Food & Livestock

ယခု သီတင်းပတ်တွင် အိန္ဒိယနှင့် ဗီယက်နမ် နိုင်ငံများမှ ဆန်တင်ပို့မှု တန်ချိန်ပမာဏ ပိုမိုများပြားခဲ့ပြီး ဈေးနှုန်းများ လျော့ကျခဲ့သည်။ 
ဗီယက်နမ်သည် ဆန်အမှာစာ အသစ်များကို တရုတ်နှင့် ဘင်္ဂလားဒေ့ရှ်၊ အီရန်၊ သီရိလင်္ကာတို့ ထံမှ လာမည့်လများတွင် ရရှိမည်ဟု မျှော်လင့်ရသည်။ 

အိန္ဒိယဆန်

ဆန်တင်ပို့မှု ထိပ်တန်းနိုင်ငံဖြစ်သော အိန္ဒိယမှ ဆန်ကွဲ ၅% ပေါင်းဆန် အမျိုးအစား <RI-INBKN5-P1> ရောင်းဈေး တစ်တန် $361 ~ $365 အထိ ဈေးခေါ်သည်။ 
ယခင်အပတ်တွင် $364~$368 ဈေးပေါက်ခဲ့ပြီး ယခုအပတ် ဈေးကျဆင်းသည်။ ရူပီ အားပျော့သဖြင့် ဈေးကျခြင်းဖြစ်သည်။ 

အိန္ဒိယတောင်ပိုင်း ကာကီနာဒါမှ ဆန်ပို့ကုန်လုပ်ငန်းရှင်တစ်ဦးက "အဝယ် လိုက်တယ်။ ရူပီ‌ ကြောင့်သာ ဈေးကျတာပါ။ ပြီးခဲ့အပတ်က တင်ပို့တာလည်း အခြေအနေ ပိုကောင်းပါတယ်" ဟု ရိုက်တာသတင်းဌာနသို့ ဖြေကြားခဲ့သည်။

ဗီယက်နမ်ဆန်

ဆန်ကွဲ ၅% ဗီယက်နမ်ဆန် <RI-VNBKN5-P1> ရောင်းဈေးမှာ ဧပြီလ ၂၁ ကြာသပတေးနေ့တွင် တစ်တန် $415  ဈေးခေါ်သည်။
ယခင်သီတင်းပတ် ရောင်းဈေး တစ်တန် $420-$425 ဖြစ်ခဲ့သည်။ ယခုအပတ် ဈေးကျသည်။ 
မဲခေါင်မြစ်ဝကျွန်းပေါ်မှ လယ်ကွင်းများ စပါး အထွက်ကောင်းခဲ့ပြီး လယ်သမားများထံတွင် စပါးအလျှံပယ် ဖြစ်နေသည်။ ဆောင်း-နွေဦး စပါးထုန်လုပ်မှု၏ ၉၀% ကို မဲခေါင်မြစ်ဝကျွန်းပေါ်မှ စိုက်ပျိုးထုတ်လုပ်ပေးသည်။

ဗီယက်နမ် စားသောက်ကုန် အသင်း Vietnam Food Association က လာမည့်လများတွင် ဆန်တင်ပို့မှု ပိုများလာဖွယ်ရှိသည်ဟု ပြောကြားသည်။  တရုတ်နှင့် ဘင်္ဂလားဒေ့ရှ်၊ အီရန်၊ သီရိလင်္ကာတို့ ထံမှ ဆန်အမှာစာ အသစ်များကို ရရှိမည်ဟု မျှော်လင့်ကြောင်း ပြောကြားသည်။ 

ပဏာမစာရင်းများအရ ဧပြီလတွင် ဟိုချီမင်းဆိပ်ကမ်းတွင် ဆန် ၂၉၁,၆၉၀ တန် တင်ဆောင်ရန် စီစဉ်ထားသည်။ ကျူးဘားနှင့် ဖိလစ်ပိုင် နိုင်ငံများသို့ တင်ပို့မည်။

ထိုင်းဆန်

ဆန်ကွဲ ၅% ထိုင်းဆန် <RI-THBKN5-P1> သည် လွန်ခဲ့သည့် နှစ်ပတ်က ရောင်းဈေး တစ်တန် $408-$412 ဖြစ်ခဲ့ပြီး ယခုသီတင်းပတ်တွင် $410-$414 ဖြစ်သဖြင့် ဈေးအနည်းငယ် မြင့်တက်သည်။ အရောင်း ပါးနေသည်။

၂၀၂၂ ဇန်နဝါရီလနှင့် ဖေဖော်ဝါရီလ ၂ လတာတွင် ဆန်တန်ချိန် ၁.၁ သန်း တင်ပို့ခဲ့သည်။

ဆက်စပ်ဖတ်ရှုရန်
ယူကရိန်းစစ်ပွဲကြောင့် ထိုင်းဆန် တင်ပို့မှု မြင့်တက်