Food & Livestock
စိုက်ပျိုးရေးနှင့် မွေးမြူရေးကဏ္ဍအတွက် ချေးငွေ ကျပ်သန်း (၁) ဘီလီယံကျော် လျာထား
စိုက်ပျိုးရေးလုပ်ငန်း လုပ်ကိုင်မည့် တိုင်းနှင့် ပြည်နယ် (၁၂) ခုမှ သမဝါယမအသင်းသား (၁,ဝ၅၆) ဦးအတွက် ချေးငွေ ကျပ်သန်း (၅၀၀) ကျော်နှင့် မွေးမြူရေးလုပ်ငန်း လုပ်ကိုင်မည့် တိုင်းနှင့် ပြည်နယ် (၁၁) ခုမှ အသင်းသား (၇ဝဝ) ကျော်အတွက် ကျပ်သန်း (၅ဝဝ) ကျော် လျာထားသည်ဟု သမဝါယမနှင့် ကျေးလက်ဖွံ့ဖြိုးရေး ဝန်ကြီးဌာနမှ သိရသည်။
ပြီးခဲ့သည့် နိုဝင်ဘာလ (၃) ရက်နေ့က ကျင်းပ ပြုလုပ်ခဲ့သည့် သမဝါယမလုပ်ငန်းများ ဖွံ့ဖြိုးတိုးတက်ရေးနှင့် ချေးငွေလုပ်ငန်း ကြီးကြပ်မှု ဗဟိုကော်မတီအစည်းအဝေး၌ သမဝါယမနှင့် ကျေးလက်ဖွံ့ဖြိုးရေး ဝန်ကြီးဌာန၊ ဒုတိယဝန်ကြီး၏ ပြောကြားချက်အရ ယင်းသို့ သိရှိရခြင်း ဖြစ်သည်။
Pilot Project အနေဖြင့် သမဝါယမ အသင်းပိုင်ငွေများဖြင့် စိုက်ပျိုးရေးကဏ္ဍအတွက် တိုင်းနှင့် ပြည်နယ် (၁၂) ခု၊ မြို့နယ် (၂ဝ) ရှိ အသင်း (၂၂) သင်းမှ အသင်းသား (၁,ဝ၅၆) ဦးကို ပံ့ပိုးနိုင်ရန် အသင်းပိုင်ငွေကျပ် (၅၅၆.ဝ၇) သန်း လျာထားသည်ဟု ဆိုသည်။
Click Here > Asia General Holding
ထို့အတူ တိုင်းနှင့် ပြည်နယ် (၁၁) ခု၊ မြို့နယ် (၂၄) ခုရှိ အသင်း (၂၆) သင်းမှ အသင်းသား (၇ဝ၃) ဦး ၏ မွေးမြူရေး လုပ်ငန်းများ လုပ်ဆောင်နိုင်ရန် ကျပ် (၅၃၂.၅၃) သန်း ပံ့ပိုးပေးနိုင်ရေး လျာထား ဆောင်ရွက်မှုကို အကောင် အထည်ဖော်နိုင်ရန်လည်း လုပ်ဆောင်လျက် ရှိသည်။
ထို့ပြင် မိုးစပါး စိုက်ပျိုးထုတ်လုပ်ရေး စီမံကိန်းအတွက် နိုင်ငံ့စီးပွားမြှင့်တင်ရေး ရန်ပုံငွေ (စိုက်၊ မွေး၊ ဆည်)၊ တိုင်း/ ပြည်နယ် နိုင်ငံ့စီးပွားမြှင့်တင်ရေး ရန်ပုံငွေ၊ ဘတ်ဂျက်နှင့် သမဝါယမအသင်းပိုင်ငွေတို့ဖြင့် တိုင်း/ပြည်နယ် (၁၃) ခုတို့ရှိ မြို့နယ်ပေါင်း (၁၇၈) မြို့နယ်မှ အသင်းပေါင်း (၁,ဝ၆၆) သင်းရှိ အသင်းသား (၂၈,၆၁ဝ) အတွက် တစ်ဧကလျှင် ငွေကျပ်နှစ်သိန်းနှုန်းနှင့် ညီမျှသော ဧက (၁၃ဝ,၁ဝဝ) အတွက် သွင်းအားစုများ ပံ့ပိုးရန်လည်း ဆောင်ရွက်ထားသည်ဟု ဆိုသည်။
နိုင်ငံ့စီးပွားမြှင့်တင်ရေး ရံပုံငွေမှ မြစိမ်းရောင် (သမဝါယမ) စီမံကိန်းလုပ်ငန်း ဆောင်ရွက်ရန် တိုင်း/ပြည်နယ် (၁၁) ခုနှင့် ကိုယ်ပိုင်အုပ်ချုပ်ခွင့်ရဒေသ (၃) ခုရှိ မြို့နယ် (၈၆) ခုမှ အသင်းပေါင်း (၃၅၄) သင်း၊ အသင်းသားဦးရေ (၁၄,၃၆၃) ဦးတို့အား ရန်ပုံငွေကျပ်သန်း (၁၃) ဘီလျံကျော် ပံ့ပိုးပေးထားပြီး ဖြစ်ကြောင်း သိရသည်။
Source : NP News
မန္တလေးရှိ မြို့နယ် (၇) ခုတွင် တောင်သူတစ်ဦးကို သိန်း (၇၀၀) ထိ ချေးငွေထုတ်ပေးလျက်ရှိ
ယခုကဏ္ဍာနှစ်တွင် မန္တလေးတိုင်းဒေသကြီးအတွင်း JICA ( Two Step Loan ) ချေးငွေဖြင့် တောင်သူများ လယ်ယာသုံးစက်ကိရိယာများ ဝယ်ယူ အသုံးပြုနိုင်ရန် ငွေကျပ်သန်း (၂၁) ထုတ်ချေးပေးထားကြောင်း မန္တလေးတိုင်းဒေသကြီး မြန်မာ့လယ်ယာဖွံ့ဖြိုးရေး ဘဏ်ခွဲမှ သိရသည်။
မန္တလေးတိုင်းဒေသကြီး မြန်မာ့လယ်ယာဖွံ့ဖြိုးရေး ဘဏ်ခွဲနှင့် JICA တို့ ပူးပေါင်းပြီး တောင်သူများ၏ လုပ်ငန်းများ လျင်မြန် ချောမွေ့ပြီး တွင်ကျယ်လာစေရန်အတွက် လယ်ယာသုံးစက်ကိရိယာများ ဖြစ်သော ထွန်စက်ကြီး၊ ရိတ်သိမ်းခြွေလှေ့စက်နှင့် တခြားလယ်ယာသုံး စက်ကိရိယာများကို တောင်သူများ လိုအပ်သည့် စက်အမျိုးအစားအလိုက် ဝယ်ယူ အသုံးပြုနိုင်ရန် ဩဂုတ်လမှစ၍ ထုတ်ချေးပေးခဲ့သည်ဟု ဆိုသည်။
ထိုသို့ လယ်ယာသုံး စက်ကိရိယာများကို တောင်သူများ အသုံးပြုနိုင်ရန် ချေးငွေထုတ်ချေးပေးနေသည့် မန္တလေးတိုင်းဒေသကြီးအတွင်းရှိ မြို့နယ်များမှာ စဉ့်ကူးမြို့နယ်၊ စဉ့်ကိုင်မြို့နယ်၊ ကျောက်ဆည်မြို့နယ်၊ ဝမ်းတွင်းမြို့နယ်၊ မြစ်သားမြို့နယ်၊ ရမည်းသင်းမြို့နယ်၊ ပျော်ဘွယ်မြို့နယ်တို့ ဖြစ်သည်။
Click Here > Asia General Holding
"မန္တလေးတိုင်းဒေသကြီး အတွင်းမှာရှိတဲ့ တောင်သူတွေကို လက်မှုလယ်ယာစနစ်ကနေ စက်မှုလယ်ယာစနစ်ကို အသွင်ကူးပြောင်းလာနိုင်ဖို့အတွက် တစ်ဖက်တစ်လမ်းကနေ ကူညီ ပံ့ပိုးပေးနေတာပါ။ အတိုးနှုန်း သက်သာစွာနဲ့ ချေးပေးနေတာပါ။ တောင်သူတစ်ယောက်ကို အများဆုံး ငွေကျပ် သိန်း (၇၀၀) ထိ ခွင့်ပြုပေးထားပါတယ်။
တောင်သူတွေအနေနဲ့ မိမိတို့ရဲ့ လုပ်ငန်းခွင်မှာ အဆင်ပြေစွာ အသုံးပြုနိုင်မယ့် လိုအပ်တဲ့ စက်အမျိုးအစားကို ဝယ်ယူ အသုံးပြုနိုင်အောင် ဆောင်ရွက်ပေးနေတာပါ။ လက်ရှိ မြို့နယ်နှစ်မြို့နယ်မှာ ရိတ်ခြွေလှေ့စက် တစ်စီးရယ်၊ ထွန်စက်ကြီး နှစ်စီးရည်ကို ဝယ်ယူ အသုံးပြုနိုင်ဖို့ ချေးပေးပြီးပါပြီ" ဟု တိုင်းဒေသကြီး မန်နေဂျာ ဦးစိုးကိုကိုဝင်းက ပြောသည်။
အဆိုပါ လယ်ယာသုံး စက်ကိရိယာများ ဝယ်ယူ အသုံးပြုနိုင်သည့်အတွက် တောင်သူများအနေဖြင့် မိမိတို့၏ လယ်ယာလုပ်ငန်းခွင်များတွင် စိုက်ပျိုး ရိတ်သိိမ်းမှုများကို အချိန်တိုကာလအတွင်း ဆောင်ရွက်နိုင်သည့်အပြင် စိုက်ချိန်ပျိုးချိန်လည်း အချိန်မီ စိုက်ပျိုးနိုင်မည် ဖြစ်သည်။
မြန်မာနှင့် ဖိလစ်ပိုင် စိုက်ပျိုးရေးဆိုင်ရာ ကဏ္ဍများအတွက် ပူးပေါင်း ဆောင်ရွက်မည်
ဖိလစ်ပိုင်နှင့် မြန်မာအကြား စိုက်ပျိုးရေးနှင့် အသေးစား၊ အငယ်စား၊ အလတ်စားလုပ်ငန်းများ ဖွံ့ဖြိုးတိုးတက်ရေးတွင် ပူးပေါင်း ဆောင်ရွက်ရန်အတွက် နားလည်မှုစာချွန်လွှာကို လက်မှတ်ရေးထိုးခဲ့ ကြကြောင်း ပြည်ထောင်စုသမ္မတမြန်မာနိုင်ငံ ကုန်သည်များနှင့် စက်မှုလက်မှုလုပ်ငန်းရှင်များ အသင်းချုပ် UMFCCI မှ သိရသည်။
နားလည်မှုစာချွန်လွှာအား ASEAN-BAC Philippines ဥက္ကဋ္ဌ Mr Joe Ma A Concepcion III နှင့် ASEAN BA Myanmar ဦးအေးဝင်းတို့က စက်တင်ဘာ (၅) ရက်တွင် အင်ဒိုနီးရှားနိုင်ငံ၊ ဂျကာတာမြို့၌ ကျင်းပသည့် အာဆီယံအဖွဲ့ဝင် နိုင်ငံများမှ စီးပွားရေးလုပ်ငန်းရှင် အများအပြား တက်ရောက်ခဲ့ကြသော ဖိလစ်ပိုင်-အင်ဒိုနီးရှား စားပွဲဝိုင်းဆွေးနွေးပွဲတွင် လက်မှတ်ရေးထိုးခဲ့ခြင်း ဖြစ်သည်။
Ad > MMM Car Sales Center
အဆိုပါ နားလည်မှုစာချွန်လွှာတွင် အသေးစား၊ အလတ်စားနှင့် အကြီးစား တောင်သူလယ်သမားများ၊ လုပ်ငန်းရှင်များနှင့် သက်ဆိုင်ရာ အဖွဲ့အစည်းများအကြား အလားအလာရှိသော
- စိုက်ပျိုးရေးကဏ္ဍ၊
- စိုက်ပျိုးရေးနည်းပညာ၊
- စားနပ်ရိက္ခာဖူလုံရေး၊
- စားနပ်ရိက္ခာ ဘေးအန္တရာယ် ကင်းရှင်းရေးနှင့်
- စိုက်ပျိုးရေးအခြေခံ စားနပ်ရိက္ခာ ထုတ်လုပ်ရေး၊
- စိုက်ပျိုးမွေးမြူရေးလုပ်ငန်းပုံစံများနှင့်
- တန်ဖိုးမြှင့် ထောက်ပံ့မှု ကွင်းဆက်များ ဖွံ့ဖြိုး တိုးတက်ရေးတို့အတွက် လေ့လာမှုများနှင့် လမ်းညွှန်မှုများ ပြုလုပ်ကြရန် ပါရှိသည်။
ထို့နောက် ကုန်သွယ်မှုနှင့် ရင်းနှီးမြှုပ်နှံမှု အခွင့်အလမ်းများ ဖွံ့ဖြိုးတိုးတက်စေရန်၊ နည်းပညာဖလှယ်ခြင်း၊ ဆန်နှင့် လယ်ယာထွက်ကုန်များ၊ ဝန်ဆောင်မှုကဏ္ဍများတွင် လိုအပ်သည့် စီးပွားရေးဆိုင်ရာ လိုအပ်ချက်များကို သတ်မှတ်ရန်လည်း ဖော်ပြထားသည်။
ယင်းပြင် ရာသီဥတု ပြောင်းလဲမှုကို ရင်ဆိုင် ဖြေရှင်းရာတွင် ထိရောက်သော မဟာဗျူဟာများကို မြှင့်တင်ရန်နှင့် မြန်မာနှင့် ဖိလစ်ပိုင်နိုင်ငံတို့အတွက် ရေရှည်တည်တံ့သော လယ်ယာစီးပွားရေး ပတ်ဝန်းကျင်ကို ရရှိရန်တို့ ပါဝင်ကြောင်း သိရသည်။
မြန်မာနိုင်ငံအလယ်ပိုင်း အပူပိုင်းဇုန်ဒေသ စိုက်ပျိုးရေးအတွက် ရေစုဆောင်းနည်းနှင့် ရေချွေတာသုံးစွဲနည်းလမ်းများ
မြန်မာနိုင်ငံအလယ်ပိုင်းရှိ အပူပိုင်းဒေသဖြစ်သော မန္တလေး၊ စစ်ကိုင်းနှင့် မကွေးတိုင်းဒေသကြီးတို့သည်
စိုက္ပ်ဳိးေရးႏွင့္ ေမြးျမဴေရး က႑တြင္ ၿဗိတိန္ႏွင့္ ထိုင္းႏိုင္ငံတို႔မွ အမ်ားဆံုး ရင္းႏွီးျမႇဳပ္ႏွံထား
ျမန္မာႏိုင္ငံ၏ လယ္ယာစိုက္ပ်ဳိးေရး၊ ေမြးျမဴေရးႏွင့္ ငါးလုပ္ငန္းက႑တို႔တြင္ ၿဗိတိန္ႏွင့္ ထိုင္းႏိုင္ငံတို႔မွ အမ်ားဆံုး လာေရာက္ရင္းႏွီး ျမႇဳပ္ႏွံထားေၾကာင္း ရင္းႏွီးျမႇဳပ္ႏွံမႈႏွင့္ ကုမၸဏီမ်ား ၫႊန္ၾကားမႈဦးစီးဌာန စာရင္းမ်ားအရ သိရသည္။
စိုက္ပ်ိဳးေမြးျမဴေရးထုတ္ကုန္မ်ား ႏုိင္ငံတကာေဈးကြက္ ခ်ဲ႕ထြင္သင့္ေၾကာင္းအဆို လႊတ္ေတာ္တြင္ ေဆြးေႏြးမည္
လယ္ယာစိုက္ပ်ိဳး ေရးႏွင့္ ေမြးျမဴေရးလုပ္ငန္းမ်ားမွ ထြက္ရွိလာေသာ ကုန္ၾကမ္းမ်ား ကို ျပည္တြင္း၌ပင္ အရည္အေသြးျပည့္မီေအာင္
စုိက္ပ်ိဳးေရးႏွင့္ စားေသာက္ကုန္ လုပ္ငန္းငါးခုကို ကေနဒါတြင္ သင္တန္းေပးမည္
ျမန္မာႏုိင္ငံရွိ စုိက္ပ်ိဳး ေရးႏွင့္အစားအေသာက္ထုတ္ ကုန္မ်ားတင္ပုိ႔ေနသည့္ လုပ္ငန္း ငါးခုကို ေရြးခ်ယ္ကာ နည္းပညာ အကူအညီႏွင့္ ထုတ္ကုန္အရည္ အေသြးမ်ားျမႇင့္တင္ေပးရန္ကေန ဒါႏုိင္ငံတြင္ ေလ့က်င့္ေပးမည္ဟု မႏၲေလးတိုင္းကုန္သည္မ်ားႏွင့္
စိုက္ပ်ိဳးေမြးျမဴေရးႏွင့္ ကုန္ထုတ္က႑မ်ားအတြက္ အေပါင္မ့ဲ ေခ်းေငြကို ဦးစားေပးထုတ္ေခ်း
အေသးစားႏွင့္ အလတ္စား စက္မႈလုပ္ငန္း ဖြံ႔ၿဖိဳးေရးဘဏ္ (SMID Bank) က သြင္းကုန္အစားထိုးနဲ႔ ပို႔ကုန္အားေပးတ့ဲ လုပ္ငန္းေတြမွာ
စိုက္ပ်ဳိးေရးႏွင့္ အေသးစားစီးပြားေရးလုပ္ငန္းမ်ားအတြက္ USAID က ကန္ေဒၚလာ သန္း ၂၀ ေခ်းမည္
စိုက္ပ်ဳိးေရးက႑ႏွင့္ အေသးစားစီးပြားေရးလုပ္ငန္းမ်ား အတြက္ ကန္ေဒၚလာသန္း ၂၀ ခန္႔ကို အေမရိကန္ႏိုင္ငံတကာ
