Food & Health

ရောဂါထိန်းချုပ်ရေးနှင့်ကာကွယ်ရေးစင်တာ (CDC)ရဲ့ အဆိုအရ အစိုင်အခဲများကိုသတ်မှတ်ထားတဲ့ အစီအစဉ်အတိုင်း ကျွေးရန်မလိုအပ်ပါဘူး။သို့သော် ၎င်းအစား သန့်စင်ရန်နှင့် လွယ်ကူသော အစားအစာများကိုသာ ရွေးချယ်သင့်ပါတယ်။

ကလေးငယ်ကို အိမ်လုပ်အစားအစာများဖြင့် ကျွေးမွေးရန်ပြင်ဆင်ရာမှာ အောက်ပါအကြံပြုချက်များကအရေးကြီးပါတယ်။

၃ ရက်မှ ၅ ရက်တစ်ကြိမ် အစားအစာအသစ်များကို မိတ်ဆက်ပါ။၄◌င်းနည်းလမ်းက ကလေးတစ်ဦးဟာ အစားအစာအမျိုးအစားတစ်ခုနှင့် ဓာတ်တည့်သည် မတည့်သည် အရင်းအမြစ်ကို ဖော်ထုတ်ရန်ပိုမိုလွယ်ကူစေပါတယ်။

မှန်ကန်ပြီးရှေ့နောက်ညီညွတ်မှုက ကလေးရဲ့အသက်အရွယ်ပေါ်မူတည်နေပါတယ်။ အစိုင်အခဲအသစ်များဖြစ်သည့်အတွက် ငယ်ရွယ်သောကလေးငယ်များသည် အပိုရေ၊ နို့သို့မဟုတ် ဟင်းရည်တစ်မျိုးကိုထည့်ခြင်းဖြင့် အုပ်ထိန်းသူတို့က ပြင်ဆင်နိုင်ပါတယ်။

ကလေးတစ်ယောက်ကြီးလာပြီး အစားအစာဝါးတာနဲ့အမျှပိုမာတဲ့အစာတွေကို စားနိုင်ပါတယ်။

ပျားရည်ရှောင်ကြဉ်ပါ: ဒါဟာ botulism သယ်ဆောင်နိုင်ပါတယ်။ကလေးအစာအာဟာရမှာ ပျားရည်ကို ထည့်သွင်းဖို့ အရေးမကြီးပါဘူး။ ကလေးအစားအစာမှာသကြားဓာတ် သို့မဟုတ် အခြားချိုမြိန်စေတဲ့ အရာများမပါ၀င်သင့်ပါဘူး။

ကျန်းမာရေးဆိုင်ရာအန္တရာယ်များကိုလျှော့ချရန်အတွက် သင့်လျော်တဲ့အစားအစာတွေကို ပြင်ဆင်မှုက တကယ်ကိုအရေးကြီးပါတယ်။အိမ်လုပ် ကလေးအစားအစာလုပ်တဲ့အခါ နှိုက်နှိုက်ချွတ်ချွတ်လက်ကိုဆေးကြောပါ။အဲဒီနောက်အစားအစာကို သေချာဆေးကြောပါ။သစ်သီးများနှင့်ဟင်းသီးဟင်းရွက်များကို အခွံခွာပြီး ကလေးမစားသင့်သော အသီးအရွက်အနာများ၊ အစေ့များနှင့်အခြားအစိတ်အပိုင်းများကိုဖယ်ရှားပေးပါ။

အသားကို သေချာ ကျက်အောင်ချက်ပြုတ်ပါ။အစားအစာပြင်ဆင်ပြီးနောက် မိဘများနှင့်ကလေးထိန်း စောင့်ရှောက်သူများက ၎င်းကို ရေခဲသေတ္တာထဲတွင် သိုလှောင် ထားသင့်ပါတယ်။အစားအစာအများစုက ရေခဲသေတ္တာထဲမှာ ရက်အနည်းငယ်သာတည်ရှိနေသောကြောင့် ကလေးငယ်ကို မကျွေးမီ နံ့သာနှင့်အရသာကို ပြန်နွှေးခြင်းများ ရှိသင့်ပါတယ်။

သန့်စင်သောအစားအစာများအတွက် အခြားရွေးချယ်စရာနည်းလမ်းတစ်ခုကတော့ ၎င်းတို့ကိုရေခဲသေတ္တာထဲတွင်အေးခဲစေရန်နှင့်နောက်ပိုင်း ကျွေးခါနီးမှာ ပြန်လည်အပူပေးရန်ပဲဖြစ်ပါတယ်။လတ်ဆတ်သောသစ်သီးများနှင့်ဟင်းသီးဟင်းရွက်များကို ပိုမိုသန့်စင်ရန်ကြိုးစားသင့်ပါတယ်။မုန်လာဥ၊သရက်သီး၊ပဲ၊ပန်းသီး၊ဟင်းနုနွယ်ရွက် ကဲ့သို့အရွက်အစိမ်းရောင်၊ငှက်ပျောသီး၊ချက်ပြုတ်ရန်အတွက် ချိုမြိန်အာလူးတို့သည် အခြားအစားအစာများနှင့်ပေါင်းစပ်ရန်အန္တရာယ်ကင်းပါတယ်။

အချို့မိဘများနှင့်ကလေးထိန်းစောင့်ရှောက်သူများက ဟင်းနုနွယ်ရွက်အပါအ၀င်ပိုမိုရှုပ်ထွေးသော သို့မဟုတ် ခါးသောအရသာရှိသော ပန်းသီးကဲ့သို့ချိုသောအစားအစာများကိုပေါင်းစပ်လိုကြပါတယ်။ဒါက ကလေးငယ်ကို အာဟာရအမျိုးမျိုးဖြည့်ဆည်းပေးနိုင်တဲ့နည်းလမ်းကောင်းတစ်ခုဖြစ်ပေမယ့် အရသာတစ်ခုပြီးတစ်ခုကို ပေါင်းစပ်ဖုံးအုပ်စရာမလိုပါဘူး။အထူးသဖြင့်အစာတစ်ခုကို ကလေးက တောင်းဆိုခြင်းသည် ၄◌င်းကို ကလေးကြိုက်နှစ်သက်တယ်လို့ ဆိုနိုင်ပါတယ်။စားနိုင်တဲ့ ပမာဏကို တဖြည်းဖြည်း တိုးနိုင်ပါတယ်။

ကလေးများကြိုက်နှစ်သက်သည့်ပေါင်းစပ်မှုအချို့မှာ -

ပန်းသီးနှင့်ဟင်းနုနွယ်ရွက်။
မုန်လာဥ၊ ပဲ၊ အခြားဟင်းသီးဟင်းရွက်များနှင့်အမဲသား သို့မဟုတ် ကြက်သားကဲ့သို့သောအသားများ။
ငှက်ပျောနှင့်သရက်သီး။
squash နှင့် မက်မွန်။
ပန်းသီးနှင့် ပန်းဂေါ်ဖီ။
ပန်းဂေါ်ဖီစိမ်း နှင့်အာလူးချိုချို။
squash နှင့်ချိုသောအာလူး။
သစ်တော်သီးနှင့်မက်မွန်။
အာလူးနှင့်ငှက်ပျောသီး။
အချို့ကလေးငယ်များက အေးခဲနေသော ကလေးအစားအစာများကိုနှစ်သက်ကြပါတယ်။

အသက် ၁ နှစ်အောက်ကလေးများအတွက် အစိုင်အခဲရဲ့ အဓိကရည်ရွယ်ချက်မှာအဟာရဖြည့်တင်းခြင်းနှင့်ကလေးငယ်များအား အစားအစာအသစ်များနှင့် အလေ့အကျင့်ရရန်ဖြစ်ပါတယ်။ဖော်မြူလာ သို့မဟုတ် မိခင်နို့က အာဟာရရဲ့ အဓိကအရင်းအမြစ်ဖြစ်သင့်ပါတယ်။မိဘများနှင့်စောင့်ရှောက်သူများက ပုလင်းသို့မဟုတ်မိခင်နို့တိုက်ကျွေးမှု အပြီးမှာ ကလေးကို အစိုင်အခဲများ ကျွေးရန်ကြိုးစားနိုင်ပါတယ်။

Ref:MedicalNewsToday