Food & Livestock

https://t.me/Guid4U
JOIN THE CHANNEL 

ကူဘိုတာသည် စိုက်ဧက နည်းပါးသည့် စိုက်ပျိုးသူများအတွက် ပံ့ပိုးပေးမည့် အနာဂတ် ထွန်စက်တစ်ခုဖြစ်သည့် လျှပ်စစ်ထရက်တာ "Agri concept" ကို ပွဲထုတ်ပြသခဲ့ပါသည်။

Agri concept ထရက်တာသည် နောက်မျိုးစက် လယ်ယာသုံးယန္တရားအဖြစ် ဒီဇိုင်းထုတ်ထားသည်။

ဉာဏ်ရည်တု၊ အလိုအလျောက် လုပ်ကိုင်ခြင်း၊ လျှပ်စစ်စွမ်းအင် သုံးစွဲခြင်းတို့ကို ပေါင်းစပ်ပေးထားသည်။ 

လျှပ်စစ်မော်တော်ယာဉ်စစ်စစ်ဖြစ်ပြီး စွယ်စုံသုံး ယာဉ်လည်း ဖြစ်သည်။ 

Agri concept တွင် လျှပ်စစ်မော်တာ ၆ လုံး သုံးထားသည်။ မော်တာသုံးထားသဖြင့် အင်ဂျင်ထရက်တာများကဲ့သို့ စက်သံမဆူညံချေ။ သို့ဖြစ်ရာ ညဘက် လူခြေတိတ်ချိန် လူနေရပ်ကွက်မှာ အသုံးပြုနိုင်မည် ဖြစ်သည်။ 

 Kubota က အသေးစိတ် အချက်အလက်များ ထုတ်ပြန်ခြင်း မပြုသေးသဖြင့် မော်တာတို့၏ ပါဝါကို မသိရပါ။

ဘက်ထရီထုပ်အကြောင်းကို ပြောပြရာ၌ ၁၀% အားလက်ကျန် အခြေအနေမှ ၈၀% အားပြည့်အောင် အားသွင်းရန် ၆ မိနစ်အောက်သာ ကြာမည်ဟု ဆိုသည်။

Agri concept တွင် ပင်ကိုမောင်းနှင် စွမ်းရည် ပါသည်။ ရှေ့မှာ ဝင်တိုက်စရာရှိပါက ရပ်ခြင်း၊ ကွေ့ရှောင်ခြင်းတို့ အလိုအလျောက် ထိန်းကျောင်းနိုင်စွမ်း ရှိသည်။ လူနှင့် တိရစ္ဆာန် ခွဲခြားသိသည်။ သီးနှံအပင်နှင့် ကျောက်တုံးကိုလည်း ခွဲခြားသိသည်။

ကူဘိုတာသည် "ယုံကြည်စိတ်ချရသော စက်ကိရိယာပံ့ပိုးပေးသူ အဖြစ်မှ ကူညီဖြေရှင်းချက် ပေးအပ်သူအဖြစ်သို့ ပြောင်းလဲနေသည်"ဟု Kubota Tractor Corporation ဥက္ကဋ္ဌ Todd Stucke က Agri concept မိတ်ဆက်ပွဲ အခမ်းအနားတွင် ပြောကြားသည်။

Source carscoops

To Get Instant Update
https://t.me/Guid4U
JOIN THE CHANNEL