"ဥများကို ဥယျာဉ်ခြံမြေများဖြင့် လုပ်ကိုင်လာခြင်းကြောင့် လူမှုစီးပွားဘဝ ပိုမိုအဆင်ပြေလာကြောင်း သိရသည်။

ရှမ်းပြည်နယ်(အရှေ့ပိုင်း) တာချီလိတ်ခရိုင် မိုင်းယောင်းမြို့နယ်တွင် လက်ဖက်ခင်းများ အထွက်နှုန်းတိုးတက်စေရန်အတွက် လက်ဖက်ကိုင်းဖြတ်နည်း သရုပ်ပြသခြင်းနှင့် ပျိုးထုတ်နည်း၊ စိုက်ပျိုးနည်း၊ သဘာဝမြေသြဇာ အသုံးပြုနည်းများကို ဒီဇင်ဘာ ၂၇ ရက်က ဝမ်ဘိုးကျေးရွာအုပ်စု ဝမ်ပုံကျေးရွာ၌ ပြုလုပ်ခဲ့ကြောင်း မြို့နယ်စိုက်ပျိုးရေးဦးစီးဌာနမှ သိရသည်။

၂၀၂၀ ပြည့်နှစ်အတွင်း စပျစ်စိုက်ပျိုးရေးကို မြန်မာနိုင်ငံအနှံ့အပြား ဒေသအသီးသီးမှ စိတ်ပါဝင်စားလာကြပြီး ခြံသစ်များလည်း တိုးပွားလာကြောင်း ဈေးကွက် ကျွမ်းကျင်သူများထံမှ သိရသည်။