Myanmar

ပါဝင်ပစ္စည်းအနေနဲ့ကတော့ နွားနို့၊ အုန်းသီး၊ သကြား၊ ဆား တို့ လိုအပ်ပါမယ်။

ပထမဦးဆုံး နွားနို့ကို မီးခပ်အေးအေးနဲ့ ကျိုပေးရပါမယ်။ နွားနို့ကို ပျစ်လာသည်အထိ ကျိုပေးပါ။ နွားနို့ကျိုနေစဉ်မှာ နွားနို့ဝေကျမှာစိုးတဲ့ အတွက် မွှေပေးနေရင်း ပျစ်လာရင် ပိုကောင်းပါတယ်။

အချိန်တော်တော်ကြာကြာလေး ကျိုနေရင်းနဲ့ နွားနို့က ၃ ပုံ ၁ ပုံသာသာပဲ ကျန်တယ်ဆိုရင် အုန်းခြစ်နဲ့ခြစ်ထားတဲ့ အုန်းသီးဖတ်လေးများနဲ့ သကြားကိုထည့်ပြီး ဆက်မွှေပေးနေပါ။ ဆားကိုလဲ ထည့်ပေးပါ။ ဒါမှ အရသာလေးလေးနဲ့ စားလို့ပိုကောင်းပါမယ်။

ဆက်မွှေနေရင်းနဲ့ နွားနို့မကျန်တော့တဲ့အထဖြစ်လာရင် မီးပိတ်ပြီး ထားလိုက်ပါ။ အေးလာတဲ့အခါမှာ နွားနို့ဟာ ပိုခမ်းသွားမှာမို့ အရည်အနည်းငယ်ဆိုရုံမျှ ချန်ကာ ထားရပါမယ်။

နွားနို့ယို အေးသွားရင် ရေခဲသေတ္တာထဲမှာ ၅ ရက်ခန့် ထားပြီးတော့ စားနိုင်ပါတယ်။