Food & Livestock

မြန်မာနိုင်ငံ စီမံကိန်းနှင့် ဘဏ္ဍာရေးဝန်ကြီးဌာန၊ ဗဟိုစာရင်းအင်းအဖွဲ့သည် နိုင်ငံ၏ စားသုံးသူ ဈေးဆနှုန်းနှင့် ငွေကြေးဖောင်းပွမှုနှုန်းတို့ကို အခြေခံထားသည့် စားသုံးသူဈေးဆနှုန်း (Consumer Price Index: CPI) ကို ပြီးခဲ့သည့် ၂၀၁၂ ခုနှစ်အထိ လစဉ် ထုတ်ပြန်ခဲ့သည်။ 

စားသုံးသူဈေးဆနှုန်းကို အချိန်ကာလအလျောက် ဈေးနှုန်းပြောင်းလဲမှုနှင့် စားသုံးမှုပုံစံ ပြောင်းလဲမှုကို တိုင်းတာနိုင်ရန်အတွက် မိမိနိုင်ငံအတွက် တွက်ချက် ထုတ်ပြန်ခြင်း ဖြစ်ပြီး နိုင်ငံ၏ ငွေကြေးဖောင်းပွမှုနှုန်း တိုင်းတာရာတွင် အဓိက အသုံးပြုသည်။ 

အချိန်ကာလအလျောက် လူနေမှုအဆင့်အတန်း မြင့်မားလာခြင်းကြောင့် လူတို့၏ စားသုံးမှုပုံစံ ပြောင်းလဲမှုများကို ပိုမိုထင်ဟပ်စေရန်အတွက် ကုန်စည်နှင့် ဝန်ဆောင်မှု အမျိုးအစားများ ပြောင်းလဲ သုံးစွဲလာမှုကို အခါအားလျော်စွာ ဆန်းစစ်၍ စားသုံးသူဈေးဆနှုန်း တွက်ချက်ရာတွင် အသုံးပြုသည့် အခြေခံနှစ်ကို ပြောင်းလဲကာ တွက်ချက်ကြသည်။

ကမ္ဘာ့နိုင်ငံများအနေဖြင့် စားသုံးသူဈေးဆနှုန်း တွက်ချက်ရာတွင် အချိန်ကာလ ပြောင်းလဲလာသည်နှင့်အမျှ လူတို့၏ စားသုံးမှုပုံစံ ပြောင်းလဲလာခြင်း၊ စီးပွားရေးစနစ်များ ပြောင်းလဲလာသဖြင့် စီးပွားရေးပုံသဏ္ဍာန်နှင့်အတူ စားသုံးမှုပုံသဏ္ဍာန်ပါ ပြောင်းလဲလာခြင်း၊ ဝင်ငွေ တိုးတက် ပြောင်းလဲလာသဖြင့် လူနေမှု အဆင့်အတန်း မြင့်မားလာခြင်း စသည့်အချက်များကြောင့် စားသုံးသူဈေးခြင်းတောင်း (CPI Basket) ကို လက်ရှိအခြေအနေနှင့် ထင်ဟပ် လွှမ်းခြုံမှု ရှိစေရန်အတွက် အခြေခံနှစ်ကို (၅) နှစ်မှ (၁၀) နှစ်အတွင်း ပြောင်းလဲ တွက်ချက်လေ့ ရှိသည်။

မြန်မာနိုင်ငံ၏ စားသုံးသူဈေးဆနှုန်းကို တွက်ချက်ရာတွင်လည်း လူတို့၏ စားသုံးမှုနှင့် ဝန်ဆောင်မှုပုံစံများ ပြောင်းလဲလာမှုအရ ခေတ်ကာလနှင့် လိုက်လျောညီထွေရှိစေမည့် အခြေခံနှစ်များကို ပြောင်းလဲ တွက်ချက်ခဲ့ခြင်း ဖြစ်သည်။ 

Advertisement

Click Here > Great Star Enterprise

ရန်ကုန်မြို့၏ စားသုံးသူဈေးဆနှုန်းကို ၁၉၂၈ ခုနှစ်တွင် စတင်တွက်ချက်ခဲ့ပြီး ၁၉၂၇၊ ၁၉၄၁၊ ၁၉၅၈၊ ၁၉၆၅၊ ၁၉၇၂၊ ၁၉၇၈ နှင့် ၁၉၈၆ အခြေခံနှစ်များဖြင့် တွက်ချက်ခဲ့သည်။ တစ်နိုင်ငံလုံး၏ စားသုံးသူ ဈေးဆနှုန်းကို ၁၉၉၇ ခုနှစ် အခြေခံနှစ်ဖြင့် စတင် တွက်ချက်ခဲ့ပြီး ၂၀၀၆ ခုနှစ်နှင့် ၂၀၁၂ ခုနှစ်တို့ဖြင့် အသီးသီးပြောင်းလဲ တွက်ချက်ခဲ့သည်။ 

ယခုအချိန်တွင် မြန်မာနိုင်ငံ၌ လက်ရှိအသုံးပြု တွက်ချက်ထုတ်ပြန်နေသည့် ၂၀၁၂ ခုနှစ် အခြေခံနှစ်၏ စားသုံးသူဈေးခြင်းတောင်း (CPI Basket) ရှိ ကုန်စည်နှင့် ဝန်ဆောင်မှုများသည် ခေတ်စနစ်နှင့် လိုက်လျောညီထွေမှု မရှိတော့သဖြင့် အခြေခံနှစ် ပြောင်းလဲတွက်ချက်ရန် လိုအပ်လျက် ရှိသည်။

စီမံကိန်းနှင့် ဘဏ္ဍာရေးဝန်ကြီးဌာန၊ ဗဟိုစာရင်းအင်းအဖွဲ့သည် ကမ္ဘာ့ဘဏ်၊ ကုလသမဂ္ဂ ဖွံ့ဖြိုးမှု အစီအစဉ်တို့နှင့် ပူးပေါင်း၍ “ မြန်မာနေထိုင်မှုအခြေအနေစစ်တမ်း (၂၀၁၇) ကို ၂၀၁၇ ခုနှစ်တွင် ကောက်ယူခဲ့သည်။ 

အဆိုပါ စစ်တမ်းမှ ရရှိခဲ့သော လူအများစားသုံးသည့် ကုန်ပစ္စည်းနှင့် ဝန်ဆောင်မှုများကို အသုံးပြု၍ အိမ်ထောင်စုများ သုံးစွဲသည့် စားသုံးမှုစရိတ်တွင် အလေးပေး ရာခိုင်နှုန်းများကို တွက်ချက်ပြီး ၂၀၁၇ ခုနှစ် အခြေခံနှစ်အဖြစ် ပြောင်းလဲ တွက်ချက်နိုင်ရန် ၂၀၂၀ ပြည့်နှစ်ကတည်းက ဆောင်ရွက်ခဲ့သော်လည်း ကိုဗစ်-၁၉ ကပ်ရောဂါကြောင့် ရွှေ့ဆိုင်းခဲ့ရသည်။

လက်ရှိအချိန်တွင် မြန်မာနိုင်ငံ၏ စားသုံးသူဈေးဆနှုန်းကို ၂၀၁၇ ခုနှစ် အခြေခံနှစ် ပြောင်းလဲတွက်ချက်ရန် ဆောင်ရွက်လျက်ရှိရာ နည်းပညာပိုင်းအရ မှန်ကန်ခိုင်မာမှုရှိရေးနှင့် သတ်မှတ်ထားသည့် အချိန်ဇယားအတိုင်း .. ပြောင်းလဲတွက်ချက် ထုတ်ပြန်နိုင်ရေးအတွက် ဗဟိုစာရင်းအင်းအဖွဲ့မှ ဦးဆောင်ပြီး သက်ဆိုင်ရာဌာန၊ အဖွဲ့အစည်းများအားလုံးမှ ကိုယ်စားလှယ် များပါဝင်သော လုပ်ငန်းအဖွဲ့ ဖွဲ့စည်း၍ ဆောင်ရွက်လျက် ရှိသည်။

စားသုံးသူဈေးဆနှုန်း တွက်ချက်သည့် အခြေခံနှစ်ကို လက်ရှိ ၂၀၁၂ ခုနှစ်မှ ၂၀၁၇ ခုနှစ်သို့ ပြောင်းလဲတွက်ချက် ထုတ်ပြန်ရာတွင် သက်ဆိုင်ရာဌာန၊ အဖွဲ့အစည်းများနှင့် အိမ်ထောင်စုများ အားလုံးက အဖက်ဖက်မှ ပူးပေါင်း ဆောင်ရွက်ခြင်းဖြင့် လူတို့၏ ပြောင်းလဲနေသည့် စားသုံးမှု ပုံစံနှင့် ကိုက်ညီမှုရှိပြီး၊ လက်ရှိအခြေအနေကို ပိုမို ထင်ဟပ်လွှမ်းခြုံ၍ ခိုင်မာအားကောင်းသည့် အညွှန်းကိန်းများကို ရရှိစေမည် ဖြစ်သည်။

Ref : MOFP

ျမန္မာနုိင္ငံကုန္သည္စက္မႈအသင္းခ်ဳပ္ ( UMFCCI ) မွ ၂၀၁၉ မွာ ျပည့္ေျမာက္မယ့္ ႏွစ္ ( ၁၀၀ ) ျပည့္ အထိမ္းအမွတ္အျဖစ္ “UMFCCI Centennial International Expo 2019” ကို စက္တင္ဘာလ ( ၂၀ ) ရက္မွ ( ၂၂ ) ရက္ေန႕အထိ Fortune Plaza (Myanmar Expo) မွာ က်င္းပျပဳလုပ္သြားမွာျဖစ္ပါတယ္။

ကုန္စည္ေတြမွာ ျမန္မာဘာသာ၊ ဒါမွမဟုတ္ ျမန္မာနဲ႔ အျခားဘာသာတြဲၿပီး ေဖာ္ျပရမယ္ဆုိတဲ့ ထုတ္ျပန္ခ်က္ အရ လက္လီေရာင္းခ်သူ

မူဆယ္နယ္စပ္ကုန္သြယ္ေရးစခန္း၌ ယခုရက္ပိုင္းအတြင္း  ကုန္ပစၥည္း ၁၂ မ်ဳိးမွာ အေရာင္းအဝယ္ မရွိဘဲ ရပ္တန္႔ေနေၾကာင္း ျမန္မာႏိုင္ငံ 

အထူးကုန္စည္ခြန္အျဖစ္ သတ္မွတ္ထားသည့္ အရက္ ၊ စီးကရက္ ၊ ဝိုင္အမ်ိဳးမ်ိဳးအား အခြန္တံဆိပ္ ကပ္ႏွိပ္ျခင္းမရွိဘဲ ေရာင္းခ်မႈမ်ားကို စိစစ္ေတြ႕ရွိပါက အထူးကုန္စည္ခြန္ဥပေဒႏွင့္အညီ ျပည္သူ႔ဘ႑ာအျဖစ္ သိမ္းဆည္းခံရမည့္အျပင္

 ေဒၚလာေစ်းျမင့္တက္ လာျခင္းေၾကာင့္ အေျခခံလူသံုး ကုန္ပစၥည္းမ်ား၊ အီလက္ထရြန္ နစ္၊

ရန္ကုန္-မူဆယ္ ကုန္ စည္ပို႔ေဆာင္ခ ျမင့္တက္လာျခင္း ေၾကာင့္ တ႐ုတ္ႏုိင္ငံသို႔ ဆန္တင္ ပို႔မႈ ေလ်ာ့နည္းလာေၾကာင္း ဘုရင့္ေနာင္