Fruits & Vegetables

မန္တလေးတိုင်းဒေသကြီး ညောင်ဦးခရိုင် ကျောက်ပန်းတောင်းမြို့နယ် ကြက်မောက်တောင်ဆည်ပတ်ဝန်းကျင်ရှိ ကျေးလက်တောင်သူများ စိုက်ပျိုးရောင်းချနေသည့်

ယခုရက်ပိုင်းအတွင်း ကြက်သွန်နီ ဈေးကွက်သို့ တရုတ်နိုင်ငံမှ အလုံးအရင်းဖြင့် အဝယ်လိုက်နေသော်လည်း

စစ်ကိုင်းတိုင်းဒေသကြီး၊ ကောလင်းခရိုင်၊ ပင်လည်ဘူးမြို့၌ ဆောင်းသီးနှံများဖြစ်သည့် ပန်းစိမ်းခေါ် ပန်းမုန်လာစိမ်းများကို

စစ်ကိုင်းတိုင်းဒေသကြီး၊ ဘုတလင်မြို့နယ်တွင် ကိုဗစ်ကာလ ဖြစ်နေသာ်လည်း အုတ်အိုင်၊ ချပ်ကလေး၊ ခိုးချောင်းနှင့် အောင်ဆန်းမြင့်ကျေးရွာများမှ စိုက်ပျိုးထွက်ရှိသော ငှက်ပျောများမှာ ယခင်နှစ်ကထက် ဈေးကောင်းရရှိနေကြောင်း အုတ်အိုင်ကျေးရွာမှ ငှက်ပျောစိုက်တောင်သူ ဦးတင်ထွေးထံမှ သိရသည်။ ဘုတလင်မြို့နယ်မှ ထွက်ရှိသည့် ငှက်ပျောကို ရန်ကုန်၊ မန္တလေးနှင့် ဖားကန့်ဒေသတို့သို့ အများဆုံး တင်ပို့ ရောင်းချရပြီး ငှက်ပျောဖီးရေ ၄၀၀၀ ကျော် ဆံ့သည့် ခြောက်ဘီးကား သုံးစီး/လေးစီး နေ့စဉ်နီးပါး တင်ပို့ ပေးနေရကြောင်း သိရသည်။ “ကျွန်တော်တို့ ကျေးရွာ လေးရွာကထွက်တဲ့ ငှက်ပျောတွေကို ရန်ကုန်ဝယ်လက်တွေက ခြောက်ဘီး ကားတွေနဲ့ နေ့စဉ်နီးပါး လာရောက်ဝယ်ယူပါတယ်။ အရင်နှစ်တွေမှာ ငှက်ပျောဈေးက တစ်ဖီးကို ၅၀၀၊ ၆၀၀ ကျပ်ပဲ ရှိခဲ့ပေမယ့် ဒီနှစ်မှာတော့ ငှက်ပျောတစ်ဖီးကို ၉၀၀ ကျော်အထိ ဈေးရပါတယ်။ ကိုဗစ်ကာလ ဖြစ်ပေမယ့် ငှက်ပျောဈေးက မကျဘဲ ဈေးကောင်းရနေတော့ ငှက်ပျောတစ်ဧကကို သိန်း ၄၀ ကျော်အထိ အမြတ်ရ နေကြပါတယ်”ဟု ငှက်ပျောစိုက်တောင်သူ ဦးတင်ထွေးက ပြောပြသည်။ ဘုတလင်မြို့နယ်ရှိ အုတ်အိုင်၊ ချပ်ကလေး၊ ခိုးချောင်းနှင့် အောင်ဆန်းမြင့်ကျေးရွာများတွင် ကျောက်စိမ်း ဖီးကြမ်းငှက်ပျော၊ ရွှေငှက်ပျောနှင့် ခွံဝါငှက်ပျောမျိုးများကို စိုက်ပျိုးကြပြီး တစ်ဧကလျှင် ငှက်ပျောပင် ၇၀၀ ကျော်အထိ စိုက်ပျိုးနိုင်ကြောင်း သိရသည်။MDN