Food & Livestock

အိန္ဒိယနိုင်ငံ၌ အမျိုးသားအဆင့် သမဝါယမပို့ကုန်ဆိုင်ရာ ညီလာခံတစ်ရပ်ကို ၂၀၂၃ ခုနှစ် အောက်တိုဘာလတွင် ကျင်းပခဲ့ပြီး ပို့ကုန်မှ ရရှိသည့် စုစုပေါင်းအမြတ်ငွေမှ ၅၀ ရာခိုင်နှုန်းခန့်ကို အသင်းဝင် လယ်သမားများအား ခွဲဝေပေးရန် စီစဉ်နေကြောင်း ဆွေးနွေးခဲ့ကြသည်။

ယင်းညီလာခံတွင် သမဝါယမဝန်ကြီးဌာန၊ ပြည်ထောင်စုဝန်ကြီး Amit Shah က အသစ်ဖွဲ့စည်းတည်ထောင်ခဲ့သော အမျိုးသားပို့ကုန်များ သမဝါယမလီမိတက် (National Cooperative Exports Limited - NCEL) သည်…

• ပြည်ပသို့ တင်ပို့မည့် ကုန်စည်များကို အစိုးရက သတ်မှတ်သည့် အနိမ့်ဆုံး အထောက်အကူပြု အခြေခံရည်ညွှန်းဈေးနှုန်း (Minimum Support Price - MSP) ဖြင့် အသင်းဝင် လယ်သမားများထံမှ ဝယ်ယူမည် ဖြစ်ကြောင်း
• လက်ရှိကာလ၌ NCEL သည် ရူပီးငွေ ကုဋေ (၇,၀၀၀) တန်ဖိုးရှိ ပို့ကုန်အမှာစာများ ရရှိထားကြောင်း
• NCEL ၏ ပြည်ပသို့ ကုန်တင်ပို့မှုမှ ရရှိသည့် စုစုပေါင်း အမြတ်ငွေမှ ၅၀% ခန့်ကို အသင်းဝင် လယ်သမားများ၏ ဘဏ်ငွေစာရင်းများသို့ တိုက်ရိုက် လွှဲပြောင်းပေးမည် ဖြစ်ကြောင်းနှင့်
• အကျိုးအမြတ် ရရှိမှုသည် MSP ဈေးနှုန်းဖြင့် ရောင်းချမှုထက် သာလွန်မည် ဖြစ်ကြောင်း ပြောကြားခဲ့သည်။

သမဝါယမဝန်ကြီးဌာနက ဖွဲ့စည်းခဲ့သော NCEL လီမိတက်သည် လတ်တလောကာလတွင် ယာယီရုံးခန်းတစ်ခု ဖွင့်လှစ်၍ လုပ်ငန်းများ ဆောင်ရွက်လျက်ရှိပြီး ဝန်ထမ်းအသစ်များကိုလည်း စုဆောင်းနေကြောင်း သိရသည်။ NCEL သည် ပို့ကုန်မှ အကျိုးအမြတ် ရရှိရေးကိုသာမက ပို့ကုန်ဈေးကွက်ဝင် ကုန်စည်များအား လယ်သမားများက ထုတ်လုပ်စေရေးကိုလည်း ဆောင်ရွက်မည် ဖြစ်ကြောင်း Amit Shah က ပြောဆိုသည်။ 

Advertisement

Click Here > YTSB

အဆိုပါ ညီလာခံတွင် ဝန်ကြီး Amit Shah က NCEL ၏ အမှတ်တံဆိပ်လိုဂိုနှင့် အင်တာနက် ဝက်ဘ်ဆိုက်တို့အား လွှင့်တင်ပေးခဲ့ပြီး NCEL ၌ အဖွဲ့ဝင်အဖြစ် ပါဝင်သော သမဝါယမအဖွဲ့အစည်း ၅ ခုထံသို့လည်း အသင်းဝင် အသိအမှတ်ပြုလက်မှတ်များ ပေးအပ်ခဲ့သည်။

အိန္ဒိယကူးသန်းရောင်းဝယ်ရေးဝန်ကြီး Piyush Goyal ကလည်း NCEL ကို ဖွဲ့စည်းခြင်းသည် ပို့ကုန်လုပ်ငန်းများအတွက် အားပေးကူညီမှု ဖြစ်သည့်အပြင် နိုင်ငံဖွံ့ဖြိုးတိုးတက်ရေးနှင့် ကျေးလက်ဒေသ အသွင်ပြောင်းနိုင်ရေးတို့အတွက် အထောက်အပံ့ ဖြစ်သည်ဟု ဆိုသည်။ 

ကမ္ဘာ့လုံးဆိုင်ရာ အဆင့်၌ အိန္ဒိယနိုင်ငံ၏ ထင်ပေါ်ကျော်ကြားမှု ကြီးမားလာသည်နှင့်အမျှ သမဝါယကဏ္ဍသည် ပို့ကုန်အလားအလာကို ဖော်ထုတ် လုပ်ကိုင်နိုင်မှု ရှိလာပြီး သမဝါယမ အဖွဲ့အစည်းများအနေဖြင့် ပို့ကုန်ဈေးကွက်အတွက် နိုင်ငံတကာစံနှုန်းများနှင့် ကိုက်ညီသည့် အရည်အသွေးမီ ကုန်ပစ္စည်းများ ထုတ်လုပ်မှုကို အလေးပေး ဆောင်ရွက်သင့်ကြောင်း အဆိုပါ အခမ်းအနား၌ ပြောကြားခဲ့သည်။

NCEL လီမိတက်ကို ပြည်နယ်စုံ သမဝါယအဖွဲ့အစည်းများဆိုင်ရာ အက်ဥပဒေ (Multi-State Co-operative Societies Act) အရ ၂၅-၁-၂၀၂၃ နေ့တွင် မှတ်ပုံတင်ဖွဲ့စည်းထားခြင်း ဖြစ်ကာ အများဆုံးထုတ်ဝေနိုင်သည့် အစုရှယ်ရာ အရင်းအနှီးမှာ ရူပီးငွေ ကုဋေ ၂,၀၀၀ ရှိသည်။

ပို့ကုန်လုပ်ငန်းများကို စိတ်ပါဝင်စားသော မည်သည့်သမဝါယမအသင်း အသေးအကြီးမဆို NCEL ၏ အသင်းဝင်အဖြစ် ပါဝင်နိုင်ကြောင်းနှင့် ပြည်ပဈေးကွက်များသို့ ဝင်ရောက်ခြင်းဖြင့် အိန္ဒိယ သမဝါယမကဏ္ဍ၌ ပိုလျှံမည့် ကုန်စည်များကို တင်ပို့နိုင်ရေး ရည်ရွယ် ဆောင်ရွက်ခြင်း ဖြစ်ကြောင်း သိရသည်။

အိန္ဒိယပြည်တွင်း၌ သမဝါယအဖွဲ့အစည်းပေါင်း (၈) သိန်းခန့် ရှိပြီး အသင်းသားဦးရေပေါင်း သန်း (၂၉၀) ကျော် ရှိကြောင်း Economic Times သတင်းဌာနက ဖော်ပြထားသည်။

Source: Economic Times

ရုရှားနိုင်ငံက မြန်မာနိုင်ငံမှ ထွက်ရှိသည့် ကော်ဖီကို ဝယ်ယူပြီး ကုန်သွယ်မှု လုပ်ဆောင်မည် ဖြစ်ကြောင်း မြန်မာနိုင်ငံ ကော်ဖီအသင်းမှ သိရသည်။ 

ပြီးခဲ့သည့် နှစ်မှစ၍ အိန္ဒိယနိုင်ငံသည် ပြည်တွင်းဆန်လိုအပ်မှု ပြည့်ဝစေရန်နှင့် ဈေးကွက်ပေါက်ဈေး မြင့်တက်မှုကို ထိန်းချုပ်ရန်အတွက် ဆန်ကွဲတင်ပို့မှုကို တားမြစ်ခြင်း၊ ဆန်အမျိုးမျိုး တင်ပို့မှုအပေါ် အကောက်ခွန် (၂၀) ရာခိုင်နှုန်း ချမှတ်ခြင်းတို့ကို ဆောင်ရွက်ခဲ့သည်။ 

ထိုသို့ တင်းကျပ်လာမှုများကြောင့် ဆန်သွင်းကုန်ကို အလွန်အကျွံ မှီခိုနေရသည့် နီပေါဈေးကွက်တွင် စားနပ်ရိက္ခာဈေးနှုန်းများ မြင့်တက်လာခဲ့ပြီး ဆန်များကို လုံလောက် ပြည့်မီအောင် ထုတ်လုပ်ထားသော်လည်း နိုင်ငံတွင်း ဝယ်လိုအားများသောကြောင့် လုံလောက်မှု မရှိကြောင်း The Annapurna Express သတင်းဌာနက ဖော်ပြထားသည်။

ထို့ပြင် ပြည်တွင်း ကုန်ဈေးနှုန်းများသည်လည်း ယခင်နှစ်ကထက် (၃) ရာခိုင်နှုန်းနီးပါး သိသိသာသာ ထိုးတက်ခဲ့ပြီး ၂၀၂၂ ခုနှစ်၊ နိုဝင်ဘာလလယ်တွင် ဆန်အပါအဝင် သီးနှံထွက်ကုန်များ၏ ဈေးနှုန်းသည် (၉) ရာခိုင်နှုန်းထိ တစ်ရှိန်ထိုး တက်ခဲ့ကြောင်း သိရသည်။

အိန္ဒိယနိုင်ငံ၏ ကန့်သတ်ချက်များကြောင့် ၂၀၂၂-၂၀၂၃ ဘဏ္ဍာနှစ် ပထမငါးလအတွင်းတွင် ဆန်နှင့် သီးနှံထွက်ကုန်များ တင်သွင်းမှုသည် (၄၀.၂) ရာခိုင်နှုန်း ( ရူပီး ၂၀.၃၁ ဘီလီယံ ) အထိ သိသိသာသာ ကျဆင်းလာခဲ့ပြီး လက်ရှိ ဘဏ္ဍာနှစ်၏ ပထမလေးလအတွင်း ဆန်နှင့် စပါးတင်သွင်းမှုသည် (၄၉.၇) ရာခိုင်နှုန်း (ရူပီး ၆.၆၈ ဘီလီယံ ) အထိ ကျဆင်းသွားသည်။

နီပေါနိုင်ငံသားများအနေဖြင့် ဆန်တစ်မျိုးတည်းကိုသာ စားသုံးမည် ဆိုပါက ယခုဘဏ္ဍာနှစ်အတွက် ဆန်တန်ချိန်ပေါင်း ၅၅၀,၀၀၀ လိုအပ်မည် ဖြစ်ကာ အခြားသီးနှံ ထွက်ကုန်များကိုလည်း အဓိက အစားအစာအဖြစ် စားသုံးပါက နိုင်ငံအတွင်းစားနပ်ရိက္ခာ ပြတ်လပ်မှု မရှိနိုင်ကြောင်းကို စိုက်ပျိုးရေးဝန်ကြီးဌာန လက်အောက်ရှိ စိုက်ပျိုးရေး ခေတ်မီရေးအစီအစဉ် အကြီးတန်း စောင့်ကြည့် အကဲဖြတ်ရေးအရာရှိ Hikmat Kumar Shrestha က ပြောကြားခဲ့သည်။

လက်ရှိတွင် နိုင်ငံ့လူဦးရေအတွက် ဆန်အလုံအလောက် ထုတ်လုပ်ထားပြီး ပြည်ပနိုင်ငံများမှ တင်သွင်းမှုကို လျှော့ချခြင်းကြောင့် ယခုဘဏ္ဍာရေးနှစ်တွင် နိုင်ငံတစ်ဝန်း စပါးထွက်ရှိမှုသည် (၆.၉၄) ရာခိုင်နှုန်း ( တန်သန်းပေါင်း ၅.၄၈ ) အထိ မြင့်တက်လာပြီး မိုးရာသီနှင့် ခြောက်သွေ့ရာသီ နှစ်မျိုးလုံးအတွက် ဖူလုံနိုင်ကြောင်း ဆိုသည်။

သို့ရာတွင် နီပေါနိုင်ငံ၊ စိုက်ပျိုးရေးနှင့် မွေးမြူရေး ဖွံ့ဖြိုးတိုးတက်ရေး ဝန်ကြီးဌာန၏ အဆိုအရ စုစုပေါင်းဆန်ထွက်ရှိမှု၏ (၇၀) ရာခိုင်နှုန်းခန့်သည် နိုင်ငံအတွင်း စားသုံးရန်အတွက် မသင့်လျော်သည့် ဆန်ကြမ်းအမျိုးအစားများသာ ဖြစ်သည်။

နီပေါနိုင်ငံ၏ ဝင်ငွေတိုးမြင့်လာမှုနှင့် နေ့စဉ် စားသုံးမှုပုံစံ ပြောင်းလဲလာမှုကြောင့် ဒေသခံလူအများစုသည် ဆန်လုံးရှည်မျိုးများကို ပိုကြိုက်ကြသည့်အတွက် နိုင်ငံအနေဖြင့် လွန်ခဲ့သည့် ဆယ်စုနှစ်နှစ်ခုအတွင်း ဆန်လုံးရှည် သွင်းကုန်အပေါ် အမှီပြုလာရသည်။ 

Advertisement

Click Here > Baho Pipe

လယ်သမားများက ဆန်လုံးရှည်ဆန် စိုက်ပျိုးရခြင်းသည် ဆန်ကြမ်းကဲ့သို့ အထွက်နှုန်း မကောင်းသောကြောင့် မစိုက်ပျိုးလိုပေ။ ထို့ကြောင့် အိန္ဒိယမှ ယင်းဆန်များကို ပိုမိုတင်သွင်းခဲ့ရပြီး ယခုကဲ့သို့ တင်းကျပ်မှုများ ဖြစ်ပေါ်ခဲ့သည့်အတွက် နီပေါနိုင်ငံ အစိုးရမှ  မျိုးကောင်းမျိုးသန့် ဆန်လုံးရှည်ဆန် စိုက်ပျိုးရန် တိုက်တွန်း ဆောင်ရွက်မှုများ လုပ်ဆောင်လျက် ရှိကြောင်း Hikmat Kumar Shrestha က ပြောသည်။

Sunsari ခရိုင်၊ Duhabi တွင် ဆန်စက် တည်ထောင်ထားသည့် Buddha Air ပိုင်ရှင်ဖြစ်သူ Birendra Bahadur Basnet က လယ်သမားများအတွက် ဆန်လုံးရှည်ဆန် အစားထိုးစိုက်ပျိုးခြင်း မစတင်ခင် စပါးများကို အနိမ့်ဆုံးဈေးနှုန်းဖြင့် လာရောက်ဝယ်ယူပေးမည်ဟု ကတိပြုထားကြောင်း ဆိုသည်။       

လယ်ယာထွက်ကုန်ပစ္စည်း အများစုကို အိန္ဒိယမှ တင်သွင်းပြီး ယခင်နှစ်က သွင်းကုန် အများအပြား တင်သွင်းခဲ့မှုကြောင့် နိုင်ငံတွင်း အရန်သိမ်းဆည်းထားသော နိုင်ငံခြားသုံးငွေများကို ထုတ်သုံးခဲ့ရသဖြင့် သီရိလင်္ကာအနေအထားသို့ ရောက်သွားနိုင်သည့်အတွက် စိုးရိမ်မှုများ မြင့်တက်လျက် ရှိကြောင်း လယ်ယာထွက်ကုန်ပစ္စည်းများ တင်ပို့မှုနှင့် တင်သွင်းမှု အဆင့်အတန်း လေ့လာမှုစာစောင်တစ်ခုတွင် ဖော်ပြထားသည်။

အိန္ဒိယမှ ဆန်တင်ပို့မှုဆိုင်ရာ ကန့်သတ်ချက်များ ချမှတ်ချလိုက်ခြင်းသည် တစ်ဖက်မှကြည့်လျှင် ပြည်တွင်းထုတ်ကုန်များနှင့် ထုတ်လုပ်မှုကို မြှင့်တင်ရန် အခွင့်အလမ်းတစ်ခုအဖြစ် ယူဆနိုင်ပြီး ရရှိလာသည့် အခွင့်အရေးကို အကျိုးရှိရှိ အသုံးချသင့်ကြောင်းကို နီပေါနိုင်ငံ Rastra ဘဏ်၏ အကြီးတန်းအရာရှိတစ်ဦးက ပြောသည်။

Su Mon Oo

Source : The Annapurna Express

မေလတွင် ပြည်ပသို့ ဆန်တန်ချိန် တစ်သိန်းခွဲ ပြန်လည်တင်ပို့ရန်စီစဉ်ထားကြောင်း မြန်မာနိုင်ငံ ဆန်စပါးအသင်းချုပ် မှ သိရသည်။“အခု အခြေအနေက ဆန်စပါး ဈေးကွက်က ပြည်တွင်းဖူလုံမှုအပြည့်အ ဝရှိတဲ့အပြင် လိုအပ်ရင် ရိက္ခာဖြန့်ဖြူးရေး အတွက် အရန်ဆန်ထားရှိရေးကိုပါ စီစဉ်ဆောင်ရွက် နေပြီဖြစ်တဲ့ အတွက် လုံ လောက်ဇူလုံမှုရှိပါတယ်။

ပင္လယ္မွဖမ္းယူရရွိသည့္ ေက်ာက္ငါး မ်ားကို  သဘာဝနည္းအတိုင္း  ေမြးျမဴၿပီး ျပည္ပသို႔ တင္ပို႔မႈမ်ားရွိလာသည့္အတြက္ ေက်ာက္ငါးေမြးျမဴသူမ်ား

ျမန္မာ့ပဲေထာပတ္   အမ်ားဆံုး ဝယ္ယူသည့္ ဂ်ပန္ႏုိင္ငံမွ ေစ်းႏႈန္းပိုေပးကာဝယ္ယူ ေနေသာ္လည္း ပိုးသတ္ေဆး

ဧရာဝတီတိုင္းေဒသႀကီး ေမာ္လၿမိဳင္ကြၽန္းၿမိဳ႕နယ္ ကညင္ေခ်ာင္းႀကီးေက်းရြာေန လူငယ္မ်ား သည္ မိသားစုအပိုဝင္ေငြရရွိေရး

ျမန္မာနိုင္ငံသည္ ျပည္ပသို႕ ဆန္တင္ပို႕ေရာင္းခ်နိုင္မႈအမ်ားဆံုး နိုင္ငံစာရင္းထဲတြင္ျပန္လည္ပါဝင္လာၿပီး ေဈးကြက္သစ္မ်ားပါ

ျပည္တြင္းထြက္ စိုက္ပ်ဳိးေရး ထြက္ကုန္မ်ား အနက္ ျပည္တြင္း၌ စားသုံးရန္ မလုံေလာက္သည့္ ကုန္ပစၥည္းမ်ားကိုသာ

ျပည္တြင္း၌ ေဒၚလာေစ်း အျမင့္ပိုင္းတြင္ ဆက္လက္ ရပ္တည္ေနေသာေၾကာင့္ ျပည္ပမွ  ပဲပုပ္မွာယူ တင္သြင္းေနသူမ်ား အခက္ေတြ႕ေနေၾကာင္း