Myanmar

ဧရာဝတီတိုင်းဒေသကြီ၊ ဟင်္သာတခရိုင်၊ လေးမျက်နှာမြို့နယ်တွင် ကိုဗစ်-၁၉ ရောဂါ စီးပွားရေး ကုစားမှုအစီအစဉ်(CERP)အရ မိုးစပါး RS to CS မျိုးစေ့ထုတ် တောင်သူများအား ထောက်ပံ့ငွေပေးအပ်ပွဲ အခမ်းအနားကို ၂၀၂၀ခုနှစ် ဩဂုတ်လ ၂၆ရက်နေ့ နံနက်(၁၁)နာရီအချိန်တွင် မြို့နယ်အထွေထွေ အုပ်ချုပ်ရေးဦးစီးဌာန အစည်းအဝေးခန်းမမှာ ကျင်းပခဲ့ပါသည်။

စစ်ကိုင်းတိုင်းဒေသကြီး၊ ရွှေဘိုခရိုင်၊ ဝက်လက်မြို့နယ်တွင် မျိုးစပါး၊ မျိုးစေ့ထုတ်ဧက(၁၅၀၀)ကို (CERP)အရ စိုက်ပျိုး လျက်ရှိပါသည်။

ရှမ်းပြည်နယ်(မြောက်ပိုင်း)၊ မူဆယ်မြို့၊ မြို့နယ်စိုက်ပျိုးရေးဦးစီးဌာနမှ ကိုဗစ်-၁၉ ရောဂါ စီးပွားရေးထိခိုက်မှု ကုစားမှုအစီအစဉ် (CERP) အရ မျိုးစေ့ထုတ်တောင်သူစုစုပေါင်း (၂၁)ဦးအား စိုက်ဧက(၅၀)စာအတွက် မျိုးစေ့ဖိုးနှင့် စိုက်စရိတ် ထောက်ပံ့ငွေစုစုပေါင်း (၄၁)သိန်းကျော်အား ထောက်ပံ့ပေးအပ်ခြင်း အခမ်းအနားကို ၂၀၂၀ခုနှစ် ဩဂုတ်လ ၂၅ရက်နေ့ နံနက် (၁၀) နာရီအချိန် က မူဆယ်မြို့၊ မြို့နယ်အထွေထွေအုပ်ချုပ်ရေးဦးစီးဌာန (ရုံးဟောင်း)၊ အစည်းအဝေးခန်းမတွင် ထောက်ပံ့ပေးအပ်ခဲ့ကြောင်း သိရပါသည်။

စစ်ကိုင်းတိုင်းဒေသကြီး၊ မော်လိုက်ခရိုင်၊ ဖောင်းပြင်မြို့နယ်၊ စိုက်ပျိုးရေးဦးစီးဌာနက ကိုဗစ်-၁၉ ရောဂါ စီးပွားရေးကုစားမှု အစီအစဉ် CERP အရ မိုးစပါးမျိုး ပြတ်လပ်မှုမရှိစေရန်နှင့် တောင်သူများအနေဖြင့် မျိုးကောင်း၊ မျိုးသန့်စပါးမျိုးများ ပြောင်းလဲသုံးစွဲရာတွင် အဆင်ပြေစေရေးအတွက် မျိုးကောင်းမျိုးသန့် မိုးစ ပါး RS to CS အစေ့ထုတ်ကွက် ဧက(၃၀၀)ကို စိုက်ပျိုးသွား​မည်ဖြစ်ရာ ယခုအခါ ၂၀၄ ဧက စိုက်ပျိုးပြီးစီးနေပြီး ချင်းတွင်းမြစ် ရေကျဆင်းချိန်တွင် ၉၆ ဧက ကိုဆက်လက်စိုက်ပျိုးသွားမည်ဖြစ်ကြောင်း သိရပါသည်။

စစ်ကိုင်းတိုင်းဒေသကြီး၊ ဘုတလင်မြို့နယ် မြန်မာ့လယ်ယာဖွံ့ဖြိုးရေးဘဏ်ခွဲက ယခုနှစ် မိုးရာသီ စိုက်ပျိုး စရိတ်ချေးငွေ များကို တောင်သူများအား ထုတ်ချေးပေးလျက်ရှိရာ ကျပ်သိန်းပေါင်း ခြောက်သောင်းကျော် ထုတ်ချေးပေးပြီး ဖြစ်ကြောင်း မြို့နယ်မြန်မာ့လယ်ယာဖွံ့ဖြိုးရေးဘဏ်ခွဲမန်နေဂျာ ဦးစန်းညွန့်ထံမှ သိရပါတယ်။