Myanmar

လုပ်ကိုင်ဆောင်ရွက်နေသော ကမ်းဝေး၊ ဒေသခံ ကမ်းဝေးနှင့် ကမ်းနီးငါးဖမ်းရေယာဉ်များအား ထုတ်ပြန်ထားသော မြန်မာ့ပင်လယ်ငါးလုပ်ငန်း ဥပဒေနှင့်အညီ စနစ်တကျ ကြီးကြပ်စစ်ဆေး ဆောင်ရွက်သွားနိုင်ရန်အတွက် ကမ်းဝေးငါးဖမ်း ရေယာဉ်များအား လိုင်စင်ထုတ်ပေးခြင်းကိစ္စများအား (၁၈-၈-၁၉၉၈)ရက်စွဲပါ ညွှန်ကြားချက် အမှတ်၊ ၁/၉၈ နှင့်အညီ ရေလုပ်ငန်းရှင်များ လုပ်ငန်းလျင်မြန်လွယ်ကူချောမွေ့စွာ ဆောင်ရွက်နိုင်ရန် ငါးလုပ်ငန်းဦးစီးဌာန(ရုံးချုပ်)နှင့် ကမ်းရိုးတန်းဒေသ တိုင်းဒေသကြီး/ပြည်နယ် ဦးစီးဌာနမှူးများအား တာဝန်ပေးအပ် ဆောင်ရွက်စေလျက်ရှိသည်။

ကမ်းဝေးငါးဖမ်းရေယာဉ်များ သက်တမ်းတိုးလိုင်စင်လျှောက်ထားခြင်း၊ လုပ်ငန်းရပ်နားထားသည့် ရေယာဉ်များ၊ အခြားအကြောင်းထူးရှိသည့် ငါးဖမ်းရေယာဉ်များ လိုင်စင်လျှောက်ထားလာခြင်း၊ ကမ်းဝေးငါးဖမ်းရေယာဉ်များ ပြင်ဆင်လိုခြင်း၊ စက်ပြောင်းလဲတပ်ဆင်လိုခြင်း၊ ရေယာဉ်အမည်နှင့် ပိုင်ရှင်အမည်ပြောင်းလဲလိုခြင်းများအတွက် စနစ်တကျစိစစ်ပြီး ညွှန်ကြားရေးမှူးချုပ်ထံသို့ တင်ပြလာသည်များကို ဆောင်ရွက်ပေးလျက်ရှိကြောင်း၊ ၂၀၂၀-၂၀၂၁ ငါးဖမ်းရာသီမှာ ၂၀၂၀ ပြည့်နှစ်၊ စက်တင်ဘာ ၁ ရက်တွင် စတင်မည်ဖြစ်ပါသဖြင့် ငါးဖမ်းရေယာဉ်များ လုပ်ငန်းခွင် အချိန်မီဝင်ရောက်နိုင်ရန်အတွက် ၂၀၂၀-၂၀၂၁ ငါးဖမ်းရာသီ ငါးဖမ်းလိုင်စင်သက်တမ်းတိုးမြှင့်ခြင်းကို သတ်မှတ်အချက်များနှင့်အညီ စိစစ်ပြီး ခွင့်ပြုပေးသွားရန် ရန်ကုန်တိုင်းဒေသကြီး၊ တနင်္သာရီတိုင်းဒေသကြီး၊ ဧရာဝတီတိုင်းဒေသကြီး၊ မွန်ပြည်နယ်နှင့် ရခိုင်ပြည်နယ်တို့ရှိ ငါးလုပ်ငန်းဦးစီးဌာနမှူးရုံးများမှ အချိန်ပိုဆင်းပြီး အမြန်ဆုံးဆောင်ရွက်ပေးလျက်ရှိသည်။

တိုင်းဒေသကြီးနှင့် ပြည်နယ်များမှ ငါးဖမ်းလိုင်စင်များသက်တမ်း တိုးပြီးဖြစ်သော်လည်း COVID-19 ကပ်ရောဂါကြောင့် လေကြောင်း၊ ကားလမ်းများ ကန့်သတ်ထားခြင်းအပေါ် (၁-၉-၂၀၂၀) ရက်နေ့တွင် ငါးဖမ်းကွက်ထွက်ခွာရန် ငါးဖမ်းလိုင်စင်များ ရေယာဉ်များရှိရာသို့ မရောက်ရှိသေးခြင်းကြောင့် သက်တမ်းတိုးမြှင့်ပြီး သောလိုင်စင်မိတ္တူများဖြင့် ငါးဖမ်းထွက်ခွင့်တောင်းခံခြင်းအား ငါးဖမ်းကွက် ထွက်ခွာလိုသည့် ငါးဖမ်းရေယာဉ်စာရင်းအား ငါးလုပ်ငန်းဦးစီးဌာန(ရုံးချုပ်)သို့ တင်ပြစေပြီး လိုင်စင်သက်တမ်းတိုးပြီးစီးမှုကို စိစစ်ကာ ငါးဖမ်းကွက်ထွက်ခွာစေပြီး ငါးဖမ်းလိုင်စင်မူရင်းများအား ရေကြောင်းလမ်းမှ ရေယာဉ်ကြုံဖြင့် ပင်လယ်ပြင်သို့ပေးပို့စေခြင်းဖြင့် ဆောင်ရွက်ပေးသွားနိုင်မည် ဖြစ်ကြောင်း သိရသည်။

By Myanmar Food Guide

MDN