Food & Health
ဗီတာမင် အေ များများရရှိစေမယ့် အစားအစာ (၈) မျိုး
ဗီတာမင် အေက မျက်စိအမြင်အာရုံကျန်းမာရေးအတွက် အရေးပါတယ်လို့သိကြပါတယ်။
ဗီတာမင် အေ က ဆဲလ်တွေကြီးထွားဖို့ထောက်ပံ့ပေးသလို နှလုံး၊ အဆုတ် နဲ့ အခြားသောအရေးပါတဲ့ ကိုယ်အင်္ဂါအစိတ်အပိုင်းတွေကို အကောင်းဆုံးလုပ်ဆောင်နိုင်စေဖို့ အထောက်အပံ့ပေးပါတယ်။
ဒီလိုအရေးကြီးတဲ့ ဗီတာမင် အေ ကိုခန္ဓာကိုယ်က မထုတ်ပေးနိုင်တာကြောင့် အစားအစာတွေကနေတဆင့် ရယူရပါတယ်။
အားဆေးလွယ်လွယ်ဝယ်သောက်လိုက်မယ့်အစား အစားအသောက်ကနေ များများရနိုင်တော့ မကောင်းဘူးလား။
ဒါ့ကြောင့် ဗီတာမင်အေ ကြွယ်ဝတဲ့အစားအစာတွေ ပြောပြလိုက်မယ်နော်။
(၁) ငရုတ်ပွအနီ
ဗီတာမင် အေဆိုတာ ရက်တီးနွိုက်လို့ခေါ်တဲ့ ဓာတ်ပစ္စည်းအုပ်စုဖြစ်ပါတယ်။ ငရုတ်ပွအနီဟာ အရသာချိုပြီး အနံ့မွှေးတာမို့ ဟင်းထဲထည့်ချက်တာအဆင်ပြေပါတယ်။ ဒီငရုတ်ပွမှာ ဗီတာမင်အေ ကြွယ်ဝလို့ တစ်လုံးလောက်ချက်စားရင်ပဲ တစ်နေ့တာအတွက်လိုအပ်တဲ့ ဗီတာမင်အေပမာဏကို တဝက်လောက်ပြည့်ဝစေပါတယ်။
(၂) ဟင်းနုနွယ်
ဗီတာမင်အေ မှာ အမျိုးအစားနှစ်မျိုးရှိပါတယ်။ Preformed vitamin A လို့ခေါ်တဲ့ ပထမတစ်မျိုးမှာ ကြက်၊ဝက်၊အသား၊ငါးနဲ့ နို့ထွက်ပစ္စည်းတွေပါဝင်ပြီး ခန္ဓာကိုယ်ထဲမှာ ဗီတာမင်အေအဖြစ်ပြောင်းလဲချက်လုပ်ဖို့မလိုတဲ့ အရံသင့်အမျိုးအစားဖြစ်ပါတယ်။
ဒုတိယအမျိုးအစား provitamin A မှာတော့ ဟင်းသီးဟင်းရွက်နဲ့ အသီးအနှံတွေပါဝင်ပြီး ခန္ဓာကိုယ်ထဲရောက်မှ ဗီတာမင်အေ ဖြစ်လာအောင် ပြုပြင်ချက်လုပ်ရတာဖြစ်ပါတယ်။ ဟင်းနုနွယ်က ဒီအမျိုးအစားဝင် ဗီတာမင်အေ ကြွယ်ဝတဲ့ အရွက်တစ်မျိုးဖြစ်လို့ မကြာခဏစားပေးပါ။
(၃) အမဲအသည်း
အမဲသားမစားတဲ့သူတွေအတွက်တော့ ရွေးချယ်စရာမဟုတ်ပေမယ့် အမဲအသည်းဟာ ဗီတာမင်အေကြွယ်ဝပြီး ကိုယ်ခံအားကို ဝုန်းခနဲမြင့်တက်စေနိုင်စွမ်းရှိပါတယ်။ သူက ရောဂါပိုးတွေကို ခုခံတိုက်ခိုက်မယ့် ပဋိပစ္စည်းတွေကိုလည်း အကူအညီပေးပါတယ်။
(၄) ကန်စွန်းဥ
ဗီတာမင် အေ ကြွယ်ဝတဲ့ ကန်စွန်းဥကို ပြုတ်စားစား၊ ဖုတ်စားစား၊ မုန့်ပဲလုပ်စားစား အဆင်ပြေပါတယ်။ အကောင်းဆုံးက မီးဖုတ်စားတာပါပဲ။ ကန်စွန်းဥမီးဖုတ်တစ်လုံးစာဆို တစ်နေ့တာလိုအပ်တဲ့ ဗီတာမင်အေ ပမာဏရဲ့ ၅၀၀ ရာခိုင်နှုန်းထက်ကျော်ပါတယ်။
(၅) ရေခဲမုန့်
ရေခဲမုန့်လေးစားရင်း ဗီတာမင်အေ ရမယ်ဆိုတော့ မိုက်တယ်မလား။ ရေခဲမုန့်တစ်ခွက်မှာ တစ်နေ့တာလိုအပ်တဲ့ ဗီတာမင်အေ ပမာဏရဲ့ ၂၀ ရာခိုင်နှုန်းပါနိုင်တယ်နော်။
(၆) ဖရုံသီးမုန့်
သရေစာမုန့်အနေနဲ့ဆို ဖရုံသီးနဲ့လုပ်တဲ့မုန့်ကိုရွေးပါ။ ရွှေဖရုံသီးမှာ ဗီတာမင်အေအဖြစ် ပြောင်းလဲပေးတဲ့ ဓာတ်တိုးဆန့်ကျင်ပစ္စည်းဖြစ်တဲ့ ဘီတာကယ်ရိုတင်းကြွယ်ဝပါတယ်။
(၇) မုန်လာဥနီ
မုန်လာဥနီစားရင် မျက်စိအားကောင်းတယ်ဆိုတာ ဗီတာမင်အေ ပါဝင်မှုကြောင့်ပါ။ ဒါ့ကြောင့် မုန်လာဥနီကို ဖျော်ရည်လုပ်သောက်တာ၊ ကြော်စားတာ၊ ဟင်းရည်ထဲထည့်တာ၊ ပြုတ်စားတာ၊ အစိမ်းစားတာ ကြိုက်တဲ့နည်းနဲ့စားပါ။
(၈) ဖြည့်စွက်စာ
တကယ်လို့အစားအသောက်ကနေအလုံအလောက်မရနိုင်ဘူး၊ ခန္ဓာကိုယ်ကလည်း လိုအပ်နေတယ်ဆို ဆရာဝန်ညွှန်ကြားချက်နဲ့ ဗီတာမင် အားဆေးသောက်လို့ရပါတယ်။ ဒါမှမဟုတ် ဗီတာမင်အေ ဖြည့်စွက်ထားတဲ့ ကွေကာ၊နွားနို့၊ နို့မှုန့်စတဲ့ စားသောက်ကုန်တွေလည်းရှိတယ်။
Source: Hellosayawon