Myanmar

“ဝ”ကိုယ်ပိုင်အုပ်ချုပ်ခွင့်ရတိုင်း၊ ဟိုပန်မြို့နယ်တွင် ဩဂုတ်လ(၁၉)ရက်နေ့တွင် နမ့်တိန်ချောင်း နှင့်ထိစပ်လျက်ရှိသည့် မန်မိုင် ရပ်ကွက်၊ မန်ကောင်း ရပ်ကွက်၊ နမ့်လျှံရပ်ကွက်၊ မော်ဟွေ့ကျေးရွာ၊ ဟင်းနားကျေးရွာ၊ နောင်ဟေ့ကျေးရွာ၊ စံပြ ကျေးရွာများရှိ စိုက်ပျိုးသီးနှံများ ရေကြီးနစ်မြုပ်မှု များဖြစ်ပွားခဲ့ပါတယ်။

မန္တလေးတိုင်းဒေသကြီး၊ ကျောက်ဆည်မြိုနယ်တွင် မိုးစပါးဧက (၅၂၈၁၆)ဧက စိုက်ပျိုးသွားမည်ဖြစ်ပြီး ဧကပေါင်း (၄၀၉၀၇) ဧက ပျိုးထောင်စိုက်ပျိုးပြီးပြီ ဖြစ်ကြောင်းလည်း မြို့နယ်စိုက်ပျိုးရေးဦးစီးဌာနမှ သိရှိရပါတယ်။

ကရင်ပြည်နယ်၊ သံတောင်ကြီးမြို့နယ်အတွင်းရှိ ဒေသခံတောင်သူများအား စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန၊ စိုက်ပျိုးရေးဦးစီးဌာနမှ ကိုဗစ်-၁၉ ကုစားမှုအစီအစဉ်အရ ကော်ဖီပျိုးပင်များ၊ မှိုစိုက် ထုပ်များ၊ Home Gardening အတွက် ဟင်းသီးဟင်းရွက်မျိုးစေ့များ၊ ကော်ဖီသီးမှည့်ခွံချွတ်စက်၊ ကော်ဖီသီးလှန်းစင်များ၊ ကော်ဖီကိုင်းဖြတ်လွှ၊ ကော်ဖီကိုင်းဖြတ်ဓါး၊ သီးနှံပိုးမွှားကာကွယ်ရန် တမာပိုး သတ်ဆေးများနှင့် သဘာဝမြေသြဇာများ ပေးအပ်ပွဲအခမ်းအနားကို ၂၀၂၀ခုနှစ် ဩဂုတ်လ ၂၁ရက်နေ့ နံနက်(၁၀) နာရီအချိန်က ဇိုင်းယာန်း ကရင်နှစ်ခြင်းခရစ်ယာန်ဘုရားကျောင်းခန်းမ၌ ကျင်းပပြုလုပ်ခဲ့တယ်လို့ သိရပါတယ်။

သြဂုတ်လ၁၃ရက်နေ့တုန်းက မြန်မာနိုင်ငံဆိုင်ရာ တရုတ်သံရုံးက မြန်မာနိုင်ငံ နိုင်ငံခြားရေးဝန်ကြီးဌာန၊ စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန ကိုယ်စားလှယ်များနှင့်အတူလန်ချန်း-မဲခေါင်ပူးပေါင်းဆောင်ရွက်မှု အထူးရန်ပုံငွေ(၂၀၁၈)ဖြင့် ဆောင်ရွက်လျက်ရှိသည့်အငယ်စား၊အလတ်စားမိရိုးဖလာနည်းဖြင့် ပြုပြင်ထုတ်လုပ်လျက်ရှိသော ရေထွက်ပစ္စည်းများအား ဘေးအန္တရာယ်ကင်းရှင်းစွာထုတ်လုပ်နိုင်ရန်အတွက် နိုင်ငံတကာ လိုအပ်ချက်များနှင့်အညီလိုက်နာဆောင်ရွက်နိုင်ရေးတိုးတက်မှု အပြင် စီမံကိန်းဆိုင်ရာတိုးတက်မှုအခြေအနေများကို ပူးတွဲလေ့လာစစ်ဆေးခဲ့တယ်လို့ သိရပါတယ်။

ဧရာဝတီတိုင်းဒေသကြီး ၊ ဖျာပုံခရိုင် ၊ ကျိုက်လတ်မြို့နယ်တွင် စိုက်ပျိုးရေးဦးစီးဌာန မှ CERP (ကိုဗစ်-၁၉ စီးပွားရေး ကုစားမှု အစီအစဉ်) အရ မိုးစပါးမျိုးစေ့ထုတ် စိုက်ပျိုးသည့် တောင်သူများအား ထောက်ပံ့ငွေပေးအပ်ပွဲ အခမ်းအနားကို မြို့နယ်အထွေထွေ အုပ်ချုပ်ရေးဦးစီးဌာန၊ ရွှေဝါလတ်ခန်းမ၌ ဩဂုတ်လ ၂၀ရက်နေ့ နံနက်(၉) နာရီမှာ ကျင်းပခဲ့တယ်လို့ သိရပါတယ်။