Food & Livestock

အိန္ဒိယနိုင်ငံ၌ အမျိုးသားအဆင့် သမဝါယမပို့ကုန်ဆိုင်ရာ ညီလာခံတစ်ရပ်ကို ၂၀၂၃ ခုနှစ် အောက်တိုဘာလတွင် ကျင်းပခဲ့ပြီး ပို့ကုန်မှ ရရှိသည့် စုစုပေါင်းအမြတ်ငွေမှ ၅၀ ရာခိုင်နှုန်းခန့်ကို အသင်းဝင် လယ်သမားများအား ခွဲဝေပေးရန် စီစဉ်နေကြောင်း ဆွေးနွေးခဲ့ကြသည်။

ယင်းညီလာခံတွင် သမဝါယမဝန်ကြီးဌာန၊ ပြည်ထောင်စုဝန်ကြီး Amit Shah က အသစ်ဖွဲ့စည်းတည်ထောင်ခဲ့သော အမျိုးသားပို့ကုန်များ သမဝါယမလီမိတက် (National Cooperative Exports Limited - NCEL) သည်…

• ပြည်ပသို့ တင်ပို့မည့် ကုန်စည်များကို အစိုးရက သတ်မှတ်သည့် အနိမ့်ဆုံး အထောက်အကူပြု အခြေခံရည်ညွှန်းဈေးနှုန်း (Minimum Support Price - MSP) ဖြင့် အသင်းဝင် လယ်သမားများထံမှ ဝယ်ယူမည် ဖြစ်ကြောင်း
• လက်ရှိကာလ၌ NCEL သည် ရူပီးငွေ ကုဋေ (၇,၀၀၀) တန်ဖိုးရှိ ပို့ကုန်အမှာစာများ ရရှိထားကြောင်း
• NCEL ၏ ပြည်ပသို့ ကုန်တင်ပို့မှုမှ ရရှိသည့် စုစုပေါင်း အမြတ်ငွေမှ ၅၀% ခန့်ကို အသင်းဝင် လယ်သမားများ၏ ဘဏ်ငွေစာရင်းများသို့ တိုက်ရိုက် လွှဲပြောင်းပေးမည် ဖြစ်ကြောင်းနှင့်
• အကျိုးအမြတ် ရရှိမှုသည် MSP ဈေးနှုန်းဖြင့် ရောင်းချမှုထက် သာလွန်မည် ဖြစ်ကြောင်း ပြောကြားခဲ့သည်။

သမဝါယမဝန်ကြီးဌာနက ဖွဲ့စည်းခဲ့သော NCEL လီမိတက်သည် လတ်တလောကာလတွင် ယာယီရုံးခန်းတစ်ခု ဖွင့်လှစ်၍ လုပ်ငန်းများ ဆောင်ရွက်လျက်ရှိပြီး ဝန်ထမ်းအသစ်များကိုလည်း စုဆောင်းနေကြောင်း သိရသည်။ NCEL သည် ပို့ကုန်မှ အကျိုးအမြတ် ရရှိရေးကိုသာမက ပို့ကုန်ဈေးကွက်ဝင် ကုန်စည်များအား လယ်သမားများက ထုတ်လုပ်စေရေးကိုလည်း ဆောင်ရွက်မည် ဖြစ်ကြောင်း Amit Shah က ပြောဆိုသည်။ 

Advertisement

Click Here > YTSB

အဆိုပါ ညီလာခံတွင် ဝန်ကြီး Amit Shah က NCEL ၏ အမှတ်တံဆိပ်လိုဂိုနှင့် အင်တာနက် ဝက်ဘ်ဆိုက်တို့အား လွှင့်တင်ပေးခဲ့ပြီး NCEL ၌ အဖွဲ့ဝင်အဖြစ် ပါဝင်သော သမဝါယမအဖွဲ့အစည်း ၅ ခုထံသို့လည်း အသင်းဝင် အသိအမှတ်ပြုလက်မှတ်များ ပေးအပ်ခဲ့သည်။

အိန္ဒိယကူးသန်းရောင်းဝယ်ရေးဝန်ကြီး Piyush Goyal ကလည်း NCEL ကို ဖွဲ့စည်းခြင်းသည် ပို့ကုန်လုပ်ငန်းများအတွက် အားပေးကူညီမှု ဖြစ်သည့်အပြင် နိုင်ငံဖွံ့ဖြိုးတိုးတက်ရေးနှင့် ကျေးလက်ဒေသ အသွင်ပြောင်းနိုင်ရေးတို့အတွက် အထောက်အပံ့ ဖြစ်သည်ဟု ဆိုသည်။ 

ကမ္ဘာ့လုံးဆိုင်ရာ အဆင့်၌ အိန္ဒိယနိုင်ငံ၏ ထင်ပေါ်ကျော်ကြားမှု ကြီးမားလာသည်နှင့်အမျှ သမဝါယကဏ္ဍသည် ပို့ကုန်အလားအလာကို ဖော်ထုတ် လုပ်ကိုင်နိုင်မှု ရှိလာပြီး သမဝါယမ အဖွဲ့အစည်းများအနေဖြင့် ပို့ကုန်ဈေးကွက်အတွက် နိုင်ငံတကာစံနှုန်းများနှင့် ကိုက်ညီသည့် အရည်အသွေးမီ ကုန်ပစ္စည်းများ ထုတ်လုပ်မှုကို အလေးပေး ဆောင်ရွက်သင့်ကြောင်း အဆိုပါ အခမ်းအနား၌ ပြောကြားခဲ့သည်။

NCEL လီမိတက်ကို ပြည်နယ်စုံ သမဝါယအဖွဲ့အစည်းများဆိုင်ရာ အက်ဥပဒေ (Multi-State Co-operative Societies Act) အရ ၂၅-၁-၂၀၂၃ နေ့တွင် မှတ်ပုံတင်ဖွဲ့စည်းထားခြင်း ဖြစ်ကာ အများဆုံးထုတ်ဝေနိုင်သည့် အစုရှယ်ရာ အရင်းအနှီးမှာ ရူပီးငွေ ကုဋေ ၂,၀၀၀ ရှိသည်။

ပို့ကုန်လုပ်ငန်းများကို စိတ်ပါဝင်စားသော မည်သည့်သမဝါယမအသင်း အသေးအကြီးမဆို NCEL ၏ အသင်းဝင်အဖြစ် ပါဝင်နိုင်ကြောင်းနှင့် ပြည်ပဈေးကွက်များသို့ ဝင်ရောက်ခြင်းဖြင့် အိန္ဒိယ သမဝါယမကဏ္ဍ၌ ပိုလျှံမည့် ကုန်စည်များကို တင်ပို့နိုင်ရေး ရည်ရွယ် ဆောင်ရွက်ခြင်း ဖြစ်ကြောင်း သိရသည်။

အိန္ဒိယပြည်တွင်း၌ သမဝါယအဖွဲ့အစည်းပေါင်း (၈) သိန်းခန့် ရှိပြီး အသင်းသားဦးရေပေါင်း သန်း (၂၉၀) ကျော် ရှိကြောင်း Economic Times သတင်းဌာနက ဖော်ပြထားသည်။

Source: Economic Times

ယခုကဏ္ဍာနှစ်တွင် မန္တလေးတိုင်းဒေသကြီးအတွင်း JICA ( Two Step Loan ) ချေးငွေဖြင့် တောင်သူများ လယ်ယာသုံးစက်ကိရိယာများ ဝယ်ယူ အသုံးပြုနိုင်ရန် ငွေကျပ်သန်း (၂၁) ထုတ်ချေးပေးထားကြောင်း မန္တလေးတိုင်းဒေသကြီး မြန်မာ့လယ်ယာဖွံ့ဖြိုးရေး ဘဏ်ခွဲမှ သိရသည်။

မန္တလေးတိုင်းဒေသကြီး မြန်မာ့လယ်ယာဖွံ့ဖြိုးရေး ဘဏ်ခွဲနှင့် JICA တို့ ပူးပေါင်းပြီး တောင်သူများ၏ လုပ်ငန်းများ လျင်မြန် ချောမွေ့ပြီး တွင်ကျယ်လာစေရန်အတွက် လယ်ယာသုံးစက်ကိရိယာများ ဖြစ်သော ထွန်စက်ကြီး၊ ရိတ်သိမ်းခြွေလှေ့စက်နှင့် တခြားလယ်ယာသုံး စက်ကိရိယာများကို တောင်သူများ လိုအပ်သည့် စက်အမျိုးအစားအလိုက် ဝယ်ယူ အသုံးပြုနိုင်ရန် ဩဂုတ်လမှစ၍ ထုတ်ချေးပေးခဲ့သည်ဟု ဆိုသည်။

ထိုသို့ လယ်ယာသုံး စက်ကိရိယာများကို တောင်သူများ အသုံးပြုနိုင်ရန် ချေးငွေထုတ်ချေးပေးနေသည့် မန္တလေးတိုင်းဒေသကြီးအတွင်းရှိ မြို့နယ်များမှာ စဉ့်ကူးမြို့နယ်၊ စဉ့်ကိုင်မြို့နယ်၊ ကျောက်ဆည်မြို့နယ်၊ ဝမ်းတွင်းမြို့နယ်၊ မြစ်သားမြို့နယ်၊ ရမည်းသင်းမြို့နယ်၊ ပျော်ဘွယ်မြို့နယ်တို့ ဖြစ်သည်။

Advertisement

Click Here > Asia General Holding

"မန္တလေးတိုင်းဒေသကြီး အတွင်းမှာရှိတဲ့ တောင်သူတွေကို လက်မှုလယ်ယာစနစ်ကနေ စက်မှုလယ်ယာစနစ်ကို အသွင်ကူးပြောင်းလာနိုင်ဖို့အတွက် တစ်ဖက်တစ်လမ်းကနေ ကူညီ ပံ့ပိုးပေးနေတာပါ။ အတိုးနှုန်း သက်သာစွာနဲ့ ချေးပေးနေတာပါ။ တောင်သူတစ်ယောက်ကို အများဆုံး ငွေကျပ် သိန်း (၇၀၀) ထိ ခွင့်ပြုပေးထားပါတယ်။ 

တောင်သူတွေအနေနဲ့ မိမိတို့ရဲ့ လုပ်ငန်းခွင်မှာ အဆင်ပြေစွာ အသုံးပြုနိုင်မယ့် လိုအပ်တဲ့ စက်အမျိုးအစားကို ဝယ်ယူ အသုံးပြုနိုင်အောင် ဆောင်ရွက်ပေးနေတာပါ။ လက်ရှိ မြို့နယ်နှစ်မြို့နယ်မှာ ရိတ်ခြွေလှေ့စက် တစ်စီးရယ်၊ ထွန်စက်ကြီး နှစ်စီးရည်ကို ဝယ်ယူ အသုံးပြုနိုင်ဖို့ ချေးပေးပြီးပါပြီ" ဟု တိုင်းဒေသကြီး မန်နေဂျာ ဦးစိုးကိုကိုဝင်းက ပြောသည်။

အဆိုပါ လယ်ယာသုံး စက်ကိရိယာများ ဝယ်ယူ အသုံးပြုနိုင်သည့်အတွက် တောင်သူများအနေဖြင့် မိမိတို့၏ လယ်ယာလုပ်ငန်းခွင်များတွင် စိုက်ပျိုး ရိတ်သိိမ်းမှုများကို အချိန်တိုကာလအတွင်း ဆောင်ရွက်နိုင်သည့်အပြင် စိုက်ချိန်ပျိုးချိန်လည်း အချိန်မီ စိုက်ပျိုးနိုင်မည် ဖြစ်သည်။ 

ထိုင်းနိုင်ငံမြောက်ပိုင်း ကာလဆင်ပြည်နယ်ရှိ လယ်သမားတစ်ဦးသည် “ Big Billion “ ဟု ခေါ်သည့် ရေကျွဲတစ်ကောင်၏ သုတ်ရည်များကို ရောင်းချခြင်းဖြင့် လစဉ်လတိုင်း ထိုင်းဘတ်ငွေ (၁) သန်း မြန်မာငွေအားဖြင့် သိန်း (၆၀၀) ကျော် ရရှိနေကြောင်း သိရသည်။

အဆိုပါကျွဲကို Kham Bong ပြည်နယ် မြို့တော်ဝန်ဖြစ်သည့် Mongkol Mongphet က မွေးမြူထားခြင်း ဖြစ်ပြီး Mongkol က အဆိုပါ ဘီလီယံနှင့် ချီသည့် “ Big Billion “ ၏ သုက်ရည်အား ရောင်းချခြင်းဖြင့် ဝင်ငွေများစွာ ရရှိနေသော်လည်း ၎င်းသည် လက်ရှိတွင် လယ်ယာလုပ်ကိုင်နေသည့် တိရစ္ဆာန်တစ်ကောင်လည်း ဖြစ်ကြောင်း ပြောသည်။

ရေကျွဲ ( ထိုင်းအခေါ် Kwai ) မွေးမြူရေး လုပ်ကိုင်သူများသည် ဘတ် (၃၀) တန် “ Big Billion “ ၏ သုတ်ရည်ကို နိုင်ငံတစ်ဝှမ်း ဈေးအမြောက်အမြား ပေး၍ ဝယ်ယူနေကြသည်။ ထိုသို့ ဝယ်ယူကြခြင်းမှာ  “ Big Billion “ ၏ သုတ်ရည်နှင့် ကျွဲမများတွင် မျိုးပွားပြီး ဖခင်ကဲ့သို့ လှပပြီး သန်းနှင့်ချီတန်သည့် ကျွဲမျိုးဆက်သစ် မွေးမြူ ထုတ်လုပ်နိုင်ရန်အတွက် ဖြစ်သည်။

“ Big Billion “ သည် အရည်အချင်းများစွာ ရှိသော တိရစ္ဆာန်တစ်ကောင် ဖြစ်သည်။ Mongkol က ၎င်းကို ကုန်ကျစရိတ်မရှိသည့် 'ထွန်စက်' ဟု ခိုင်းနှိုင်းပြီး ၎င်း၏ အညစ်အကြေးများကို မြေဩဇာအဖြစ် အသုံးချနိုင်ကြောင်း ပြောသည်။ ဈေးကြီးပြီး ကျန်းမာရေးနှင့် မညီညွတ်သော ဓာတုပစ္စည်းများအစား စပါးနှင့် သီးနှံများကို အာဟာရဖြစ်စေသော မြေသြဇာအဖြစ် ယင်းအညစ်အကြေးကို အသုံးပြုနိုင်သည်ဟု ဆိုသည်။

သို့ရာတွင် ထိုင်းနိုင်ငံတွင် ကျွဲများကို လယ်ယာလုပ်ငန်းတွင် အသုံးပြုလေ့ မရှိဘဲ ၎င်းတို့၏ လှပမှုနှင့် ကြံ့ခိုင်မှုအတွက် မွေးမြူကြပြီး ထိုင်းနိုင်ငံ၏ ကျွဲပြိုင်ပွဲများတွင် ဝင်ရောက် ယှဉ်ပြိုင်စေသည်။ ကျွဲပွဲတော်များတွင် အနိုင်ရသော ကျွဲများကို ဘတ်သန်းပေါင်းများစွာဖြင့် လေလံတင် ရောင်းချကြသည်။

Asia Pacific Inspection Agency

ကျွဲပိုင်ရှင်ဖြစ်သူ Mongkol က ၎င်းမိသားစုသည် ကျွဲကို မျိုးဆက်ပေါင်းများစွာ မွေးမြူထားသည်ဟု ဆိုသည်။ မွေးဖွားလာစဉ်ကတည်းက Mongkol သည် မိသားစုအလုပ်အတွက် ကျွဲများကို မွေးမြူခဲ့ပြီး သားသမီးများအား ကျောင်းပို့နိုင်ရန် ပိုက်ဆံရှာရာတွင် ကျွဲများကို ရောင်းစားခဲ့ကြောင်း ပြောသည်။

Mongkol ၏ အဆိုအရ ထိုင်းနိုင်ငံမှ ရွာသားအများစုသည် ကျွဲများထက် ပိုမို မြန်ဆန်သည့် လယ်ထွန်စက်များကို အသုံးပြုလာကြပြီး ကျွဲများမှ ရရှိသည့် အညစ်အကြေး မြေဩဇာထက် ဓာတုမကင်းလွတ်သည့် ဓာတ်မြေဩဇာများကို ရွေးချယ် အသုံးပြုကြသောကြောင့် ထိုင်းလူ့အဖွဲ့အစည်းတွင် ကျွဲများ၏ အခန်းကဏ္ဍသည် ကျဆင်းလာနေကြောင်း သိရသည်။

မိသားစု အစဉ်အဆက် ကျွဲများဖြင့် အသက်မွေးဝမ်းကြောင်း ပြုလာသဖြင့် ၎င်းတို့နှင့် ရင်းနှီးစွာ နေထိုင်ကြောင်းနှင့် ကျွဲများသည် ယဉ်ပါးသော တိရစ္ဆာန်များဖြစ်ကာ မွေးမြူရ လွယ်ကူပြီး နွားများထက် ရောဂါဒဏ် ပိုခံနိုင်သည်ဟု Mongkol က ဆိုသည်။

လက်ရှိတွင် မွေးမြူထားသည့် ကျွဲကောင်ရေ (၂၀) ကျော် ရှိသော်လည်း “ Big Billion “ သည် အကောင်းဆုံးသော ကျွဲတစ်ကောင်ဖြစ်ကာ ယင်းအား လွန်ခဲ့သည့် (၆) နှစ်ခန့်က ကျွဲပြိုင်ပွဲတစ်ခုမှ ဘတ် (၅) သိန်းဖြင့် ဝယ်ယူ မွေးမြူခဲ့ခြင်း ဖြစ်သည်။ ကျွဲပြိုင်ပွဲတွင် လေလံတင် ရောင်းချသည့် ကျွဲများသည် ပုံမှန်အားဖြင့် ဘတ် (၄) သောင်းမှ (၅) သောင်းကြားသာ ရှိသည်။

ပြည်နယ်အဆင့် ကျွဲအလှပြိုင်ပွဲများတွင် Big Billion က အကြိမ်ကြိမ် အနိုင်ရရှိပြီးနောက်တွင် ၎င်းအား ဝယ်ယူလိုသူ များပြားလာခဲ့သည်။ Big Billion ကို ဝယ်ယူရန် ဘတ်ငွေ သန်း (၃၀) ထိ ကမ်းလှမ်းခဲ့သော်လည်း Mongkol က ကမ်းလှမ်းမှုကို ငြင်းဆိုခဲ့သည်။ 

ထို့ကြောင့် နိုင်ငံတစ်ဝှမ်းရှိ မွေးမြူရေးသမားများသည် လစဉ် ဘတ်ငွေ (၁) သန်း ထုတ်ပေးနိုင်သည့် Big Billion ၏ သုက်ရည်ကို ဝယ်ယူလိုခြင်း ဖြစ်သည်။ ကာလဆင်ပြည်နယ် တစ်ဝိုက်တွင် ကျွဲမွေးမြူသူ (၃၅၀) ခန့် ရှိပြီး အချိန်ကာလ အတော်ကြာ ကျွဲမွေးမြူရေး ဈေးကွက် ပျက်နေရာမှ ယခုအချိန်တွင် လူအများ ပြန်လည် စိတ်ဝင်စားလာကြကြောင်း သိရသည်။

Astir Power Co., Ltd. 

ပြည်နယ်အတွင်းမှ Big Billion ၏ သုတ်ရည်ကို ဝယ်ယူခဲ့သည့် လယ်သမားတစ်ဦးဖြစ်သော အသက် ၃၆ နှစ်အရွယ် Prompong Pimphao က သားသတ်ရုံမှ ဘတ် ၂၀,၀၀၀ ဖြင့် Boonrod အမည်ရှိ ကျွဲမတစ်ကောင် ဝယ်ယူခဲ့ပြီး Big Billion ၏ သုတ်ရည်ဖြင့် ပေါင်းစပ် မျိုးပွားခဲ့ကြောင်း ဆိုသည်။

ထိုသို့ မျိုးစပ်ပြီးနောက် ကိုယ်ဝန်ဆောင်ချိန် ကာလအတွင်း Boonrad ၏ အသားအရေသည် ချောမွေ့ လှပလာပြီး ၎င်းအား ဘတ် (၂) သိန်းဖြင့် ဝယ်ယူလိုသူပင် ရှိခဲ့ကြောင်း Prompong က ပြောသည်။ Boonrad မှ Petch Puthai အမည်ရှိ ကျွဲထီးတစ်ကောင်ကို ဖွားမြင်ခဲ့ပြီး Big Billion အတိုင်း သန်မာ လှပကြောင်း သိရသည်။

ထိုအချိန်တွင် Boonrad နှင့် Petch Puthai အား ဝယ်ယူရန် တခြားလယ်သမားတစ်ဦးက ဘတ် (၅) သိန်းဖြင့် ထပ်မံ ကမ်းလှမ်းခဲ့သော်လည်း ပိုင်ရှင်ဖြစ်သည့် Prompong က မရောင်းပဲ Big Billion ကဲ့သို့ တန်ဖိုးရှိသည့် ကျွဲတစ်ကောင် ဖြစ်လာစေရန် ရည်ရွယ်ချက်ဖြင့် ကိုယ်တိုင် မွေးမြူခဲ့သည်။

Big Billion ၏ သုတ်ရည်ကို ရောင်းချပြီး ပိုင်ရှင် Mongkol က လစဉ် ဘတ် (၁) သန်း ရရှိသည် နည်းတူ ၎င်းကျွဲကို မျိုးစပ်၍ မွေးဖွား အောင်မြင်လာသည့် ကျွဲများသည်လည်း နောင်တွင် တန်ဖိုးကြီးလာကာ ပိုင်ရှင်လယ်သမားများအနေဖြင့် ဝင်ငွေများစွာ ရရှိနိုင်သည်ဟု တွက်ဆနိုင်သည်။

ပြီးခဲ့သည့်နှစ် မတ်လတွင်လည်း ရှားပါးလှသည့် ကျွဲတစ်ကောင်ကို ဘတ်ငွေ (၂.၅) သန်းဖြင့် (၁၀) ကြိမ်မြောက် ထိုင်းနိုင်ငံ ကျွဲအလှပြိုင်ပွဲမှ လေလံတင် ရောင်းချခဲ့သေးကြောင်း သိရသည်။

Su Mon Oo

Source: https://thethaiger.com/

ဝက်မွေးမြူရေးသမားတွေဟာ အခုလို ကိုဗစ်ဖြစ်ပွါးနေတဲ့ကာလမှာ အတော်လေး အခက်တွေ့ နေရပြီး စိတ်မော လူမောနဲ့ ပြည်သူတွေဆီ အသားရောင်းချ နိုင်ရေး ကြိုးပမ်းနေရတယ်သိရပါတယ်။

ကမ္ဘာ့ လူဦးရေရဲ့ ၉၀ ရာခိုင်နှုန်းလောက်က Lockdown ချခံထားရကာ အိမ်ထဲမှာ နေကြရပါတယ်။ကိုယ်တွေရဲ့ ဆိုရှယ်မီဒီယာ မျက်နှာပြင်ဟာ နည်းလမ်း အပြည့်ဖြည့် ပြည်တွင်း ဆူပါမားကတ် အလား အထင်မှားလောက်စရာပါပဲ။

ပဲခူးတိုင္းေဒသႀကီး ေတာင္ငူၿမိဳ႕နယ္၊ ထန္းတပင္ၿမိဳ႕နယ္၊ အုတ္တြင္းၿမိဳ႕အတြင္းရွိ စစ္ေတာင္းျမစ္ဝွမ္း တစ္ေလွ်ာက္