Food & Livestock



ပြည်ပသို့ ဆန်တင်ပို့မှု ယခင်နှစ်ထက် ထက်ဝက်ခန့် လျော့နည်း

မိုးစပါးအသစ်ပေါ်ချိန် တွင် ပြည်ပသို့ ဆန်တင်ပို့နိုင်မှု သည် ပြီးခဲ့သည့်နှစ်ထက် ထက် ဝက်ခန့် လျော့နည်းကြောင်း မြန်မာနိုင်ငံ ဆန်စပါးအသင်းချုပ် တာဝန်ရှိသူအချို့က ပြောသည်။


ယခုနှစ်တွင် ပြည်ပသို့ တစ် လလျှင် ဆန်တန်ချိန် နှစ်သိန်းခန့် သာ တင်ပို့နိုင်ပြီး ယမန်နှစ်က တစ်လလျှင် ပျမ်းမျှတန်ချိန် သုံး သိန်းခွဲအထက်ရှိကြောင်း မြန်မာ နိုင်ငံ ဆန်စပါးအသင်းချုပ်ဗဟိုအ လုပ်အမှုဆောင် ဦးမျိုးသူရအေး ကပြောသည်။ ထို့ကြောင့်ပြည်ပ ဆန်တင်ပို့နိုင်မှုက တန်ချိန်တစ် သိန်းခွဲကျော် လျော့နည်းသည်။

 

ယင်းသို့ လျော့နည်းရခြင်း၏ အဓိကအကြောင်းရင်းနှင့် ပတ် သက်၍ ဦးမျိုးသူရအေးက ‘‘တရုတ်ကို အရင်လိုမသွားနိုင် တော့လို့ပါ’’ဟု ပြောသည်။

 

ယခုနှစ်တွင် တရုတ်နိုင်ငံ သည် မြန်မာ့ဆန်ကို နယ်စပ်ကုန် သွယ်ရေးလမ်းကြောင်းမှ တစ် ပတ်လျှင် တန်ချိန် တစ်သောင်း ကျော်သာ ဝယ်ယူကြောင်း မူဆယ်ဆန်ကုန်စည်ဒိုင်အသင်းဝင် ဦးမင်း သိန်းက ပြောသည်။

 

တရုတ်ကုန်သည်များသည် ယခင်နှစ်များကဲ့သို့ ဆန်ကို လွတ် လပ်စွာ ဝယ်နိုင်ခြင်းမရှိဘဲ ကူမင်း အစိုးရက ချထားပေးသော ဆန် တင်သွင်းခွင့် ပါမစ်များဖြင့်သာ ဝယ်နေကြောင်း ၎င်းက ဆိုသည်။

 

ဆန်တင်ပို့မှု လျော့နည်းခြင်း ကြောင့် ပြည်ပသို့ အများဆုံးတင် ပို့နေသည့် ဆန်ကြမ်းဈေးနှုန်း ကျဆင်းနေပြီး တစ်အိတ်လျှင် ကျပ် ၁၆,၅၀၀ ခန့်ဈေးရှိကြောင်း ရန်ကုန်မြို့ ဘုရင့်နောင်ဆန်ကုန် စည်ဒိုင်မှ အသင်းဝင်အချို့က ပြောသည်။

 

‘‘နယ်စပ်အဆွဲမရှိတော့ ပင် လယ်ထွက်ပေါက်တစ်ခုပဲ အား ကိုးနေရတယ်’’ဟု ဘုရင့်နောင် ဆန်ကုန်စည်ဒိုင် အတွင်းရေးမှူး ဦးသန်းဦးက ပြောသည်။

 

မြန်မာနိုင်ငံ၏ လယ်မြေဧက ၁၇ သန်း၌ စိုက်ပျိုးသော မိုးစပါး အသစ်ပေါ်ချိန်တွင် ပြည်ပဆန် တင်ပို့မှု လျော့ကျခြင်းကြောင့် ပြည်တွင်း စပါးဈေးနှုန်းလည်း လိုက်ပါကျဆင်းခဲ့သည်။

 

Read More >>>>>   အခြေခံရည်ညွှန်းဈေးဖြင့် စပါးဝယ်ယူရေး စည်းမျဉ်းများ ဒီဇင်ဘာ ၄ ရက်တွင် ထုတ်ပြန်မည်

 

လက်ရှိတွင် စပါးတင်း ၁၀၀ လျှင် ကျပ်လေးသိန်းအောက် ကျ ဆင်းနေပြီး စိုက်ပျိုးသူတောင်သူ လယ်သမားများ အခက်အခဲကြုံ နေရသည်။ ရာသီဥတုဖောက်ပြန် မှုကြောင့် ရောဂါပိုးမွှားများ ကျ ရောက်ပြီး စပါးအထွက်နည်းချိန် တွင် စပါးဈေးကျဆင်းခြင်းက လယ်သမားများအတွက် ထိုးနှက် ချက်တစ်ခုဖြစ်ကြောင်း လယ်သ မားဘဝ ဖွံ့ဖြိုးရေးအသင်းဥက္ကဋ္ဌ ဦးသိန်းအောင်ကပြောသည်။

 

‘‘ဒီနှစ်မှာ လယ်သမားတွေ က အတော်အထိနာနေပြီ။ နာလန်မထူနိုင်ဘူး’’ဟု ဦးသိန်းအောင်က ပြောသည်။

 

မိုးစပါးပေါ်ချိန်တွင် စပါး ဈေးကျဆင်းခြင်းကို ခုခံရန် အစိုးရက အခြေခံရည်ညွှန်းဈေးဖြင့်စပါး ဝယ်ယူရန် ပြင်ဆင်နေသည်။ ဘဏ္ဍာရန်ပုံငွေမှ ကျပ် ၁၂ ဘီလီယံခန့် သုံးစွဲကာ ဧရာဝတီ၊ ပဲခူးနှင့် ရန်ကုန်တိုင်းမှ စပါးများဝယ် ယူရန် စီစဉ်နေပြီး အခြေခံရည် ညွှန်းစပါးဈေးသည် တင်း ၁၀၀ လျှင် ကျပ်ငါးသိန်းဖြစ်သည်။

 

‘‘အစိုးရဝယ်မှာကို မျှော်ရ တာလည်း မောနေပါပြီ’’ဟု ကျောင်းကုန်းမြို့နယ်နေ လယ် သမား ဦးပြူးက ဆိုသည်။

 

Food Catagories များရှာချင်ရင် ဤနေရာကိုနှိပ်ပါ။

 

အခြေခံဈေးဖြင့် စပါးဝယ် ယူရေးသည် ယခုလအတွင်း လက်တွေ့အကောင်အထည်ပေါ်လာ နိုင်သည်ဟု မြန်မာနိုင်ငံ ဆန်စပါး အသင်းချုပ်ဥက္ကဋ္ဌ ဦးရဲမင်းအောင် က ပြောသည်။

 

 

Source:  7 day news

 

Read times Last modified on Monday, 02 December 2019 10:21
Rate this item
(1 Vote)