Food & Livestock
စင်ကာပူမှ အဆင့်မြင့် မြို့ပြ ပုရစ်မွေးမြူရေး လုပ်ငန်း
စင်ကာပူမှ အဆင့်မြင့် မြို့ပြ ပုရစ်မွေးမြူရေး လုပ်ငန်း
TO GET INSTANT UPDATE
Join Telegram Channel
https://t.me/Guid4U
မြို့ပြမွေးမြူရေးသမား အသက် ၃၆ နှစ်ရှိသူ Christopher Leow သည် Future Protein Solutions ထူထောင်သူနှင့် စီအီးအို ဖြစ်ပါသည်။ သူ့၏ ပုရစ်မွေးမြူရေးလုပ်ငန်းသည် စင်ကာပူနိုင်ငံရှိ Gallop Kranji Farm Resort တွင် တည်ရှိပါသည်။
Future Protein Solutions အဆင့်မြင့် မြို့ပြ ပုရစ်မွေးမြူရေး
PHOTO: Wonderwall.sg
ပုရစ်သည် ရောင်းတန်းဝင် အင်းဆက်ဖြစ်ပါသည်။ ပရိုတင်းအရင်းအမြစ်အဖြစ် ပုရစ်ကို စနစ်တကျ မွေးမြူကြပါသည်။
ပုရစ်များသည် သွေးအေးသောကြောင့် အနွေးဓာတ်ပေးဖို့ မလိုအပ်ပါ။ အပူပိုင်းရာသီဥတုတွင် ကယ်လိုရီ များများစားစား မလိုအပ်သဖြင့် အစာ အနည်းအကျဉ်း၊ ရေအနည်းအကျဉ်းသာ ကျွေးမွေးဖို့ လိုအပ်သည်။ နေရာလည်း ကျယ်ကျယ် မလိုပါ။
ပုရစ်ကောင်ရေ ၂၀၀၀ ခန့်ရှိသော ပလပ်စတစ်ပုံးများကို စင်ပေါ်၌ သပ်ရပ်စွာ ထားရှိသည်။
PHOTO: Wonderwall.sg
ကြက်ဥဖော့ခံပြားများဖြင့် အခန်းများဖွဲ့ပေးပါသည်။
PHOTO: Wonderwall.sg
Cricket ချေးကို ပလပ်စတစ်ပုံး တစ်ခုစီ၏ အောက်ခြေရင်းတွင် စုဆောင်းသည်။
PHOTO: Wonderwall.sg
Cricket ချေးကို အော်ဂဲနစ် အပင်ငယ်များအတွက် မြေဩဇာအဖြစ် သုံးစွဲသည်။ ၎င်းအပင်ငယ်များကို ပုရစ်အစာအဖြစ် အသုံးပြုသည်။ ဆီကြိတ်ရာတွင် ဘေးထွက်ပစ္စည်းဖြစ်သည့် ပဲဖတ်ကို အမှုန့်ကြိတ်ထားသော အမှုန့်နှင့် ရောနှောပြီး ကျွေးပါသည်။
PHOTO: Wonderwall.sg
ပုရစ်အကောင်ပေါက်မှ အရွယ်ရောက်ရန် ရက်ပေါင်း ၃၀ မှ ၆၀ အထိ ကြာမြင့်ပါသည်။
အရွယ်ရောက်သည့်အခါ မိတ်လိုက်ရန် အသံပြုပါသည်။
ပုရစ်များ ဥအုရန် အုန်းခွံအမျှင်များ အသင့် ထားပေးပါသည်။
ဥပေါက်ရန် ၇ ရက်မှ ၁၀ ရက်အထိ ကြာမြင့်ပါသည်။
PHOTO: Christopher Leow
Future Protein Solutions အဆင့်မြင့် မြို့ပြ ပုရစ်မွေးမြူရေးလုပ်ငန်းသည် ဖြစ်နိုင်သရွေ့ စိမ်းလန်းရေးကို ဆောင်ရွက်ပါသည်။ နေရောင်ခြည်စွမ်းအင်ဖြင့် လျှပ်စစ်ဓာတ်အား ထုတ်ယူသည်။ ပြင်ပမှ ဓာတ်အား မယူပါ။
မိုးရေကိုလည်း စုဆောင်းထားပါသည်။
စင်ကာပူသည် လုပ်သားခ မြင့်မားသည့်အပြင် လုပ်သားရဖို့လည်း မလွယ်ကူသဖြင့် လူအင်အား သုံးစွဲမှု လျော့နည်းအောင်လည်း ကြံဆထားပါသည်။
အစာကျွေးရန် ရိုဘော့ သုံးပါသည်။ လူအကူအညီမလိုဘဲ အစာကျွေးတတ်အောင် သင်ပေးထားပါသည်။
ပုရစ်များကို ဖမ်းယူပြီးသောအခါ အေးခဲစေပါသည်။ သွေးအေးသတ္တဝါဖြစ်သဖြင့် ပုရစ်များ အိပ်ပျော်သွားကြပြီး ပြန်မနိုးတော့ပါ။
PHOTO: Wonderwall.sg
အခြောက်ခံပြီး အဆီထုတ်ပါသည်။ ပုရစ်ပေါင်ဒါမှုန့် ထုတ်လုပ်ပါသည်။
PHOTO: Wonderwall.sg
ပုရစ်ကို အကောင်လိုက် စားဖို့ ရွံ့နေသူများအတွက် ပုရစ်အမှုန့်သည် အဆင်ပြေစေပါသည်။
PHOTO: Wonderwall.sg
"ပုရစ်တွေ အရွယ်ရောက်တဲ့အခါ စားသောက်ကုန်အဖြစ် ထုတ်လုပ်ဖို့ စတင်လုပ်ကိုင်ပါတယ်။ ပထမဆုံးအဆင့်က သူတို့ သေသွားအောင် လုပ်ရပါတယ်။ သူတို့ကို ရေခဲခန်းထဲ ထည့်ထားပါတယ်။ သူတို့က သွေးအေးသတ္တဝါတွေဆိုတော့ သူတို့ အိပ်ပျော်သွားကြပါတယ်။ ပြန်မနိုးတော့ပါဘူး" ဟု Christopher Leow က ပြောပြသည်။
"ပြီးရင် ပုရစ်တေွကို ပြန်ထုတ်ယူပြီး ရေဆေးပါတယ်။ အခြောက်ခံပါတယ်။ လှော်ပါတယ်။ ပြီးရင် အဆီထုတ်ပါတယ်။ ပုရစ်ဆီကို ဟင်းချက်ဆီအဖြစ် သုံးလို့ရပါတယ်။ အဆီထုတ်ပြီးရင် အမှုန့်ကြိတ်ပါတယ်" ဟု Christopher Leow က လုပ်ကိုင်ပုံ အဆင့်ဆင့်ကို ပြောပြသည်။
အထူးသဖြင့် ပုရစ်နှင့် မရင်းနှီးသော နိုင်ငံများတွင် အမှုန့်ပုံစံဖြင့်သာ စားသုံးလိုကြသည်။
Nik နှင့် Christopher တို့သည် ရေရှည်တည်တံ့ပြီး လုပ်သားအင်အားနည်းသော စိုက်ပျိုးရေးဖြေရှင်းချက်တစ်ခုအဖြစ် ၎င်းတို့ဖန်တီးထားသော စနစ်များကို ရောင်းချရန် မျှော်လင့်ထားသည်။
PHOTO: Wonderwall.sg
Future Protein Solutions သည် အိမ်တွင်းစိုက်ပျိုးသည့် အပင်ငယ်များနှင့် စားသုံးနိုင်သော အပင်များအတွက် မြေဩဇာအဖြစ် ပုရစ်ချေးကို ရောင်းချသည်။
PHOTO: Wonderwall.sg
ခရစ္စတိုဖာနှင့် ၎င်း၏အဖွဲ့သားများသည် လိမ္မော်ခွံခြောက်နှင့် ဒူးရင်းခြောက်ကဲ့သို့သော ပုရစ်အစာများကို စမ်းသပ်ကျွေးမွေးကြည့်ကြသည်။
PHOTO: Wonderwall.sg
PHOTO: Wonderwall.sg
Source Wonderwall
TO GET INSTANT UPDATE
Join Telegram Channel
https://t.me/Guid4U