Food Industry

ကော့သောင်းနယ်စပ်မှတဆင့် ရေထွက်ကုန်ပစ္စည်းများ ပြည်ပသို့ တရားမဝင် တင်ပို့မှုမရှိစေရေး သတိပြု ကြပ်မတ် စစ်ဆေးမှုများ စဉ်ဆက် မပြတ် ဆောင်ရွက်လျက်ရှိရာ ၂၀၂၀ခုနှစ် ဩဂုတ်လ ၂၂ရက်နေ့ နံနက်ပိုင်းက ကော့သောင်းခရိုင် ငါးလုပ်ငန်း ဦးစီးဌာနနှင့် ဌာနဆိုင်ရာ ပူးပေါင်းအဖွဲ့များဖြင့် ရှောင်တခင် ကွင်းဆင်း စစ်ဆေးမှုများ ဆောင်ရွက်စဉ် ကော့သောင်းမြို့ ၊ရွှေဟင်္သာရပ်ကွက်၊ ကျောက်တံတားဆိပ်ကမ်းတွင် တဖက်နိုင်ငံသို့ တရားမဝင်တင်ပို့ ရောင်းချရန် စုပုံထားရှိသည့် ရေထွက်ကုန်ပစ္စည်းများအား သိမ်းဆည်းရမိခဲ့ပါတယ်။

မန္တလေးတိုင်းဒေသကြီး၊ ကျောက်ဆည်မြိုနယ်တွင် မိုးစပါးဧက (၅၂၈၁၆)ဧက စိုက်ပျိုးသွားမည်ဖြစ်ပြီး ဧကပေါင်း (၄၀၉၀၇) ဧက ပျိုးထောင်စိုက်ပျိုးပြီးပြီ ဖြစ်ကြောင်းလည်း မြို့နယ်စိုက်ပျိုးရေးဦးစီးဌာနမှ သိရှိရပါတယ်။

ဧရာဝတီတိုင်းဒေသကြီးအစိုးရအဖွဲ့၏ အစီအစဉ်ဖြင့် နိုင်ငံတော်အရေးပေါ်ရိက္ခာ စားအုန်းဆီများအား ခရိုင်အလိုက် ရန်ကုန်မြို့မှ သယ်ယူလျက်ရှိရာ မအူပင်ခရိုင်အတွက် အရန်ရိက္ခာ စားအုန်းဆီ ၂၂၂.၅ တန်အား ညောင်တုန်းမြို့နယ်သို့ ရောက်ရှိရာ ခရိုင်၊ မြို့နယ် သယ်ယူ၊ သိုလှောင်ထိန်းသိမ်းရေး အဖွဲ့များမှ ယမန်နေ့ နံနက် ၈ နာရီက မြို့နယ် အားကစား ခန်းမ၌ စနစ်တကျ စစ်ဆေးလက်ခံ ပေးခဲ့သည်။

ကရင်ပြည်နယ်၊ သံတောင်ကြီးမြို့နယ်အတွင်းရှိ ဒေသခံတောင်သူများအား စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန၊ စိုက်ပျိုးရေးဦးစီးဌာနမှ ကိုဗစ်-၁၉ ကုစားမှုအစီအစဉ်အရ ကော်ဖီပျိုးပင်များ၊ မှိုစိုက် ထုပ်များ၊ Home Gardening အတွက် ဟင်းသီးဟင်းရွက်မျိုးစေ့များ၊ ကော်ဖီသီးမှည့်ခွံချွတ်စက်၊ ကော်ဖီသီးလှန်းစင်များ၊ ကော်ဖီကိုင်းဖြတ်လွှ၊ ကော်ဖီကိုင်းဖြတ်ဓါး၊ သီးနှံပိုးမွှားကာကွယ်ရန် တမာပိုး သတ်ဆေးများနှင့် သဘာဝမြေသြဇာများ ပေးအပ်ပွဲအခမ်းအနားကို ၂၀၂၀ခုနှစ် ဩဂုတ်လ ၂၁ရက်နေ့ နံနက်(၁၀) နာရီအချိန်က ဇိုင်းယာန်း ကရင်နှစ်ခြင်းခရစ်ယာန်ဘုရားကျောင်းခန်းမ၌ ကျင်းပပြုလုပ်ခဲ့တယ်လို့ သိရပါတယ်။

ရာသီဥတုနှင့်လိုက်လျောညီထွေဖြစ်စေမည့် စိုက်ပျိုးစီးပွားရေးလုပ်ငန်းဆိုင်ရာ တန်ဖိုးကွင်းဆက် စီမံကိန်း အလုပ်ရုံ ဆွေးနွေးပွဲကို ပခုက္ကူမြို့ တော်ဝင်နန်းဟိုတယ်ခန်းမတွင် ၂၀၂၀ခုနှစ် ဩဂုတ်လ ၂၁ရက်နေ့ နံနက် ၉ နာရီမှာ ကျင်းပခဲ့တယ် လို့ သိရပါတယ်။

သြဂုတ်လ၁၃ရက်နေ့တုန်းက မြန်မာနိုင်ငံဆိုင်ရာ တရုတ်သံရုံးက မြန်မာနိုင်ငံ နိုင်ငံခြားရေးဝန်ကြီးဌာန၊ စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန ကိုယ်စားလှယ်များနှင့်အတူလန်ချန်း-မဲခေါင်ပူးပေါင်းဆောင်ရွက်မှု အထူးရန်ပုံငွေ(၂၀၁၈)ဖြင့် ဆောင်ရွက်လျက်ရှိသည့်အငယ်စား၊အလတ်စားမိရိုးဖလာနည်းဖြင့် ပြုပြင်ထုတ်လုပ်လျက်ရှိသော ရေထွက်ပစ္စည်းများအား ဘေးအန္တရာယ်ကင်းရှင်းစွာထုတ်လုပ်နိုင်ရန်အတွက် နိုင်ငံတကာ လိုအပ်ချက်များနှင့်အညီလိုက်နာဆောင်ရွက်နိုင်ရေးတိုးတက်မှု အပြင် စီမံကိန်းဆိုင်ရာတိုးတက်မှုအခြေအနေများကို ပူးတွဲလေ့လာစစ်ဆေးခဲ့တယ်လို့ သိရပါတယ်။

မကွေးတိုင်းဒေသကြီး၊ မင်းဘူးခရိုင်၊ မင်းဘူး(စကု)မြို့နယ်တွင် ကိုဗစ်-၁၉ စီးပွားရေး ကုစားမှု အစီအစဉ်ဖြင့် ဆောင်ရွက်သော မိုးစပါး မျိုးစေ့ထုတ်တောင်သူများကို နိုင်ငံတော်မှ ထောက်ပံ့ငွေ ပေးအပ်ခြင်းကို ဩဂုတ်လ ၂၀ရက်နေ့ နံနက် ၉ နာရီအချိန်က မြို့နယ်စိုက်ပျိုးရေးဦးစီးဌာန အစည်းအဝေး ခန်းမ၌ ပေးအပ်ခဲ့ကြောင်း သိရပါတယ်။

ဧရာဝတီတိုင်းဒေသကြီး ၊ ဖျာပုံခရိုင် ၊ ကျိုက်လတ်မြို့နယ်တွင် စိုက်ပျိုးရေးဦးစီးဌာန မှ CERP (ကိုဗစ်-၁၉ စီးပွားရေး ကုစားမှု အစီအစဉ်) အရ မိုးစပါးမျိုးစေ့ထုတ် စိုက်ပျိုးသည့် တောင်သူများအား ထောက်ပံ့ငွေပေးအပ်ပွဲ အခမ်းအနားကို မြို့နယ်အထွေထွေ အုပ်ချုပ်ရေးဦးစီးဌာန၊ ရွှေဝါလတ်ခန်းမ၌ ဩဂုတ်လ ၂၀ရက်နေ့ နံနက်(၉) နာရီမှာ ကျင်းပခဲ့တယ်လို့ သိရပါတယ်။

အခြေခံစားသုံးကုန်များထဲမှ တစ်ခုအပါအဝင်ဖြစ်သည့် စားသုံးဆီများ ပြည်တွင်းဈေးကွက်အတွင်းရောင်းချရာတွင် စားသုံးသူများထံ ဈေးနှုန်းသင့်တင့်မှန်ကန်စွာဖြင့် တင်သွင်းဖြန့်ဖြူးရောင်းချပေးနိုင်ရေးအတွက် ဩဂုတ်လ ၁၉ ရက်နေ့ ညနေပိုင်းတွင် ကုန်သည်စက်မှုအသင်းချုပ် ဥက္ကဌ ဦးဇော်မင်းဝင်းနှင့် အထွေထွေအတွင်းရေးမှူးချုပ် ဦးအေးဝင်းတို့သည် မြန်မာနိုင်ငံဆီကုန်သည်နှင့်ဆီလုပ်ငန်းရှင်များအသင်းမှ တာဝန်ရှိသူများနှင့်တွေ့ဆုံဆွေးနွေးခဲ့သည်။

မြန်မာနိုင်ငံဆန်စပါးအသင်းချုပ်က စားသုံးသူပြည်သူတွေကို ဈေးနှုန်းသက်သာစွာဖြင့် ဆန်တွေကိုရောင်းချပေးမည့် အစီအစဉ်ကို အသိပေးကြေညာခဲ့ပါတယ်။