Myanmar

ပြီးခဲ့တဲ့နှစ်ကဓါတ်မြေဩဇာတစ်အိတ်ကိုကျပ်သုံးသောင်းဝန်းကျင်သာရှိခဲ့ရာကနေအခုနှစ်မိုးစပါးစိုက်ပျိုးရာသီအရောက်မှာဈေးမြင့်တက်လာခဲ့ပြီး အခုစက်တင်ဘာ လလယ်လောက်မှာတော့တစ်အိတ်ကို ကျပ်ခြောက်သောင်းကျော်ထိ ရှိနေပါတယ်။

အခုလိုမျိုးဓါတ်မြေဩဇာဈေးတွေမြင့်တက်နေတာကြောင့်တောင်သူအများစုဟာသူတို့ရဲ့စိုက်ပျိုးထားတဲ့စပါးခင်းတွေကိုမြေဩဇာတွေမကျွေးနိုင်ကြသလိုတချို့တတ်နိုင်တဲ့တောင်သူတွေကလည်းပုံမှန်ထက်ထက်ဝက်ခန့်လျှော့ချပြီးသာကျွေးထားရတယ်လို့မြောက်ဦးမြို့နယ် ကန်ဇောက်ကျေးရွာက တောင်သူဦးစိုးနိုင်ကပြောပါတယ်။

တောင်သူတွေအနေနဲ့ဓါတ်မြေဩဇာကိုအပြည့်အဝအသုံးမပြုနိုင်တာကြောင့်စပါးဖြစ်ထွန်းမှုနည်းပါးသလိုအထွက်နှုန်းကောင်းနိုင်မှာမဟုတ်ဘူးလို့သုံးသပ်ကြပါတယ်။

ရခိုင်ပြည်နယ်က တောင်သူတွေဟာ မိုးစပါးကိုသာ အဓိကစိုက်ပျိုးလုပ်ကိုင်ကြသူတွေဖြစ်ကြပြီးအခုနှစ် မိုးစပါးရာသီမှ ာဓါတ်မြေဩဇာဈေးနှုန်းတွေအပြင် တခြားလုပ်အားခတွေနဲ့အရင်းအနှီးတွေကြီးမားစွာ အသုံးပြုထားရတာကြောင့် တောင်သူတစ်ဦးချင်းစီအတွက် ကြီးမားတဲ့အရှုံးတွေနဲ့ရင်ဆိုင်ရနိုင်ခြေရှိနေတယ်လို့ ရခိုင်ပြည်တောင်သူလယ်သမားသမဂ္ဂဥက္ကဋ္ဌ ဦးကျော်ဇံက ပြောပါတယ်။

ရခိုင်မှာအခုလိုဓါတ်မြေဩဇာဈေးနှုန်းတွေမြင့်တက်ခဲ့ရတာဟာ လက်ရှိဖြစ်ပွားနေတဲ့ကိုဗစ်၁၉ရောဂါအပြင် စစ်အာဏာသိမ်းပြီးနောက် ဖြစ်ပေါ်လာတဲ့ နိုင်ငံရေးအခြေအနေတွေကြောင့်ဖြစ်တယ်လို့ ထောက်ပြပြောဆိုပါတယ်။