Food & Health
အဆိပ်အတောက်မဖြစ်အောင် ကြက်ဥများကို ရေခဲသေတ္တာတံခါးအပေါ်နားမှာ မထည့်ပါနဲ့
အစားအသောက်ဆိုင်ရာ လေ့လာသူတွေက ကြက်ဥကို ရေခဲသေတ္တာထဲမှာ နည်းစနစ်မှန်မှန်ကန်ကန်နဲ့ သိမ်းဆည်းသင့်ကြောင်းပြောဆိုခဲ့ပြီး ကြက်ဥများကို ရေခဲသေတ္တာ တံခါးနားမှာ မသိမ်းထားသင့်ဘဲ ရေခဲသေတ္တာအလယ်ထပ်မှာသာ ကြက်ဥကဒ်နဲ့ စနစ်တကျ သိမ်းသင့်ကြောင့်ဆိုခဲ့ပါတယ်။
ဘာကြောင့်လဲဆိုတော့ ရေခဲသေတ္တာ တံခါးနားမှာ ကြက်ဥကိုသိမ်းထားတဲ့အခါ ရေခဲသေတ္တာကိုဖွင့်လိုက်တိုင်း ကြက်ဥရဲ့ အပူချိန်က ခဏခဏပြောင်းလဲနေတဲ့အတွက် အဆိပ်အတောက်ဖြစ်စေနိုင်ပါတယ်။
အင်္ဂလန်နိုင်ငံ Good Housekeeping မဂ္ဂဇင်းအရ ကြက်ဥများကို အပူချိန်ပြောင်းလဲခြင်းနဲ့ အဆိပ်အတောက်မဖြစ်စေရန်အတွက် ကြက်ဥများကို ရေခဲသေတ္တာတံခါးမှာမသိမ်းထားသင့်ကြောင်းပြောဆိုခဲ့ပြီး Good Housekeeping မဂ္ဂဇင်းအယ်ဒီတာ ဖြစ်သူကတော့ ” ရေခဲသေတ္တာတံခါးမှာပဲ ကြက်ဥများကို သိမ်းထားမယ်ဆိုရင် အပူချိန် ခဏခဏ ပြောင်းလဲမှုကြောင့် ကြက်ဥကို ရောဂါပိုးမွှားများ ကူးစက်စေနိုင်ပါတယ်။
ဒါကြောင့် ကြက်ဥများကို အပူချိန် တသမတ်ထဲမှာပဲရှိတဲ့ ရေခဲသေတ္တာအလယ်ထပ်မှာပဲ သိမ်းဆည်းထားဖို့ တိုက်တွန်းချင်ပါတယ် ” လို့ပြောကြားခဲ့ပါတယ်။
Read More >>>>> အရိုးအဆစ်တွေသန်မာစေတဲ့ အစားအစာများ
ဗြိတိန် ကြက်ဥဆိုင်ရာသတင်းအချက်အလက်အဖွဲ့ကြီးကတော့ ကြက်ဥများကို အပူချိန်တသမတ်တည်းရှိပြီး အပူချိန် ၂၀ံC ( ၆၈ F )အောက်မှာသာ သိမ်းဆည်းသင့်ပြီး ကြက်ဥဟာ အနံ့များကိုစုပ်ယူနိုင်တဲ့အတွက် အနံ့ပြင်းတဲ့ အရာတွေနားမထားကြဖို့ ပြောကြားခဲ့ပါတယ်။
ဘရစ်စ္စတိုလ်တက္ကသိုလ်မှ တိရ စ္ဆာန်ဆေးကုသရေးဆိုင်ရာဌာနမှ ကျွမ်းကျင်သူနှစ်ယောက်ကတော့ အစာအဆိပ်ဖြစ်ပွားခြင်းကို ကာကွယ်ရန် ကြက်ဥများကိုအပူချိန် တသမတ်တည်းရှိတဲ့ နေရာမှာပဲ ထားရှိသင့်ကြောင်းပြောကြားခဲ့ပါတယ်။
ဒါ့အပြင် ရေခဲသေတ္တာထဲမှာ သိမ်းထားတဲ့ ကြက်ဥကို မချက်ပြုတ်ခင် တစ်နာရီလောက် အကြာမှာ အပြင်ထုတ်ထားသင့်ကြောင်းလည်း ပြောဆိုခဲ့ကြောင်း သိရပါတယ်။
