Food & Livestock

မြန်မာနိုင်ငံ ပြောင်းလုပ်ငန်းအသင်း (MCIA) နှင့် ထိုင်းနိုင်ငံ၊ တရုတ်နိုင်ငံ၊ ဗီယက်နမ်နိုင်ငံတို့မှ ကုမ္ပဏီများနှင့် ပြောင်းဝယ်ယူ ရောင်းချခြင်းဆိုင်ရာ နားလည်မှုစာချွန်လွှာ (MoU) ကို လက်မှတ်ရေးထိုးခဲ့ပြီး ဖြစ်ကြောင်း ပြည်တွင်းကုန်သွယ်မှုဌာနခွဲမှ သိရသည်။

 

အဆိုပါ လက်မှတ်ရေးထိုးခြင်း အခမ်းအနားကို ပြီးခဲ့သည့် ဒီဇင်ဘာလ (၁၂) ရက်၊ အင်္ဂါနေ့က နေပြည်တော်ရှိ စီးပွားရေးနှင့် ကူးသန်းရောင်းဝယ်ရေး ဝန်ကြီးဌာန၊ မြန်မာကုန်သွယ်မှု မြှင့်တင်ရေးအဖွဲ့၊ အစည်းအဝေးခန်းမ၌ ကျင်းပ ပြုလုပ်ခဲ့ခြင်း ဖြစ်သည်။

 

မြန်မာကုန်သွယ်မှု မြှင့်တင်ရေးအဖွဲ့၊ ညွှန်ကြားရေးမှူးချုပ်က မြန်မာနိုင်ငံသည် စိုက်ပျိုးရေးကို အခြေခံသည့် နိုင်ငံဖြစ်ပြီး ကုန်သွယ်မှု မြှင့်တင်ရေးအတွက် ယခုကဲ့သို့ ပုဂ္ဂလိကလုပ်ငန်းအချင်းချင်း B to B စနစ်ဖြင့် တရုတ်၊ ထိုင်း၊ ဗီယက်နမ်နိုင်ငံများသို့ မြန်မာ့ပြောင်း တင်ပို့နိုင်ရန်  မြန်မာနိုင်ငံ ပြောင်းလုပ်ငန်းအသင်းအနေဖြင့် ဦးဆောင် စုစည်း ဆောင်ရွက်နိုင်ခြင်းအတွက် ဝမ်းမြောက် ဂုဏ်ယူရကြောင်း ပြောသည်။ 

 

တရုတ်၊ ထိုင်း၊ ဗီယက်နမ်နိုင်ငံများအနေဖြင့် ပြောင်းဝယ်လိုအားများပြီး ယခုကဲ့သို့ ပူးပေါင်း ဆောင်ရွက်ခြင်းဖြင့် ဈေးကွက်တည်ငြိမ်မှုနှင့် ကုန်သွယ်မှုပမာဏ တိုးတက်လာမည် ဖြစ်ကာ အမှန်တကယ် အောင်မြင်ရေးအတွက် လုပ်ထုံးလုပ်နည်းများနှင့်အညီ စနစ်တကျ အကောင်အထည်ဖော်ကြရန်လည်း ပြောကြားခဲ့သည်။

 

Advertisement

Click Here > AM Trading

 

မြန်မာနိုင်ငံ ပြောင်းလုပ်ငန်းအသင်း ဥက္ကဋ္ဌ၏ ပြောဆိုချက်အရ မြန်မာနိုင်ငံတွင် ပြောင်းစိုက်ဧက (၂) သန်းကျော် ရှိပြီး တန်ချိန် (၃) သန်းကျော် ထွက်ရှိကာ ပြည်တွင်းသုံးစွဲမှုအနေဖြင့် တန်ချိန် (၁) သန်းခန့် ရှိပြီး နှစ်စဉ်ပြည်ပသို့ တန်ချိန် (၂) သန်းကျော် တင်ပို့လျက် ရှိကြောင်း သိရသည်။ 

 

တရုတ်၊ ထိုင်းနှင့် ဗီယက်နမ်နိုင်ငံများသို့ ယခုကဲ့သို့ ပြောင်းဝယ်ယူ ရောင်းချရေးဆိုင်ရာ နားလည်မှုစာချွန်လွှာ (MoU) လက်မှတ်ရေးထိုးနိုင်ခဲ့သည့်အတွက် နိုင်ငံတော်အတွက် နှစ်စဉ် အမေရိကန်ဒေါ်လာ သန်း (၆၀၀) ကျော် ဝင်ငွေရှာဖွေပေးနိုင်မည် ဖြစ်သည်ဟု ၎င်းက ဆိုသည်။ 

 

ထိုသို့ တင်ပို့နိုင်ခြင်းဖြင့် ပုံမှန်ဈေးကွက် ဖြစ်လာသကဲ့သို့ ပွင့်လင်းမြင်သာမှု ရှိပြီး လုပ်ငန်းရှင်များအတွက် နှစ်ဦးနှစ်ဘက် ကျေးဇူးရှိကြောင်း၊ နားလည်မှုစာချွန်လွှာကိုလည်း နှစ်ဘက် ကြိုတင် ပြင်ဆင်ကာ ဆောင်ရွက်သွားမည် ဖြစ်ကာ ရေရှည်တည်တံ့ ခိုင်မြဲအောင် လုပ်ဆောင်သွားမည် ဖြစ်ကြောင်း ပြောသည်။

 

အဆိုပါပွဲတွင် မြန်မာနိုင်ငံ ပြောင်းလုပ်ငန်းအသင်းများနှင့်  ပြည်ပကုမ္ပဏီ (၇) ခုတို့က ပြောင်းဝယ်ယူ ရောင်းချရန် နားလည်မှု စာချွန်လွှာများကို လက်မှတ်ရေးထိုးခဲ့ကြပြီး တက်ရောက်လာသူများက အထွေထွေ ဆွေးနွေးခြင်းများကို ဆောင်ရွက်ခဲ့ကြသည်။  

Published in Food & Livestock

လာမည့် ထောပတ်သီးရာသီတွင် မြန်မာနိုင်ငံမှ ထောပတ်သီးများကို ဝယ်ယူရန် ထိုင်းနိုင်ငံမှ ကမ်းလှမ်းထားသည့်အတွက် တင်ပို့သွားမည် ဖြစ်ပြီး

Published in Fruits & Vegetables

၂၀၂၃- ၂၀၂၄ ဘဏ္ဍာနှစ် ပြည်ပသို့ ဆန်တင်ပို့မှုသည် ပြီးခဲ့သည့်နှစ် ကာလတူနှင့် နှိုင်းယှဉ်ပါက တန်ချိန် (၅) သိန်းခန့် လျော့နည်းသွားပြီး ထိုသို့ တင်ပို့မှု လျော့နည်းရခြင်းသည် ပြည်တွင်းဆန်စျေး မြင့်တက်မှုကြောင့် ဖြစ်ကြောင်း မြန်မာနိုင်ငံဆန်စပါးအသင်းချုပ် ဥက္ကဋ္ဌ ဦးရဲမင်းအောင်က ပြောသည်။

 

ယခုဘဏ္ဍာနှစ် ဧပြီ၊ မေ၊ ဇွန်၊ ဇူလိုင်၊ သြဂုတ် (၅) လတာကာလအတွင်း  ပြည်ပသို့ ဆန်တင်ပို့မှုသည် (၄) သိန်းခန့်သာ ရှိခဲ့ပြီး မြန်မာနိုင်ငံမှ ဆန်ကို ဥရောပနိုင်ငံများက အဓိကထား ဝယ်ယူကာ တရုတ်၊ ဖိလစ်ပိုင်နှင့် ဒေသတွင်း နိုင်ငံများသို့လည်း တင်ပို့လျက် ရှိကြောင်း သိရသည်။ 

 

၂၀၂၃ ခုနှစ် စက်တင်ဘာလအတွင်း ပင်လယ်ရေကြောင်းကုန်သွယ်မှုမှ ပြည်ပသို့ စုစုပေါင်း ဆန်တန်ချိန် (၄၉,၂၆၀) ကျော် တင်ပို့ခဲ့ပြီး…  

  • အာရှနိုင်ငံများသို့ ဆန်တန်ချိန် (၃၃,၄၉၀) ကျော်
  • ဥရောပနိုင်ငံများသို့ ဆန်တန်ချိန် (၁၀,၁၉၀) ကျော်
  • အာဖရိက နိုင်ငံများသို့ ဆန်တန်ချိန် (၅,၅၇၀) ကျော် တင်ပို့ခဲ့ကြောင်း စီးပွားရေးနှင့် ကူးသန်းရောင်းဝယ်ရေး ဝန်ကြီးဌာနမှ ထုတ်ပြန်ထားသည်။ 


Advertisement

Click Here > T & D Power Tech

 

အာရှနိုင်ငံများအနက် အင်ဒိုနီးရှားနိုင်ငံသို့ ဆန်တန်ချိန် (၁၁,၇၇၀) ကျော်၊ မလေးရှားနိုင်ငံသို့ ဆန်တန်ချိန် (၁၁,၃၉၀)  ကျော်၊  ဖိလစ်ပိုင်နိုင်ငံသို့ ဆန်တန်ချိန် (၉,၅၆၀) ကျော်၊ စင်ကာပူနိုင်ငံသို့ ဆန်တန်ချိန် (၄၀၆) ကျော်၊ ဟောင်ကောင်သို့ ဆန်တန်ချိန် (၂၃၀) ကျော်နှင့် ထိုင်ဝမ်သို့ ဆန်တန်ချိန် (၁၀၀) ကျော် တင်ပို့ခဲ့သည်။

 

ပြည်တွင်း အဓိကစားသုံးဆန်များ ဖြစ်သည့် ရွှေဘိုပေါ်ဆန်း၊ ဧရာဝတီပေါ်ဆန်းနှင့် ပေါ်ဆန်းအုပ်စုများ၊ ဧရာမင်း၊ ဧရာပဒေသာ၊ အညာသား၊ ပခန်းစသော ပြည်တွင်းစားဆန် အမျိုးအစားများအား ပြည်တွင်းဈေးကွက် အတွက်သာ ဦးစားပေး ဖြန့်ဖြူး ရောင်းချလျက် ရှိကြောင်း မြန်မာနိုင်ငံဆန်စပါးအသင်းချုပ်ထံမှ သိရသည်။

 

ဧည့်မထအုပ်စုဆန်များ၊ ကရင်မ၊ ထွန်းပု၊ ငစိန် စသော ဆန်များ၊ ပေါင်းဆန်များကိုသာ အဓိက ပြည်ပတင်ပို့လျက် ရှိပြီး ဆန်ပြည်ပတင်ပို့မှုကို ရပ်နားထားခြင်းမရှိဘဲ ပြည်ပတင်ပို့ရန် ဆန်စုဆောင်းမှု ၁၀၀ ရာခိုင်နှုန်း (Cargo Readiness 100%) ရှိသည့် ကုမ္ပဏီများကို (Pre Shipment Inspection) စိစစ်ပြီး ပို့ကုန်လိုင်စင် ထုတ်ပေးခြင်းကို ဆက်လက် ဆောင်ရွက်ပေးလျက် ရှိသည်ဟု ဆိုသည်။

 

Published in Food & Livestock

ရုရှားနိုင်ငံက မြန်မာနိုင်ငံမှ ထွက်ရှိသည့် ကော်ဖီကို ဝယ်ယူပြီး ကုန်သွယ်မှု လုပ်ဆောင်မည် ဖြစ်ကြောင်း မြန်မာနိုင်ငံ ကော်ဖီအသင်းမှ သိရသည်။ 

Published in Fruits & Vegetables

၂၀၂၃- ၂၀၂၄ ဘဏ္ဍာနှစ်၊ ငါးလတာကာလအတွင်း ပြည်ပသို့ ဆန်တင်ပို့မှုသည် (၄) သိန်းခန့်သာ ရှိခဲ့ပြီး ပြီးခဲ့သည့် ဘဏ္ဍာနှစ်နှင့် နှိုင်းယှဉ်ပါက ဆန်တန်ချိန် (၅) သိန်းခန့် လျော့နည်းသွားကြောင်း မြန်မာနိုင်ငံ ဆန်စပါး အသင်းချုပ်ထံမှ သိရသည်။ 

 

“ ၂၀၂၃- ၂၀၂၄ ဘဏ္ဍာနှစ်မှာ ဧပြီ၊ မေ၊ ဇွန်၊ ဇူလိုင်၊ သြဂုတ် ငါးလ ပြီးသွားပြီ။ ဒီငါးလအတွင်းမှာ ပြည်ပတင်ပို့က တန်ချိန် လေးသိန်းနီးပါးလောက် ရှိတာပေါ့။ မနှစ်ကနဲ့ နှိုင်းယှဉ်ရင် တန်ချိန်ငါးသိန်းလောက် နည်းနေတယ်။” ဟု မြန်မာနိုင်ငံ ဆန်စပါးအသင်းချုပ်မှ တာဝန်ရှိသူတစ်ဦးက စံတော်ချိန်သို့ ပြောကြားချက်အရ သိရသည်။

 

ယခု စက်တင်ဘာအတွင်း ပြည်ပသို့ ဆန်တန်ချိန် တစ်သိန်းခန့် တင်ပို့ရန် စီစဉ်ထားပြီး နှစ်စဉ် ဆန်တန်ချိန် နှစ်သန်းနှင့် နှစ်သန်းကျော် တင်ပို့လျက် ရှိကာ ယခုဘဏ္ဍာနှစ်တွင်လည်း ဆန်တန်ချိန် နှစ်သန်းနှင့် နှစ်သန်းခွဲထိ တင်းပို့မည်ဟု ခန့်မှန်းထားသည်ဟု ဆိုသည်။

 

Green Leaf

     Advertisement

Click Here > Green Leaf

 

ပြည်တွင်း အဓိကစားသုံးဆန်များ ဖြစ်သည့် ရွှေဘိုပေါ်ဆန်း၊ ဧရာဝတီပေါ်ဆန်းနှင့် ပေါ်ဆန်းအုပ်စုများ၊ ဧရာမင်း၊ ဧရာပဒေသာ၊ အညာသား၊ ပခန်းစသော ပြည်တွင်းစားဆန် အမျိုးအစားများအား ပြည်တွင်းဈေးကွက် အတွက်သာ ဦးစားပေး ဖြန့်ဖြူး ရောင်းချလျက် ရှိကြောင်း မြန်မာနိုင်ငံဆန်စပါးအသင်းချုပ်ထံမှ သိရသည်။

 

ဧည့်မထအုပ်စုဆန်များ၊ ကရင်မ၊ ထွန်းပု၊ ငစိန် စသော ဆန်များ၊ ပေါင်းဆန်များကိုသာ အဓိက ပြည်ပတင်ပို့လျက် ရှိပြီး ဆန်ပြည်ပတင်ပို့မှုကို ရပ်နားထားခြင်းမရှိဘဲ ပြည်ပတင်ပို့ရန် ဆန်စုဆောင်းမှု ၁၀၀ ရာခိုင်နှုန်း (Cargo Readiness 100%) ရှိသည့် ကုမ္ပဏီများကို (Pre Shipment Inspection) စိစစ်ပြီး ပို့ကုန်လိုင်စင် ထုတ်ပေးခြင်းကို ဆက်လက် ဆောင်ရွက်ပေးလျက် ရှိသည်ဟု ဆိုသည်။

 

မြန်မာနိုင်ငံမှ ဆန်တင်ပို့မှု အများဆုံးနိုင်ငံများမှာ ဥရောပနိုင်ငံများ ဖြစ်ပြီး တရုတ်နိုင်ငံအား ဒုတိယအများဆုံး တင်ပို့ကာ ဖိလစ်ပိုင်နှင့် ဒေသတွင်းနိုင်ငံများသို့လည်း တင်ပို့လျက် ရှိသည်။

 

Published in Food & Livestock

၂၀၂၃- ၂၀၂၄ ဘဏ္ဍာနှစ် ဧပြီလမှ ဩဂုတ်လထိ (၅) လအတွင်း ပြည်ပသို့ ဆန်နှင့် ဆန်ကွဲ တန်ပေါင်း (၄) သိန်းနီးပါး တင်ပို့နိုင်ခဲ့ပြီး ထိုသို့ တင်ပို့မှုမှ အမေရိကန်ဒေါ်လာ (၁၆၆) သန်း နိုင်ငံခြားဝင်ငွေ ရရှိခဲ့ကြောင်း မြန်မာနိုင်ငံ ဆန်စပါးအသင်းချုပ်၏ သတင်းများအရ သိရသည်။

Published in Food & Livestock

မြန်မာနိုင်ငံမှ ကြက်သွန်နီတန်ချိန် (၂၀၀) ကို ဝယ်ယူ တင်သွင်းရန်အတွက် ခွင့်ပြုပေးလိုက်ကြောင်း ဘင်္ဂလားဒေ့ရှ်နိုင်ငံ စိုက်ပျိုးရေးဝန်ကြီးဌာနမှ သိရသည်။ အစိုးရက တင်သွင်းခွင့်ပြုသည့် ကြက်သွန်နီ တန်ချိန် (၂၁,၅၈၀) အနက် မြန်မာနိုင်ငံက ခွဲတမ်းအဖြစ် တန်ချိန် (၂၀၀) တင်ပို့ခွင့် ရရှိခဲ့ခြင်း ဖြစ်သည်။

အိန္ဒိယနိုင်ငံဘက်မှ ကြက်သွန်နီ တင်ပို့မှုအပေါ် အခွန် (၄၀) ရာခိုင်နှုန်းအထိ တိုးမြှင့်ကောက်ခံမှုကြောင့် ပြည်တွင်းဈေးကွက်အတွင်း ကြက်သွန်နီဈေးနှုန်းများ မြင့်တက်လာခဲ့ပြီးနောက် ယခုကဲ့သို့ မြန်မာအပါအဝင် နိုင်ငံ (၉) နိုင်ငံမှ တင်သွင်းမည့် ဆုံးဖြတ်ချက် ထွက်ပေါ်ခဲ့သည်ဟု ဆိုသည်။ 

မြန်မာနိုင်ငံအနေဖြင့်လည်း ယခုဘဏ္ဍာနှစ်အတွင်း ပြည်ပနိုင်ငံများထံသို့ ကြက်သွန်နီတန်ချိန် (၁) သိန်းကျော်အထိ တိုးမြှင့် တင်ပို့နိုင်ရန် ရည်မှန်းထားသည်ဟု သိရှိရသည်။

 

Advertisement

Click Here > Winpex Blind

ဘုရင့်နောင်ကုန်စည်ဒိုင်အတွင်း ကြက်သွန်နီဈေး တစ်ပိဿာလျှင် အမြင့်ဆုံး ကျပ် (၃,၅၀၀) အထိ ဈေးရနေပြီး ဇူလိုင်လဆန်း ဈေးနှုန်းထက် တစ်ပိဿာ ကျပ် (၁,၃၀၀) ကျော်အထိ မြင့်တက်လာခဲ့ခြင်း ဖြစ်သည်။

စီးပွားရေး‌နှင့် ကူးသန်းရောင်းဝယ်ရေး ဝန်ကြီးဌာန၏ စာရင်းများအရ ၂၀၂၂ ခုနှစ် ဧပြီလမှ ၂၀၂၃ ခုနှစ် ဖေဖော်ဝါရီလအထိ ပြည်ပဈေးကွက်သို့ ကြက်သွန်နီ တန်ချိန် (၉၄,၀၀၀) ခန့် တင်ပို့နိုင်ခဲ့ပြီး ၎င်းမှ အမေရိကန်ဒေါ်လာ (၄၁) သန်းကျော်ထိ ရရှိထားကြောင်း သိရသည်။

မြန်မာ့ကြက်သွန်နီကို အဓိက ဝယ်ယူနေသည့် ဖောက်သည်နိုင်ငံများထဲတွင် ထိုင်း၊ ဗီယက်နမ်၊ ဘင်္ဂလားဒေ့ရှ်၊ မလေးရှား၊ စင်ကာပူနှင့် အမေရိကန်နိုင်ငံများ ပါဝင်နေပြီး မြန်မာနိုင်ငံတစ်ဝှမ်း ကြက်သွန်စိုက်ဧက (၁၇၀,၀၀၀) ကျော်ရှိကာ ထုတ်လုပ်မှုတန်ချိန် (၁) သန်းခန့် ရှိသည်။

 

Source : Hwet Toe

 

Published in Fruits & Vegetables

ပြီးခဲ့သည့် မေလ (၁) ရက်မှ (၃၁) ရက်ထိ တစ်လတာ ကာလအတွင်း ပြည်ပနိုင်ငံများသို့ ပဲတီစိမ်း၊ မတ်ပဲနှင့် ပဲစင်းငုံ တန်ချိန် စုစုပေါင်း ၁၄၈,၂၂၀ ကျော် တင်ပို့ခဲ့ပြီး ပို့ကုန်ဝင်ငွေ အမေရိကန်ဒေါ်လာ သန်း (၁၁၀) ကျော် ရရှိခဲ့ကြောင်း သိရသည်။

 

မေလအတွင်း ပဲတီစိမ်းတင်ပို့မှုမှ တန်ချိန်စုစုပေါင်း ၇၇,၀ဝ၀ ကျော်နှင့် အမေရိကန်ဒေါ်လာ ၃.၈၈၅ သန်း၊ မတ်ပဲတင်ပို့မှုမှ တန်ချိန် ၅၂,၀ဝ၀ နီးပါးနှင့် အမေရိကန်ဒေါ်လာ ၄၄.ဝ၂၉ သန်း၊ ပဲစင်းငုံ တင်ပို့မှုမှ တန်ချိန် ၁၈,၅၀ဝ ခန့်နှင့် အမေရိကန်ဒေါ်လာ ၁၅.၆၆၀ သန်း ရရှိခဲ့ခြင်း ဖြစ်သည်။

 

ပင်လယ်ရေကြောင်း  ကုန်သွယ်မှုမှ ပဲတီစိမ်းတင်ပို့မှုမှာ မေလအတွင်း တန်ချိန် ၇၀,၇၀ဝ ကျော်နှင့် တန်ဖိုး အမေရိကန် ဒေါ်လာ ၄၆.၃၀ဝ သန်း ရရှိခဲ့သည်။ ပဲတီစိမ်းကို ရေကြောင်းမှ…

  • တရုတ်နိုင်ငံသို့  တန်ချိန် ၄၅,၄၈၀ ကျော် 
  • စင်ကာပူနိုင်ငံသို့ တန်ချိန် ၁၅,၅၂၀ ကျော်
  • ဗီယက်နမ်နိုင်ငံသို့ တန်ချိန် ၂,၂၅၀
  • ဂျပန်နိုင်ငံသို့ တန်ချိန် ၁,၆၇၀ ကျော်
  • ဉရောပနိုင်ငံများသို့ တန်ချိန် ၁,၄၇၀ ကျော်
  • ထိုင်းနိုင်ငံသို့ ၁,၃၆၀ တန်
  • ဖိလစ်ပိုင်နိုင်ငံသို့ ၁,၀၅၀ တန် 
  • မလေးရှားနိုင်ငံသို့ တန်ချိန် ၇၉၀ ကျော် တင်ပို့ခဲ့ပြီး ထိုင်ဝမ်သို့လည်း အနည်းငယ် တင်ပို့နိုင်ခဲ့သည်။

 

Advertisement

Click Here > Shwe Byain Phyu

 

ထို့ပြင် မြန်မာ-တရုတ်   နယ်စပ်ကုန်သွယ်မှုမှလည်း အမေရိကန်ဒေါ်လာ ၃.၈၈၅ သန်း တန်ဖိုးရှိ ပဲတီစိမ်း ၆,၄၃၅ တန်ကို တင်ပို့ခဲ့ရာ မေလအတွင်း  ပဲတီစိမ်း ကုန်သွယ်မှု တန်ချိန်စုစုပေါင်း ၇၇,၀ဝ၀ ကျော် ရှိခဲ့သည်။

 

မတ်ပဲတင်ပို့မှုမှာ မေလအတွင်း ပင်လယ်ရေကြောင်း ကုန်သွယ်မှု တန်ချိန် ၅၂,၀ဝ၀ နီးပါးရှိခဲ့ပြီး   နိုင်ငံအလိုက် တင်ပို့မှုများအနေဖြင့်…

  • အိန္ဒိယနိုင်ငံသို့ တန်ချိန် ၄၀,ဝ၇၀ ကျော်
  • စင်ကာပူနိုင်ငံသို့ တန်ချိန် ၃,၁၉၀ နီးပါး
  • ပါကစ္စတန်သို့ တန်ချိန် ၂,၇၀ဝ ကျော်
  • မလေးရှားသို့ ၁,၉၅၅ တန် 
  • အင်ဒိုနီးရှားသို့ တန်ချိန် ၂၅၀၊ ထိုင်း၊ ဖိလစ်ပိုင်၊ ဂျပန်နှင့် ဉရောပနိုင်ငံများသို့လည်း အနည်းငယ် တင်ပို့ခဲ့ပြီး မေလအတွင်း မတ်ပဲတင်ပို့မှုမှ အမေရိကန်ဒေါ်လာ ၄၄.ဝ၂၉ သန်း ဝင်ငွေ ရရှိခဲ့သည်။

 

မေလအတွင်း မြန်မာ-ထိုင်းနယ်စပ်မှ မတ်ပဲ ၅၇၆ တန် နှင့် မြန်မာ- ဘင်္ဂလားဒေ့ရှ်နယ်စပ်မှ ၁၃ တန် တင်ပို့ခဲ့သည်။ ရေကြောင်းနှင့်  နယ်စပ်မှ မတ်ပဲတန်ချိန် စုစုပေါင်း ၅၂,၅၈၀ ကျော် တင်ပို့ခဲ့ပြီး အမေရိကန်ဒေါ်လာ ၄၄.၆၄၅ သန်း ရရှိခဲ့သည်။

 

ပဲစင်းငုံ တင်ပို့မှုမှာ ပင်လယ်ရေကြောင်း ကုန်သွယ်မှုမှ…

  • အိန္ဒိယနိုင်ငံသို့ တန်ချိန် ၁၇,၀၇၀ ကျော်
  • မလေးရှားနိုင်ငံသို့ ၁,၃၇၅ တန် တင်ပို့ခဲ့ပြီး  စင်ကာပူနှင့်    ဉရောပနိုင်ငံများသို့လည်း အနည်းငယ်စီ တင်ပို့ခဲ့သဖြင့်  စုစုပေါင်း ပဲစင်းငုံ တင်ပို့မှု တန်ချိန် ၁၈,၅၀ဝ ခန့်နှင့် အမေရိကန်ဒေါ်လာ ၁၅.၆၆၀ သန်း ရရှိခဲ့သည်။    

 

ထို့ကြောင့် မေလအတွင်း ပဲမျိုးစုံ တန်ချိန် စုစုပေါင်း ၁၄၈,၂၂၀ ကျော် တင်ပို့နိုင်ခဲ့ပြီး အမေရိကန်ဒေါ်လာ သန်း ၁၁၀ ကျော် ရရှိခဲ့ကြောင်း သိရသည်။

 

Source : MOC

Published in Food & Livestock

မြန်မာနိုင်ငံမှ တရုတ်နိုင်ငံသို့ စိုက်ပျိုးရေး စားသောက်ကုန်များ တင်ပို့နေသည့် ကုမ္ပဏီများထဲမှ ကုန်စည်အစောင်ရေ (၁,၈၅၄) စောင်ကို GACC မှတ်ပုံတင်ခွင့်ပြုမည် ဖြစ်ကြောင်း

Published in Fruits & Vegetables

လက်ရှိအခြေအနေတွင် မြန်မာ့ကော်ဖီကို အမေရိက၊ ဥရောပနှင့် အာရှဒေသတို့မှ နိုင်ငံပေါင်း (၁၄) နိုင်ငံသို့ တင်ပို့လျက် ရှိပြီး

Published in Fruits & Vegetables
Page 1 of 8