India
အာရှဆန်ဈေးကွက် တပတ်တာ ဈေးအတက်အကျများ
အာရှဆန်ဈေးကွက် တပတ်တာ ဈေးအတက်အကျများ
To Get Instant Update
https://t.me/Guid4U
JOIN THE CHANNEL
၂၀၂၄ ဇန် ၁၈
• အိန္ဒိယပေါင်းဆန် ပြည်ပတင်ပို့သည့် ဈေးနှုန်းများ ယခုသီတင်းပတ်တွင် ဈေးခုန်တက်ခဲ့သည်။
ပြီးခဲ့သည့် ၄ လတာအတွင်း အမြင့်ဆုံး ဈေးနှုန်းသို့ ရောက်ရှိသည်။
• ထိုင်းဆန် ပြည်တွင်းဈေးကွက်ထဲ ဆန်အဝင်နည်းနေပြီး ပြည်ပဝယ်လိုအား အားကောင်းနေသဖြင့် ဈေးခိုင်နေသည်။
၅% ဆန်ကွဲပါ အန္ဒိယပေါင်းဆန် ခေါ်ဈေးသည် တတန်လျှင် ယခင်သီတင်းပတ်တွင် $510 ~ $517 ရှိခဲ့ပြီး ယခု သီတင်းပတ်တွင် $525 ~ $535 သို့ ခုန်တက်သည်။ ၂၀၂၃ စက်တင်ဘာလ နောက်ပိုင်း အမြင့်ဆုံး ဈေးနှုန်း ဖြစ်ပါသည်။
ပြည်ပ ဝယ်လိုအား လျော့နည်းနေသော်လည်း ပြည်တွင်းမှာ ဆန်မရသဖြင့် ကုန်သည်များက ဈေးတင်ထားကြသည်။ အိန္ဒိယအစိုးရက အရန်ဆန် သိုလှောင်ရန် စပါးများ ဝယ်သိမ်းနေသဖြင့် ဈေးကွက်ထဲ ဆန်အဝင်နည်းနေသည်။
၅% ဆန်ကွဲပါ ထိုင်းဆန် ခေါ်ဈေး တတန်လျှင် ယခင် သီတင်းပတ်တွင် $648-$650 ရှိခဲ့ပြီး ယခု သီတင်းပတ်တွင် ကြာသပတေးနေ့ (ဇန်နဝါရီ ၁၈) က $665 သို့ ခုန်တက်သည်။
အင်ဒိုနီးရှားနှင့် အာဖရိကမှ နိုင်ငံအချို့တို့ထံမှ အဝယ်လိုက်နေသဖြင့် ထိုင်းဆန် ဈေးမြင့်တက်သည်။
ထိုင်းဆန်ဈေးကွက်ထဲ ဆန်သစ်များ နောက်လ ဖေဖော်ဝါရီကျမှ စတင်စီးဝင်လာမည် ဖြစ်ပြီး ယခုလောလောဆယ် ဆန်အဝင်နည်းနေခြင်းကြောင့်လည်း ထိုင်းဆန် ဈေးတက်သည်။
၅% ဆန်ကွဲပါ ဗီယက်နမ်ဆန် ဈေးတည်ငြိမ်နေသည်။ ယခင်အပတ် ခေါ်ဈေး အတိုင်း ယခင်အပတ်တွင် မပြောင်းမလဲဘဲ တတန်လျှင် $653 မှာ ဆက်ရှိနေသည်။
ဗီယက်နမ်ဆန် ဈေးတည်ငြိမ်နေပြီး အတက်အကျ မရှိသည်မှာ ၃ ပတ် ရှိပြီ ဖြစ်သည်။
ဝယ်လက်များသည် ဆောင်းနွေဦး စပါးအသစ်ပေါ်ချိန် ဈေးကျရိပ်ရှိဘာမည့် အချိန်ကို စောင့်နေကြသဖြင့် အဝယ်အေးနေသည်။
၂၀၂၄ တွင်လည်း ၂၀၂၃ နည်းတူ ဆန်တန်ချိန် ၈ သန်း တင်ပို့နိုင်လိမ့်မည်ဟု မျှော်မှန်းထားသည်။
ဘင်္ဂလားဒေ့ရှ်တွင် ဆန်ဈေး တက်သည်။ စပါးအထွက်ကောင်းသည်။ ဆန်လက်ကျန်များလည်း ရှိသည်။ အရန်ဆန်လည်း ရှိသည်။ သို့ပါလျက် ဆန်ဈေး တက်သည်မှာ ဆန်လှောင်ပြီး ဈေးဆွဲတင်ခြင်းကြောင့်ဟု အစိုးရက အပြစ်တင်သည်။
မသမာသော စီးပွားရေးလုပ်ငန်းများက အမြတ်အစွန်း များများရရန် ဆန်လှောင်ထားကြသည်ဟု အစိုးရက ပြောကြားသည်။
ဘင်္ဂလားဒေ့ရှ်နိုင်ငံ၏စားနပ်ရိက္ခာဝန်ကြီး Sadhan Chandra Majumder က ဆန်စက်များနှင့် ကုန်သည်များအား စျေးနှုန်းများ ကျဆင်းအောင် ဆောင်ရွက်ရန် သတိပေးထားသည်။ ဆန်ဈေး မကျပါက ဆန်သိုလှောင်မှုများကို ပြင်းပြင်းထန်ထန်အရေးယူမည်ဖြစ်ကြောင်း ပြောကြားခဲ့သည်။
Source Reuters
To Get Instant Update
https://t.me/Guid4U
JOIN THE CHANNEL