Thiland
အာရှဆန် ကြီး ၃ ကြီး တစ်ပတ်တာ ဈေးနှုန်း အခြေအနေများ
အာရှဆန် ကြီး ၃ ကြီး တစ်ပတ်တာ ဈေးနှုန်း အခြေအနေများ
TO GET INSTANT UPDATE
Join Telegram Channel
ထိုင်းဘတ်ငွေ အားနည်းပြီး ဝယ်လိုအား ပျော့ခြင်းကြောင့် ထိုင်းဆန်တင်ပို့မှု စျေးနှုန်းသည် ယခုသီတင်းပတ်တွင် နှစ်လကျော် အနိမ့်ဆုံးသို့ ကျဆင်းသွားခဲ့ပြီး ဗီယက်နမ်ဆန် နှုန်းထားများမှာ ဆန် လိုသလောက်မရနိုင်ဟု ပူပန်မှုများကြောင့် ဈေးနှုန်း မြင့်တက်နေသည်။ လအတန်ကြာအတွင်း အမြင့်ဆုံးဈေး ရောက်ရှိပြီး ငြိမ်နေသည်။
၅% ဆန်ကွဲပါ ထိုင်းဆန် <RI-THBKN5-P1> တစ်တန် ခေါ်ဈေးမှာ ပြီးခဲ့သည့် သီတင်းပတ်တွင် $415 ~ $425 ရှိခဲ့ပြီး ယခု သီတင်းပတ်တွင် $410 ~ $420 သို့ ကျဆင်းသည်။ ပြည်တွင်းဝယ်လိုအားနှင့် ပြည်ပ ဝယ်လိုအား ၂ မျိုးစလုံး အေးနေသည့်အတွက် ဈေးကျလာသည်။ ထိုင်းဘတ်ငွေ အမေရိကန်ဒေါ်လာနှင့် လဲနှုန်းတွင် အားပျော့နေခြင်းကလည်း ပြည်ပပို့ဆန် ခေါ်ဈေးနှုန်း လျော့ကျစေသည်။
ဗီယက်နမ်ဆန် 5% ဆန်ကွဲပါ <RI-VNBKN5-P1> သည် တစ်တန်လျှင် $425 ~$430 ဖြင့် မပြောင်းလဲဘဲ ငြိမ်နေသည်။ ၂၀၂၁ နိုဝင်ဘာလနောက်ပိုင်း အမြင့်ဆုံးဈေးနှုန်းဖြစ်သည်။
"ပြည်တွင်း ဆန်ရရှိနိုင်မှု နည်းပါးနေပြီး စျေးနှုန်းများ လာမယ့် ရက်သတ္တပတ်များအတွင်း အနည်းငယ် မြင့်တက်လာနိုင်တယ်" ဟု မဲခေါင်မြစ်ဝကျွန်းပေါ်မှ ကုန်သည် An Giang က ပြောကြားသည်။
မိုးရွာသွန်းခြင်းကြောင့် စပါး အနည်းအကျဉ်းသာ ရိတ်သိမ်းနိုင်သည်။ ဆောင်းဦး-ဆောင်းရာသီ ရိတ်သိမ်းမှုသည် ယခုလ ကုန်ပြီးမှ စတင်နိုင်လိမ့်မည်။ ဆန်သစ် ပေါ်ဖို့ ကြာဦးမည်။
ဖိလစ်ပိုင်၊ အာဖရိကနှင့် ဘင်္ဂလားဒေ့ရှ်နိုင်ငံတို့ထံ ဆန်တင်ပို့လျက် ရှိသည်။
အိန္ဒိယဆန်တွင် အများဆုံးတင်ပို့သည့် အမျိုးအစား ၅% ဆန်ကွဲပါ <RI-INBKN5-P1> ပေါင်းဆန် တစ်တန် ခေါ်ဈေး $374 ~ $382 ရှိပြီး ယခင်သီတင်းပတ်ကအတိုင်း မပြောင်းလဲချေ။
မိုးသည်းထန်စွာရွာသွန်းမှုကြောင့် ရိတ်သိမ်းထုတ်လုပ်မှုအပေါ် စိုးရိမ်မှုများ ရှိနေသည်။
Source Reuters