Food & Livestock

×

Warning

JUser: :_load: Unable to load user with ID: 540


စင်ကာပူတွင် ကြက်ဆီထမင်းဆိုင်များ အခက်ကြုံနေရ

စင်ကာပူတွင် ကြက်ဆီထမင်းဆိုင်များ အခက်ကြုံနေရ

 

မလေးရှားနိုင်ငံမှာ ကြက်သားဈေးနဲ့ ကြက်သား ထုတ်လုပ်မှု မတည်ငြိမ်မချင်း တလကို ကြက်ကောင်ရေ ၃.၆ သန်းတင်ပို့မှုကို မလေးရှားအစိုးရက ပိတ်ပင်ထားတာကြောင့် အိမ်နီးချင်း စင်္ကာပူနိုင်ငံက ဈေးတချို့နဲ့ ဆူပါမားကက်တချို့က ကြက်သားတန်းတွေမှာ ကြက်သားတွေ ပြတ်နေတယ်လို့ စင်္ကာပူကလာတဲ့သတင်းတွေက ဖော်ပြနေကြပါတယ်။

 

စင်္ကာပူနဲ့ ခွဲမရတဲ့ အစားအစာတခုက ကြက်ဆီထမင်းဖြစ်ပြီး ကြက်ဆီထမင်းဆိုင်တွေ နေရာအနှံ့မှာ ရှိပါတယ်။ အခုတော့ ကြက်သားရှားပါးနေတဲ့အတွက် ကြက်ဆီထမင်းအရောင်းဆိုင်တွေ ရောင်းဖို့ အခက်တွေ့နေကြပါတယ်။

 

စင်္ကာပူနိုင်ငံကိုတင်သွင်းတဲ့ ကြက် ဘဲ ၃ ပုံ ၁ ပုံက မလေးရှားနိုင်ငံက ဖြစ်ပါတယ်။ ကြက်တွေကို အကောင်လိုက်မလေးရှားက တင်သွင်းနေတာပါ။ ဇွန်လ ၁ ရက်နေ့ကစပြီး မလေးရှားက ကြက်တင်ပို့မှု မပိတ်ခင်က စင်္ကာပူမှာ စားသုံးသူတွေက ကြက်အရှင်တွေကို အပြေးအလွှား ဝယ်ယူခဲ့ကြတာပါ။ မလးရှားအစိုးရရဲ့ ပိတ်ပင်ထားမှု ဘယ်တော့ အဆုံးသတ်မယ်ဆိုတာတော့ မသိရသေးပါဘူး။

 

စင်္ကာပူမှာ ကြက်သားဈေး ၃၀% အထိဈေးတက်နိုင်တယ်လို့ ကြက်ရောင်းသူတွေ ခန့်မှန်းနေကြတဲ့အကြောင်း Singapore Straits Times သတင်းစာက ဖော်ပြပါတယ်။ မလေးရှားနိုင်ငံ လယ်ယာစိုက်ပျိုးရေးဝန်ကြီးဌာနရဲ့ ကိန်းဂဏန်းတွေအရ ၂၀၂၀ ခုနှစ်က ကြက်အရှင် ၄၉ သန်းကျော် နိုင်ငံခြားကို တင်ပို့ခဲ့ပါတယ်။


Read times
Rate this item
(1 Vote)