Food & Livestock

To Get Instant Update
https://t.me/Guid4U
JOIN THE CHANNEL 

မကြာသေးမီက စ၍ ဆန်ဈေးများ မြင့်တက်လာနေသော်လည်း ပြည်ပဝယ်လိုအားကို ဆက်ထိန်းထားရန်အတွက် ဆန်တင်ပို့သည့် ကုန်သည်မျာားအား ချုပ်ဆိုထားပြီး ဖြစ်သော ပို့ကုန်စာချုပ်များကို လေးစားလိုက်နာရန် ဗီယက်နမ် ကုန်သွယ်ရေးဝန်ကြီးက တောင်းဆိုထားသည်။

ဩဂုတ်လ ၄ ရက်တွင် ၅% ဆန်ကွဲပါ ဗီယက်နမ်ဆန် တစ်တန် $590 - $600 သို့ ရောက်ရှိခဲ့သည်။ ၁၅ နှစ်တာအတွင်း အမြင့်ဆုံး ဈေးနှုန်းဖြစ်သည်။ 

လွန်ခဲ့သည့် တပတ်က $550 - $575 ရှိခဲ့ရာမှ ခုန်တက်သွားခဲ့ခြင်း ဖြစ်သည်။ 

ဇူလိုင်လ ၂၀ ရက်တွင် အိန္ဒိယက တင်ပို့မှု အများဆုံးဖြစ်သော ဆန်ဖြူကို တင်ပို့ခြင်း မပြုရန် ပိတ်ပင်ခဲ့ပြီးနောက် ပို့ကုန်ဆန် ဈေးနှုန်းများ တရိပ်ရိပ် မြင့်တက်နေသည်။

 ဗီယက်နမ်နှင့် ထိုင်းတို့မှ ဆန်ကုန်သည်များသည် ဩဂုတ်လတွင် တင်ပို့မည်ဆန် တန်ချိန် ၅ သိန်းဝန်းကျင်ကို ဝယ်လက်များနှင့် ဈေးညှိနှိုင်းခဲ့ကြသည်။ 

“ကျွန်တော်တို့ နိုင်ငံရဲ့ ဂုဏ်သိက္ခာကို ထိန်းသိမ်းကာကွယ်ဖို့အတွက် ချုပ်ဆိုထားတဲ့ စာချုပ်တွေကို လိုက်နာဖို့ လိုပါတယ်” ဟု ကုန်သွယ်ရေးဝန်ကြီး ငုယင်ဟောင်ဒင်က ပြောကြားသည်။

ပို့ကုန်ဆန် အရည်အသွေးကို အလေးထားရန်၊ ဈေးမြင့်နေချိန် ဆန်တင်ပို့မှု အလွန်အကျွံ မဖြစ်စေရန်၊ ပြည်တွင်း လိုအပ်ချက်နှင့် အရန်ဆန်သိုလှောင်မှု လိုအပ်ချက်များကို ဖူလုံအောင် ဂရုပြုရန် ဆန်တင်ပို့သူများအား Dien က ပြောကြားခဲ့သည်။

"ဆန်အမြောက်အမြား တင်ပို့နေတဲ့နိုင်ငံမှာ ဆန်ရှားတာ၊ ပြည်တွင်းဆန် ဈေးကြီးတာ လက်မခံနိုင်ဘူး" ဟု ၎င်းက ပြောကြားသည်။

ဗီယက်နမ်ဆန် ယမန်နှစ်က စပါး တန်ချိန် ၄၂.၇ သန်း ထွက်ရှိခဲ့ပြီး ယခုနှစ်တွင် တန်ချိန် ၄၃ သန်း ထွက်ရှိမည်ဟု မျှော်မှန်းထားသည်။ 

ဗီယက်နမ် မူဝါဒအသစ်အရ နှစ်စဉ် ဆန်တင်ပိုမှု ၄၄ ရာခိုင်နှုန်း လျှော့ချသွားမည်

https://www.foodindustrydirectory.com.mm/food-industry/food-livestock/item/6241

ဗီယက်နမ်သည် ဆန်တင်ပို့မှု တစ်နှစ်ထက် တစ်နှစ် လျှေ့ချသွားမည့် မူဝါဒ ရေးဆွဲထားသော်လည်း ပို့ကုန်ဆန်ဈေး စံချိန်တင် မြင့်တက်နေသဖြင့် ယခုနှစ်တွင် ပိုမိုတင်ပို့မည် ဖြစ်သည်။ ယမန်နှစ်က ဆန်တန်ချိန် ၇.၁ သန်း တင်ပို့ခဲ့သည်။ ယခုနှစ်တွင် ဆန်တန်ချိန် ၇.၈ သန်းအထိ ရောက်ရှိသွားနိုင်သည်။

Source bangkokpost