Thiland
ထိုင်းပီလောပီနံ ပြည်ပတင်ပို့မှု လျော့ကျ
ထိုင်းပီလောပီနံ ပြည်ပတင်ပို့မှု လျော့ကျ
TO GET INSTANT UPDATE
Join Telegram Channel
https://t.me/Guid4U
ထိုင်းနိုင်ငံ၏ လတ်ဆတ်သော ပီလောပီနံဥ ထွက်ရှိမှုသည် ယခုနှစ်တွင် တန်ချိန် ၃၆ သန်းခန့်ရှိမည်ဟု ခန့်မှန်းထားသည်။
.
ထိုင်းနိုင်ငံ၏ ပီလောပီနံနှင့် ပီလောပီနံထွက်ကုန်များ တင်ပို့မှုမှာ ယမန်နှစ်တွင် တန်ချိန် ၁၁ သန်း ရှိခဲ့ပြီး ယခုနှစ်အတွင်း တန်ချိန် ၉ သန်းခန့်ရှိမည်ဟု ခန့်မှန်းထားသည်။
မိုးခေါင်ရေရှားမှုကြောင့် အထွက်နှုန်း လျော့ကျခဲ့သဖြင့် ပြည်ပတင်ပို့မှု လျော့ကျမည် ဖြစ်သည်။
.
နိုင်ငံခြားကုန်သွယ်မှုဌာနမှ ညွှန်ကြားရေးမှူးချုပ် Ronnarong Phoolpipat က ထိုင်းပီလောပီနံနှင့် ပီလောပီနံထွက်ကုန်များ ဝယ်လိုအား မြင့်မားနေကြောင်း ပြောကြားခဲ့သည်။
.
ဝယ်ယူသူများသည် ရရှိနိုင်သမျှ ပမာဏအားလုံးကို ဝယ်ယူရန် ဆန္ဒရှိသော်လည်း ယခုနှစ်တွင် ထိုင်းနိုင်ငံ၏ ထုတ်လုပ်မှုသည် မိုးခေါင်ရေရှားမှု အခြေအနေကြောင့် အထွက်နှုန်း ထိခိုက်ခဲ့ကြောင်း ၎င်းက ဆိုသည်။
အချို့တောင်သူလယ်သမားများသည် ပီလောပီနံ အစား ကြံ ပြောင်းလဲစိုက်ပျိုးခြင်းကြောင့်လည်း ပီလောပီနံ အထွက်လျော့ကျသည်။
.
လတ်လတ်ဆတ်ဆတ်ပီလောပီနံ ပေါက်ဈေးသည် တစ်ကီလိုလျှင် ၃ ဒသမ ၁၀ မှ ၃ ဒသမ ၅၅ ဘတ်အထိ ရှိသည်။ အစိုးရမှ အာမခံချက် ပေးထားသည့် ဈေးနှုန်း ၂ ဒသမ ၅၀ ထက် ဈေးပိုမြင့်သည်။
ယခုနှစ် ပထမငါးလအတွင်း ထိုင်းနိုင်ငံသည် ပီလောပီနံနှင့် ပီလောပီနံထွက်ကုန် တန်ချိန် ၄ ဒသမ ၇၃ သန်း တင်ပို့ခဲ့ပြီး တန်ဖိုးအားဖြင့် ကန်ဒေါ်လာ ၁ ဒသမ ၇ ဘီလီယံ ရှိသည်။
ပီလောပီနံ အပြားခြောက် Free-on-board (FOB) စျေးနှုန်းသည် တစ်တန်လျှင် ကန်ဒေါ်လာ ၂၆၅ ရှိသည်။ ယမန်နှစ်ကထက် ၇% ဈေးကျသည်။ တရုတ်နိုင်ငံက အရက်ချက်ရန် ကုန်ကြမ်းအဖြစ် ဝယ်ယုမှု လျော့နည်းသွားသဖြင့် ဈေးကျခြင်း ဖြစ်သည်။
.
ပီလောပီနံမှုန့် FOB စျေးနှုန်းမှာ တစ်တန်လျှင် ကန်ဒေါ်လာ ၅၇၀ ဖြစ်သည်။ ယမန်နှစ်ကထက် ၅% ပိုများသည်။
.
ပီလောပီနံထွက်ကုန်များအတွက်တရုတ်နိုင်ငံသည် ထိုင်းနိုင်ငံ၏ ထိပ်တန်းပို့ကုန်ဈေးကွက်အဖြစ် ဆက်လက်တည်ရှိနေပြီး တင်ပို့မှုစုစုပေါင်း၏ ၆၅ ရာခိုင်နှုန်းကို တရုတ်ပြည်သို့ တင်ပို့သည်။
ဂျပန်သို့ ၇% ၊ အင်ဒိုနီးရှားသို့ ၅%၊ တောင်ကိုရီးယားသို့ ၃% ၊ အခြားနိုင်ငံများသို့ ၂၀% တင်ပို့သည်။
Source bangkokpost
TO GET INSTANT UPDATE
Join Telegram Channel
https://t.me/Guid4U