Thiland



ထိုင်းနိုင်ငံ ဆန်တင်ပို့မှု မြင့်တက်လာမှုကြောင့် ကမ္ဘာ့ဒုတိယအများဆုံး ဆန်တင်ပို့နိုင်ငံဖြစ်ရန် နီးစပ်လာ

ယခုနှစ် ပထမခြောက်လအတွင်း ထိုင်းနိုင်ငံ၏ ဆန်တင်ပို့မှုသည် တန်ချိန် ၃ ဒသမ ၅၀ သန်းအထိ ရှိလာခဲ့ပြီး ဝင်ငွေ ဘတ် ၆၀ ဒသမ ၉၃ ဘီလီယံ ရရှိခဲ့သည်။

 

"ဒါဟာ ထိုင်းလယ်သမားတွေအတွက် သတင်းကောင်းပါပဲ” ဟု စိုက်ပျိုးရေးနှင့် သမဝါယမဝန်ကြီး Chalermchai Sree-on က စနေနေ့တွင် ပြောကြားခဲ့သည်။ပို့ကုန်တိုးလာခြင်းက ပြည်တွင်းဆန်ဈေးကို မြှင့်တင်နိုင်မည်ဖြစ်သည်ဟု ၎င်းက ပြောကြားသည်။

 

Capture.JPG

 

နိုင်ငံသည် ယခုနှစ်တွင် ဆန်တန်ချိန် ၇ သန်းကျော် တင်ပို့နိုင်ပါက ဗီယက်နမ်ကို အနိုင်ယူပြီး ကမ္ဘာ့ဒုတိယအကြီးဆုံး ဆန်တင်ပို့သူ ဖြစ်လာနိုင်သည်ဟု ၎င်းက ပြောသည်။ ထိုင်းဆန်တင်ပို့သူများအသင်းနှင့် အကောက်ခွန်ဦးစီးဌာန၏ အချက်အလက်များအရ ထိုင်းနိုင်ငံသည် ဇွန်လတစ်လတည်းတွင် ဘတ် ၁၃ ဒသမ ၁၂ ဘီလီယံတန်ဖိုးရှိ ဆန် ၇၆၄,၁၃၁ တန် တင်ပို့ခဲ့သည်။ ဇွန်လအတွင်း ဆန်ဖြူ ၄၀၅,၉၆၃ တန် ရောင်းချခဲ့ရပြီး ဆန်တင်ပို့မှု မြင့်တက်ခဲသြည်။ ဇွန်လတွင် စံပယ်ဆန် ၁၄၀,၂၂၅ တန်နှင့် ပေါင်းဆန် ၁၀၃,၈၆၅ တန် တင်ပို့ခဲ့သည်။

 

ယခုနှစ်တွင် ကမ္ဘာ့ဆန်ကုန်သွယ်မှုသည် တန်ချိန် ၄၆ ဒသမ ၄ သန်းအထိ မြင့်တက်လာမည်ဖြစ်ပြီး ၂၀၂၁ ခုနှစ်နှင့် နှိုင်းယှဉ်ပါက တန်ချိန် ၁၀၀,၀၀၀ တိုးလာမည်ဟု Chalermchai က သုံးသပ်သည်။


၂၀၂၁-၂၀၂၂ ခုနှစ် စပါးထုတ်လုပ်မှုစက်ဝန်းအတွင်း ကမ္ဘာ့ဆန်အထွက်နှုန်းသည် တန်ချိန် ၅၀၅.၄ သန်း ဝန်းကျင်ရှိပြီး ယခင် စပါးထုတ်လုပ်မှုစက်ဝန်းနှင့် နှိုင်းယှဉ်ပါက တန်ချိန် ၁.၉ သန်း တိုးလာမည်ဟုလည်း ၎င်းက သုံးသပ်သည်။


ဩစတြေးလျ၊ မြန်မာ၊ ကမ္ဘောဒီးယား၊ ဥရောပ၊ ပါရာဂွေး၊ ဥရုဂွေးနှင့် ထိုင်းနိုင်ငံတို့မှ ဆန်တင်ပို့မှု မြင့်တက်လာရန် မျှော်လင့်ကြောင်း၊ ကိုလံဘီယာ၊ အီကွေဒေါ၊ အိန္ဒိယ၊ အီရတ်၊ မဒါဂတ်စကာ၊ ဖိလစ်ပိုင်၊ သီရိလင်္ကာ၊ အမေရိကန်နှင့် ဗီယက်နမ်တို့မှ ဆန်တင်ပို့မှု ကျဆင်းသွားမည်ဖြစ်ကြောင်း ၎င်းက ပြောကြားခဲ့သည်။

 

ယခုနှစ်တွင် ဆန်တန်ချိန် ၇ သန်းမှ ၇ ဒသမ ၅ သန်းအထိ တင်ပို့နိုင်မည်ဖြစ်သည်။ “ဒါက ဗီယက်နမ်အစား ထိုင်းက ကမ္ဘာ့ဒုတိယအကြီးဆုံး ဆန်တင်ပို့သူ ဖြစ်လာမှာပါ။” ဟု ၎င်းက ပြောကြားခဲ့သည်။

 

သို့သော်လည်း Chalermchai က အကြောင်းရင်းများစွာသည် ယခုနှစ် ဒုတိယနှစ်ဝက်တွင် ထိုင်းနိုင်ငံ၏ ဆန်တင်ပို့မှုကို ထိခိုက်နိုင်သည်ဟု ဆိုသည်။
ဘတ်ငွေတန်ဖိုး၊ အဓိကဆန်တင်ပို့သူများ၏ ကုန်ထုတ်စွမ်းအား၊ ဓာတ်မြေဩဇာ အပါအဝင် သွင်းအားစုနှင့် ထုတ်လုပ်မှုကုန်ကျစရိတ်တို့အပေါ် ရုရှား-ယူကရိန်းစစ်ပွဲ သက်ရောက်မှုနှင့် Covid-19 စီးပွားရေးကျဆင်းမှုတို့က ထိုင်းဆန် တင်ပို့မှုအပေါ် သက်ရောက်မှုရှိသည်။


ဗီယက်နမ်သည် ယခုနှစ် ပထမငါးလအတွင်း အမေရိကန်ဒေါ်လာ ၁ ဒသမ ၃၅ ဘီလီယံ ဖိုး၊ ဆန်တန်ချိန် ၂ ဒသမ ၇၇ သန်း တင်ပို့ခဲ့သည်။
#MyanmarFoodGuide

Source: THE NATION

Read times Last modified on Monday, 08 August 2022 20:47
Rate this item
(0 votes)