Food & Livestock

မြန်မာနိုင်ငံတွင် စပါး၊ ပြောင်း၊ မြေပဲ၊ နှမ်း၊ နေကြာ၊ ပဲအမျိုးမျိုး၊ ဝါနှင့် ကြံတို့အား အဓိက သီးနှံများအနေဖြင့် စိုက်ပျိုးပြီး တစ်နိုင်ငံလုံး၏ စိုက်ပျိုးထုတ်လုပ်မှုတွင် ပဲမျိုးစုံ စိုက်ပျိုးထုတ်လုပ်မှုသည် ဒုတိယအများဆုံး ဖြစ်ကာ တစ်နိုင်ငံလုံး၏ လယ်ယာထွက်ပစ္စည်း ထွက်ရှိမှု၏  (၃၃) ရာခိုင်နှုန်းကို ၎င်းစိုက်ပျိုးခြင်းမှ ရရှိသည်။ 

နိုင်ငံ စိုက်ပျိုးမြေ ဧရိယာစုစုပေါင်း၏ (၂၀) ရာခိုင်နှုန်းခန့်ကို ပဲမျိုးစုံ စိုက်ပျိုးရေးက နေရာယူထားပြီး ၎င်းအနက် ပဲမျိုးစုံ စိုက်ဧက၏ (၇၂) ရာခိုင်နှုန်းသည် အဓိကအားဖြင့် မတ်ပဲ၊ ပဲတီစိမ်း၊ ပဲစဉ်းငုံ ဖြစ်ကာ ပဲလွန်း၊ မြေထောက်ပဲ၊ ထောပတ်ပဲ၊ ပဲယင်း၊ ကုလားပဲ၊ ပဲပုပ်၊ စားတော်ပဲနှင့် အခြားပဲများကိုလည်း စိုက်ပျိုးကြသည်။ 

မြန်မာနိုင်ငံမှ တင်ပို့သည့် ပို့ကုန်အများစုသည် လယ်ယာထွက်ကုန် ပစ္စည်းများဖြစ်ပြီး ပဲမျိုးစုံသည်လည်း အဓိက ပို့ကုန်တစ်ခုအဖြစ် ပါဝင်နေသည်။ မြန်မာနိုင်ငံမှ ပြည်ပသို့ ပဲမျိုးစုံ တင်ပို့မှုအနေဖြင့် ၂၀၂၀-၂၀၂၁ ဘဏ္ဍာနှစ် စာရင်းများအရ…

• ပင်လယ်ရေကြောင်းမှ ၁,၂၄၂,၇၇၅.၂၃၁ တန်နှင့် တန်ဖိုး အမေရိကန်ဒေါ်လာ ၉၆၆.၄၀၇ သန်း
• နယ်စပ်မှ ၇၈၆,၉၂၀.၆၅၁ တန်နှင့် တန်ဖိုး အမေရိကန်ဒေါ်လာ ၆၀၄.၃၀၀ သန်း
• စုစုပေါင်း တန်ချိန် ၂,၀၂၉,၆၉၅.၈၈၂ တန်နှင့် စုစုပေါင်းတန်ဖိုး အမေရိကန်ဒေါ်လာ ၁,၅၇၀.၇၀၇ သန်း တင်ပို့နိုင်ခဲ့ပြီး 

ယခု ၂၀၂၂-၂၀၂၃ ဘဏ္ဍာနှစ် ကာလအတွင်း ( ၂၀၂၂ ခုနှစ်၊ ဧပြီလ (၁) ရက်နေ့မှ ၂၀၂၃ ခုနှစ်၊ မတ်လ (၃) ရက်နေ့အထိ )

• ပင်လယ်ရေကြောင်းမှ ၁,၄၂၈,၈၆၉.၂၀၅ တန်နှင့် တန်ဖိုး အမေရိကန်ဒေါ်လာ ၁,၁၀၉.၁၁၁ သန်း 
• နယ်စပ်မှ ၂၃၃,၄၈၃.၉၇၆ တန်နှင့် တန်ဖိုး အမေရိကန် ဒေါ်လာ ၁၆၈.၉၈၉ သန်း
• စုစုပေါင်း တန်ချိန် ၁,၆၆၂,၃၅၃.၁၈၁ တန်နှင့် စုစုပေါင်းတန်ဖိုး အမေရိကန်ဒေါ်လာ ၁,၂၇၈.၁၀၀ သန်း တင်ပို့ခဲ့ကြောင်း စီးပွားရေးနှင့် ကူးသန်းရောင်းဝယ်ရေး ဝန်ကြီးဌာနမှ သိရသည်။

Advertisement

Click Here > Golden Myanmar

ယခင်ဘဏ္ဍာနှစ်နှင့် နှိုင်းယှဉ်လျှင် ပင်လယ်ရေကြောင်းမှ တင်ပို့မှုသည် ၁၈၆,၀၉၄ တန် နှင့် တန်ဖိုး အမေရိကန်ဒေါ်လာ ၁၄၃ သန်း ခန့် မြင့်တက်လာပြီး နယ်စပ်မှ တင်ပို့မှုသည် ၅၅၃,၄၃၆ တန် နှင့် တန်ဖိုး အမေရိကန်ဒေါ်လာ ၄၃၅ သန်း ခန့် လျော့ကျသွားသည်။

စုစုပေါင်းအနေဖြင့် တန်ချိန် ၃၆၇,၃၄၃ တန် နှင့် တန်ဖိုး အမေရိကန်ဒေါ်လာ ၂၉၃ သန်း ထိ လျော့ကျလာခဲ့ခြင်း ဖြစ်သည်။

၂၀၂၂-၂၀၂၃ ဘဏ္ဍာနှစ်အတွင်း ပဲအမျိုးအစားအလိုက် ပြည်ပတင်ပို့နိုင်မှု အခြေအနေကို အောက်ပါဇယားတွင် အသေးစိတ် ကြည့်ရှုနိုင်သည်။

အဓိကအားဖြင့် မတ်ပဲ၊ ပဲတီစိမ်းနှင့် ပဲစဉ်းငုံ တင်ပို့မှု အများဆုံးဖြစ်ကာ မတ်ပဲသည် ပင်လယ်ရေကြောင်းမှ ၅၉၉,၃၂၁.၈၀၉ တန်နှင့် ဒေါ်လာ ၄၉၀.၅၈၈ သန်း၊ နယ်စပ်မှ ၉,၃၅၂.၀၁၀ တန်နှင့် ဒေါ်လာ ၈.၉၀၃ သန်း၊ စုစုပေါင်း တန်ချိန် ၆၀၈,၆၇၃.၈၁၉ တန်နှင့် စုစုပေါင်းတန်ဖိုး ဒေါ်လာ ၄၉၉.၄၉၁ သန်း ရရှိထားသည်။

ပဲတီစိမ်းသည် ပင်လယ်ရေကြောင်းမှ ၄၃၂,၇၄၂.၁၆၁ တန်နှင့် ဒေါ်လာ ၃၁၅.၆၁၆ သန်း၊ နယ်စပ်မှ ၁၃၈,၈၃၄.၄၆၅ တန်နှင့် ဒေါ်လာ ၉၃.၁၆၀ သန်း၊ စုစုပေါင်း တန်ချိန် ၅၇၁,၅၇၆.၆၂၆ တန်နှင့် စုစုပေါင်းတန်ဖိုး ဒေါ်လာ ၄၀၈.၇၇၆ သန်း တင်ပို့ ရရှိထားသည်။

ပဲစဉ်းငုံသည် ပင်လယ်ရေကြောင်းမှ ၂၀၂,၀၉၄.၈၅၀ တန်နှင့် ဒေါ်လာ ၁၅၇.၅၇၈ သန်း၊ နယ်စပ်မှ ၄၆၂.၅၀၀ တန်နှင့် ဒေါ်လာ ၀.၃၃၁ သန်း၊ စုစုပေါင်း တန်ချိန် ၂၀၂,၅၅၇.၃၅၀ တန်နှင့် စုစုပေါင်းတန်ဖိုး ဒေါ်လာ ၁၅၇.၉၀၉ သန်း တင်ပို့ ရရှိထားသည်။

Su Mon Oo

Source : MOC